• Ps 69:​30, 31—Biblö ˈˈɲan ˗nu ˈwo bhë, ˗wo ˗dho kwa ˗takun ˗kɔ ˗kë ꞊dhɛ kö ˈkwa baaˈˈ kwa ˗bha bhɛɛˈˈ ˗kɔ ˗nu ˗bha? (w99˗F 15/1 18 § 11)

  Ü ˗bha ˗yɔ

• Pë ˗sɛŋbɔ ˗nu ˗mɛɛn ˈwo go Biblö ˗wopösü ˈö ˈˈdhoogɔ yö˗ ˈgü, ˗a ˈgü ˈö ˈü˗ ˈˈpiʋ̈ kö ˈü ˗wɔn blɛɛˈˈ?

  Ü ˗bha ˗yɔ

˗Kwɛ 2009 Zanvie ˈˈsu ˈgü, ˗wo ˗zlanwokɔdhi ˗bha ˈsëëdhɛ draansü waa ˗Zlan ˗bha yö ꞊klaŋ ˗da ˈˈkwëë˗, ˈyö ˗bhɔkwëë ˈö ˗kë ˈˈdhoogɔ ꞊zinŋgü ˗yö ˗kë dosɛnŋ. ˗A ˗kë ˈˈdhʋ̈ ˗sü ˗ya ˗kë ˈö ˈkɔdhigümɛn ˗nu ˗wo ˗dhɛkpaɔyi do ꞊slɔɔ ˈˈdhoogɔ ˈgü ˈkö ˗wo ˗Zlan ˗dhɔkë ˈwo ˈkwëë˗ ˈˈkwɛɛnŋdhö. ˈWɔn ˗nu ˗bho ˈˈgblʋʋ ˗kɔ ˗dɛɛ ˈö bhë ˗yö mɛn ꞊vadhɛ ˗nu ˗dhɛ ˈˈdhiasü ˈö sü ꞊dhɛ ˗yö ˈkɔdhigümɛn ˗nu ˗takun kö ˗wo ꞊ɲɔɔn Zoova ˗bha, ˈgo mü kö ˗wo ꞊ɲɔɔn wo ˈko ˗nu ˗bha ˈpö.—Dt 6:​6, 7.

˗Mën ˗nu ˈwo ꞊mɔɔn˗ ˗bha ˈwo ˈkɔdhigümɛn ˗nu ˗takun kö ˗an ˗bha ˗Zlan ˗dhɔkë ˈkɔɔ ˗sü ˗yö kë ˈˈdhiasü?

• ˗Kaa kë ˈˈdhoogɔ ꞊gban ˈka. ꞊Ya ˗kë ˗mɔn ˈˈkwëë˗ ˗wɔn ˈka, ˗ka ka ˗bha ˗Zlan ˗dhɔkë ˈkɔɔ ˗sü ˈö ˈˈdhoogɔ ˈgü ˗a ˈˈlɛlɛ ˗ya. ꞊Ya ˗kë ˗dhɛ ˈwɔn ˈˈwɛɛ ˈbha ˗ya ˗da ka ˗gɛn ˈgü, ˗kaa yi ˈˈwɛɛ ˗ya kö ˈka˗ kë.

• ˗Ka ka ˗de baaˈˈ. ˗Kaa ˗wɔn blɛɛˈˈ ka ˗bha dhebɔ ˗dhɛ. ꞊Ya ˈgo mü ka ꞊mɔɔn˗ ˗bha ˈka ka ˗bha ˈnën ˗nu dhɛɛˈˈ ˈkpɔ ˈpë ˈka dho ˗a draanˈˈ ˗a ˗wɔn ˈgü ˈpö. ꞊Ya ˗kë ꞊dhɛ ˈwɔn do kë ˗sü ˗dhɔ ˗yö ˈkɔdhigümɛn ˗nu ꞊gban ˈˈpɛpɛ ˗dhɛ ˗së ˈˈdhoogo ˈgü, ˈˈgbɩɩdhɛ ˈyaa mü kö ˈka ꞊gbɔɔn ˗a baaˈˈ ˗sü ˗bha.

• ˗Ka ka ˗bha ˗Zlan ˗dhɔkë ˈkɔɔ ˗sü ˗bɛ ka ˗bha ˈkɔdhi ˗bha. Ka ˗bha ˈnën ˗nu ˗wo ˈˈgla ˗ni ˈgü, ˗an ˗bhawɔnyëëpë waa ˗an ˗bha ˗kɔmɔɔnwɔnbhasü ˗yö ˗go ˈˈgblʋʋ ˈpö. Ka ˗bha ˗Zlan ˗dhɔkë ˈkɔɔ ˗sü ploglamö ˗dua ˗mü kö ˗yö ˈkɔdhigümɛn ˗nu ˗takun kö ˗wo ꞊ɲɔɔn Zoova ˗bha.

• ˗Kaa ˗kë kö ka ˗bha ˗Zlan ˗dhɔkë ˈkɔɔ ˗sü dinŋ ˗yö dhi. ˈˈTʋ̈ŋ ˈbha ˗nu ˈka ka ꞊mɔɔn˗ ˗bha ˈka ka ˗bha ˗Zlan ˗dhɔkë ˈkɔɔ ˗sü ˗kë ˈˈkpɛnŋ. Ka ꞊mɔɔn˗ bha ˈka˗ ˈduannu ˈnën ˈbhaawo ˈka ka ˈˈtɛɛpa. ˈKö ˗kë ꞊dhɛ ˈwɔn ˗nu ˈwo ˗gban ˈnën ˗nu ˗bha ˗a blɛɛˈˈ ˈˈtʋ̈ŋ ˈnën bhë, ˗a ˗dhɛ ˈyaa˗ ˗bha kö ˈka ˈˈwɩ ka ˗bha ˈnën ˗nu ˗dhɛ ɛɛnˈˈ kö ˈka ˈwɔn bho ˗an ˈgü ˗Zlan ˗dhɔkë ˈkɔɔ ˗sü ˈˈtʋ̈ŋ ˈka.

• ˈKa ˗dho pë dosɛnŋ draanˈˈ ˗kplawo. ˗A ˈwɔnzuan ꞊nɛɛn: Ka ˗bha ˗Zlan ˗dhɔkë ˈkɔɔ ˗sü ˈˈtʋ̈ŋ ˈka, ka ꞊mɔɔn˗ ˗bha ˈka ˗bhɔkwëë ˈˈpian ˈbha baaˈˈ, ˈka video do ˈö jw.org ˗ta ˗a ˗ga kö ˈka˗ ˗wɔn ˈˈdoo do ɛɛnˈˈ ˈzü ˈka ˈpë ˈka dho ˗a pö ˗zlanwopödhɛ ˈgü ˈka˗ baaˈˈ ˗së ˈka. ˈKö ˗kë ꞊dhɛ ˈˈdoodɔ ˗sü ꞊nën dho kë ˗Zlan ˗dhɔkë ˈkɔɔ ˗sü ˈˈpian ˗wɔn ˈˈgbɩɩsü ˈka, ka ˗dua ˗mü kö ˈka ˈˈtʋ̈ŋ ˈbha ˗ya kö ˈkɔdhigümɛn ˗dhɛ ˈö ˈdhö ˗yö ˈpë ˈö yö ꞊dede dho ˗a kë ˗ya ˗wɔn blɛɛˈˈ ˈka ˗dhɛ kö ka ˗kun ka ˈkwëë˗.

Dhɛɛˈˈ ˈö ˗yö ˗kaa ˗wɔn ˈˈdoo dɔ:

• ˈWɔn ˗nu ˈwo bhë ˈka ˗an ˈgüdan ˗kɔ ˗kë ꞊dhɛ ka ˗bha ˗Zlan ˗dhɔkë ˈkɔɔ ˗sü ˈˈtʋ̈ŋ ka?

  Ü ˗bha ˗yɔ