ˈUtö 5-11

PSAUMES 70-72

-A "WƖ -DHƐ

ˈUtö 5-11

ˈˈTan 59 waa bhɛɛsü | Dhiaŋ züdɔdhɛ (Min. 1)

PË ˗SƐŊBƆ ˗NU ˈWO ˗ZLAN ˗WO ˈGÜ

1. ˗Kwa Zoova ˗bha ˈˈpiigbɩɩdhɛ ˗wɔn blɛɛˈˈ kwa «suugünën ˗nu ˈwo dho nu» ˗an ˗dhɛ

(Min. 10)

ˈDhɛ Davi kun wlüünën ˈka, Zoova ˗yö ö ˗kɔ ˗kpa ˗a ˗ta. (Ps 71:5; w99˗F 1/9 18 § 17)

ˈDhɛ kun zii, Davi ˗ya ˈsuanbho ꞊dhɛ Zoova ˗yö ö ˗takun. (Ps 71:9; g04˗F 8/10 23 § 3)

Davi ˗yö ˈwɔn ˗nu ˈö bɔ ˗an ˈgü ˗an ˗blɛɛ wlüünën ˗nu ˗dhɛ. (Ps 71:17, 18; w14˗F 15/1 23 § 4-5)

˗BHÖ Ü ˗DE DHƐƐˈˈ ˈKPƆ, ‹Kwa ꞊dhegblü zii ˗mɛɛn ˈö ˗ya ˗gwëë ˗Zlan ˗dhɔkë ˗sü ˈgü ˈa ꞊mɔɔn˗ ˗bha ˈa˗ dhɛɛˈˈ kpɔ n ˗man ˗Zlan ˗dhɔkë ˈkɔɔ ˗sü ˗ta?

2. Pë ˗sɛŋbɔ ˗nu ˈwo Biblö ˈgü

(Min. 10)

Ps 72:8—ˈWɔn ˗së ˈö Zoova ˗ya ˈˈplünŋ bho Ablaamö ˗dhɛ ˈö ˗bɛnzë ˗sü ˈka ˈWunzüdɔdhɛ 15:18 ˈgü bhë, ˗yö ˗yökodhiʋ̈ ˗kɔ ˗kë ꞊dhɛ ˗Gblüdë Sadhomɔn ˗bha mɛndhɛkësü ˈˈtʋ̈ŋ ˈgü? (it-1˗F 826)

Ü˗bha ˗yɔ
Pë ˗sɛŋbɔ ˗nu ˗mɛɛn ˈwo go Biblö ˗wopösü ˈö ˈˈdhoogɔ yö˗ ˈgü, ˗a ˈgü ˈö ˈü˗ ˈˈpiʋ̈ kö ˈü ˗wɔn blɛɛˈˈ?

Ü ˗bha ˗yɔ

3. Pë ˗wopösü

(Min. 4) lff ˈwɔn ˗gɔ 12 ˗Kaa ˈˈpiʋ̈ ˈpɔn ˈˈp. 50 ˈö yö˗ ˈka ˗a ˈdhɛ to kwa ˈˈɲaan ˈˈp. 52 ˗bha. (th ˈwɔn ˗gɔ 5)

Ü ˗BHA ˗ZLANWOPÖSÜ ˈKUN ˈˈGBƖƖ˗

4. ˈˈDoo zü ˗dɔ mɛn ˗nu ˈˈpiʋ̈ ˗sü

(Min. 3) ˈKƆ ˈGÜ ˈKƆ ˈGÜ. ˗A ˗mɛn ˗ya ˗ya zɔɔdhe ˗da ˗sü ˗bha, ˗bhö ˈˈdoo ˈˈkan ˈˈnɛɛnnɛn ˈka. (lmd ˈwɔn ˗gɔ 4 ˈwɔn ga 5)

5. ˗Womɛndhɛsü

(Min. 4) ˗ZLANWOPÖSÜ ˈÖ ˗DHƐ ˈˈOO ˗DHƐ ˈGÜ. ˗Bhö ˈdho ˈˈdoo ˈka ˈˈdhiʋ̈ ü dɔmɛn ˈbha ˈö ˈka ˈˈdoo züdɔ ˈsaadhö ˈˈkɛɛ ˈö ˈyaa˗ ˈˈpiʋ̈ kö ˈö Biblö draanˈˈ, ˗a ˈˈpiʋ̈. (lmd ˈwɔn ˗gɔ 8 ˈwɔn ga 4)

6. Ü ˗bha ˗zoyödhe ˗wɔn blɛɛˈˈ

(Min. 5) ˈˈDhɛɛtadhiaŋ˗. ijwfq 49—ˈWɔn ˗gɔ: ˈMën ˗kë ˈö Zoova bha ꞊Gbɛkiö ˗nu ˗wo ˈwɔn ˈbha ˗nu ˈwo kun wo ˗zoyö ˗ni ˈgü ˗an ˗dhɛ, ˗an bho ˈˈgblʋʋ. (th ˈwɔn ˗gɔ 17)

KWA ˗BHA ˗KË KLETIƐN ˈKA ˗SÜ

ˈˈTan 76

7. ˗Zlan ˗dhɔkë ˈkɔɔ ˗sü ˈˈslö ˈbhaa ˗nu

(Min. 15) ˈˈDoo.

˗Zlan ˗dhɔkë ˈkɔɔ ˗sü ˗yö ˈˈtʋ̈ŋ ˗së ˈö ˈnën ˗nu ˈwo ꞊mɔɔn˗ ˗bha kö ˗wo «Zoova ˗bha zian» waa˗ «˗wʋ» ˗nu draanˈˈ, ˗a ˈka. (Ef 6:4) Biblö draansü ˈyaa ˈwɔn ˈˈplëëplë ˈka. ˈˈKɛɛ gagade ˗nu ˈwo Biblö ˈgü ˗an dɔ ˗sü ˗dhɔ ˗ya ˈnën ˗nu kë, ˗an draansü ˈˈdhia ꞊mɔɔn˗ ˗bha ˈö ˗da ˗an ˈgü. (Zn 6:27; 1P 2:2) ˗Ka ˈkɔnën « ˗Zlan ˗dhɔkë ˈkɔɔ ˗sü ˈˈslö ˈbhaa ˗nu» ˗ga ˈbhaawo. ˗Yö ꞊mɔɔn˗ ˗bha ˈö ˈnënmɛn ˗nu ˗takun kö ˗wo wo ˗bha ˗Zlan ˗dhɔkë ˈkɔɔ ˗sü ˗kë ˈˈdhiadhiasü, ˈgo mü ˈzü kö ˗a ˈgüwɔn ˗nu ˗wo mɛn ꞊gban ˗takun. ˈKa ka bo, ˗ka dhɛɛˈˈ ˗nu ˈö ˈwo yö, ˗an ˗yɔ mɛɛnˈˈ:

ˈˈSlö ˗nu ˈwo yö, ˗a ˗mɛɛn ˈö ˈka˗ ˈˈpiʋ̈ kö ˈka˗ ˈgüdan?

Ü ˗bha ˗yɔ
ˈˈSlö ˗së ˈbha ˗yö ˗dhö ˈö ˈka ꞊mɔɔn˗ ˗bha ˈka˗ ˗kë ˗ee?

Ü ˗bha ˗yɔ

˗ZLAN ˗DHƆKË ˈKƆƆ ˗SÜ ˈˈSLÖ ˈBHAA ˗NU

BIBLÖ ˗WOPÖSÜ:

˗Ka ka ˈˈtʋ ˈto Biblö ˈˈɲan ˗nu ˈwo ˈˈtʋtobhapë ˈka ˈˈdhoogɔ ˈgü ˗an ˗bha ɛɛnˈˈ ˈzü mɛn ˈö dhö ˗ya ˗wo pö ö ˗wo ˗ta. ˈKɔdhigümɛn ˗dhɛ ˈö ˈdhö ꞊mɔɔn˗ ˗bha ˈzü kö ˗yö ʒiö mɛn ˗nu ˈwo dhiaŋzë Biblö ˈˈpian ˈö bhë ˗a ˈgü ˗an ˗wo ˈˈpiʋ̈.
Biblö ˈˈɲan ˗nu wo ˈˈdhoogɔ ˈgü, ˗ka dhɛɛˈˈ ˗nu ˈwo ˗gban ˗an ˗bha ˗an baaˈˈ. ˈKɔdhigümɛn ˗dhɛ ˈö ˈdhö ˗yö ˈö ˗kɔ ˈˈyɛ dhɛɛˈˈ do ˗bha kö ˗ya ˗yɔ mɛɛnˈˈ. ꞊Ya ˈgo mü kö pë ˗nu ˈwo˗ ꞊draan bhë, ˗wa pö.
˗Ka dhɛɛˈˈ do ˈkpɔ ˈˈɛɛn ˗ka ˈwɔn do ˈbha ˈgü ˈˈpʋ, kö ˈka Biblö ˗bha ˈtɔŋ˗ ˗gɛngbandhɛ ˗nu ˈwo ˗gban ˗a ˗bha ˗an mɛɛnˈˈ Biblö ˈˈɲan ˗nu ˈwo ˗dho kletiɛn ˗nu kwa ˗takun ˗a ˈgü.
ˈWɔn ˈbha ˗nu ˈwo ˗kë Biblö ˈgü ˗kaa ˈˈslö do kë.
˗Ka Biblö ˈˈɲan ˈbha ˗nu ˗ya ˈsëëdhɛ ˈˈklu ˈnën ˈbha ˗ta ˈˈdhoogɔ ꞊gban ˈka. ˗Wo ꞊mɔɔn˗ ˗bha ˈwo ˗kë ꞊dhɛ ˗a ˗dhɛ ˗nu ˈwo ˈsëëdhɛ be ˈnën Mɛn ˗nu ˗dhɔ ˗yö kwa kë: ˗Kwa mɛn ˗nu kë Yesu ˗bha gwëëˈˈ ˗nu ˈka Apɛndisö 1 ˈgü bhë, ˗an ˈdhö. ꞊Ya ˈgo mü ˈka ˗an draanˈˈ kö ˗wo ˈto ka ˗gɔ ˈgü. ˗Kaa ˗dhɛ ˗nu ˈö ˈka ˗an kë zii ˈka ˗be, ˗an ˗ta ˈbhaawo.
˗Ka ˈˈsëëdhɛ be Zuʋ̈gblüdhi ꞊slɔɔ ˗toëpö ˈka! ˈˈpian ˈbhaa draanˈˈ.
ˈKɔdhigümɛn ˗dhɛ ˈö ˈdhö ˗yö pë ˗nu ˈö ˗an ꞊slɔɔ ˈwɔn ˗gɔ ˗nu ˈwo yö ˈko ˈˈpiʋ̈ ˈwo ˈgo «Dhɛɛˈˈ ˗nu ˗yɔ ˈwo Biblö ˈgü» ɛɛnˈˈ «Biblö ˈˈɲan ˗nu ˈgü ˈˈpʋ ˗sü» ˈgü «PË BIBLÖ ˗YA PÖ» ˈˈpian ˗ta bhë, ˗a ˈwɔn blɛɛˈˈ mɛn ꞊gban ˈˈɲan ˈˈdhiʋ̈.

˗BHƆKWËË ˗NU:

˗Ka ˗bhɔkwëë ˈˈpian ˈbha ˗nu baaˈˈ.
˗Ka ka ˗bha ˈwɔn ˗daa ˗nu baaˈˈ kö ˈka ˗an draanˈˈ ˗së ˈka. ˗Kaa kë kö ka ˗bha ˈwɔn ˗daa ˗yö kë ꞊klöö˗.
˗Ka ˗gblüdëdhɛ ˈˈtan ˗nu bho.
˗Bhɔkwëë ˈö dho ˗kë ꞊taabha, ˈpë ˈka dho ˗a kë ɛɛnˈˈ ˈka dho ˗a pö kö ˈka mɛn ˈbha ꞊faanmën ˗kaa mɛɛnˈˈ.
Yö ˈbha ˈö ˈkɔdhigümɛn do ˈö ˗dho ˗a kë ˗bhɔkwëë ˈö ˈˈdhoogɔ ꞊zinŋgü ˗a ˗ta, ˗kaa baaˈˈ ka ˈkwëë˗ kö ˗a ˗mɛn ˗ya ˗kë ka ˈˈɲan ˈˈdhiʋ̈.

˗ZLANWOPÖ ˗YÖ:

˗Ka ka ˗de baaˈˈ ˗zlanwopösü ˈö ˈkɔ ˈgü ˈkɔ ˈgü ˗a ˗bha.
˗Ka ka de baaˈˈ ˗womɛndhɛsü ˗nu ˗bha.
˗Ka ka de baaˈˈ ˗zlanwopösü ˈö ˗dhɛ ˈˈoo ˗dhɛ ˈgü ˗a ˗bha kö ˈka ˈˈdoo ˈˈnɛɛnnɛn dɔ mɛn ˗nu ˈˈpiʋ̈ ˗sü draanˈˈ.
˗Ka ˈpë ˈka ꞊mɔɔn˗ ˗bha ˈka˗ kë ˈzü ˗zlanwopösü ˈgü ˗zobo ˈwlaan˗ ˈtʋ̈ŋ ɛɛnˈˈ kɔɔnʒe ˈˈtʋ̈ŋ ˈka ˗a ˗wɔn ˈˈdoo dɔ.

ˈKƆDHIGÜMƐN ˗NU ˗BHAWƆN ˗YÖ ˗BHA ˗PË ˗NU:

ˈWɔn ˈbha ˈö ˗kë ɛɛnˈˈ ˈö ꞊mɔɔn˗ ˗bha ˈö ˗kë ˈö ˗gban kwa ˗kɔ ˗bho ˈˈsɛkɔɔwɔn ˗nu ˈgü ˗sü, kwa woo˗ mɛɛnˈˈ ˗sü, kwa ˗nënŋ ˗bha ˗mɛn ˗nu ɛɛnˈˈ ˈwlaan˗ ˗nu ˈwo ˗kë ꞊dhɛ nowɛ ˗nu ˈdhö bhë ˗an ˗bha, ˗kaa ˗yökodhiʋ̈ ˗kë.
˗Ka ˈwɔn ꞊dede ˈbha ˗nu ˈˈslö kë. ˈNën ˗nu ˗wo wo ˗mɛn ˗nu ˗duɛɛ ˈsü ˈˈslö bhë˗ ˈgü, kö ˈnënmɛn ˗nu ˗wo kë ˈnën ˗nu ˈka. ˈNën ˗nu ˈwo ˈwɔn ˗gɔ ˈbha ˗nu ˈˈpiʋ̈ ˈpɔn kö ˗wa ˈgü ˈˈpʋ wo ˗mɛn ˗nu ˗dhɛ.

ˈˈSLÖ ˈˈWƐƐ ˈBHAA ˗NU:

˗Ka tele ˈö JW ˗ta ˗ga kö ˈka˗ ˗wɔn ˈˈdoo dɔ.
˗Ka ˈwɔn ˗gɔ ˈbha ˈö jw.org ˗ta ˗a ˗wo pö ɛɛnˈˈ video do ˈö˗ ˗ta, ˗a ˗ga kö ˈka˗ ˗wɔn ˈˈdoo dɔ.
ˈWɔn ˗gɔ ˈbhaa ˗nu ˈwo jw.org ˗ta «ˈPË BIBLÖ ˗YA PÖ», «Wlüünën ˗nu» ˈˈpian ˗ta bhë, ˗ka ka ˗zota ˗a ˈgü.
ˈWɔn ˗nu ˈwo to ka ˈˈɲaan ˈö ˈka ˗an ˗bɛnzë ˈsëëdhɛ ˗ta ˗bhɔkwëë ˈsɛɛn˗ ɛɛnˈˈ ˈkpii˗ ˗nu ˗ta, ˗kaa ˗wɔn blɛɛˈˈ.
ˈWɔn ˗nu ˈwo ˗gban Zoova ˗dapë ˗nu ˗bha ˗kaa ga, ɛɛnˈˈ ˗kaa mɛɛnˈˈ. ˈGo mü ˗kaa ˗wɔn ˈˈdoo dɔ kö pë ˈö˗ ˗zɔn ka ˗dhɛ ˈö ˗gban Zoova ˗bha ˈka˗ ˗wɔn blɛɛˈˈ.
˗Ka mɛn ˈbhaa ˗dhɛ kö ˗yö ˗nu ˗yö kpa ka ˗bha ka ˗bha ˗Zlan ˗dhɔkë ˈkɔɔ ˗sü ˈˈtʋ̈ŋ ˈka kö ˈka˗ dhɛɛˈˈ ˈkpɔ.
ˈPë ˈka dho ˗a kë kö ka ˗gɛn ˗yö ˈdho ˈˈdhiʋ̈ ˗Zlan ˗bha ʒian ˗ta ˗kaa ˗wɔn ˗ya ka ˗zo ˈˈpiʋ̈, kö ˗kɔ ˈö ˈka ˈdho ˗a kë kö ka ˗kɔ ˗yö ꞊mɔɔn ˗a kë ˗sü ˗bha, ˗kaa ˗wɔn ˈˈdoo dɔ.
Ka ꞊mɔɔn˗ ˗bha ˈka yökë ka ˈkwëë˗ ˈwɔnzuan ˗së ˗nu ˈwo Biblö ˈgü ˗an mɛɛnˈˈ ˗sü ɛɛnˈˈ ˈˈsɛ ˈˈbin ˗nu draansü ˈka.

VIDEO ˗Kaa kë kö ka ˗bha ˗Zlan ˗dhɔkë ˈkɔɔ ˗sü ˗yö kë ˗së ˗kplawo ˈˈwɩ. ꞊Ya ɲën dhɛɛˈˈ ˈö yö ˗a ˈkpɔ:

ˈKosümɛn ˗nu ö ˈnën ˈyaa ˗an ˗gɔ, ˗wo ˗dho ˗a kë ꞊dhɛ kö ˗an ˗bha ˗Zlan ˗dhɔkë ˈkɔɔ ˗sü ˗yö kë ˗së?

Ü ˗bha ˗yɔ

8. ˗Zlanwokɔdhi ˗bha Biblö draansü

(Min. 30) bt ˈwg. 13 § 17-24

Dhiaŋ ˈˈdhiʋ̈tadhɛ (Min. 3) | ˈˈTan 123 waa bhɛɛsü

KWA -BHA -KË KLETIƐN ˈKA -SÜ WAA KWA -BHA -ZLANWOPÖ -YÖ -BHƆKWËË -KË -A ˈKA ˈSËËDHƐ

-Kë kletiɛn ˈka -sü waa -zlanwopö -yö -bhɔkwëë ˈgüwɔn ˈö ˗kwɛ 2024 ˈUtö 5-11 ˈgü.

Yaoba

-Kë kletiɛn ˈka -sü waa -zlanwopö -yö -bhɔkwëë ˈgüwɔn ˈö ˗kwɛ 2024 ˈUtö 5-11 ˈgü.

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Ʒue ˈˈp. ˗nu 10-16

Zoova -bha =Gbɛkiö -nu

ˈUtö 5-11

PSAUMES 70-72

ˈˈTan 59 waa bhɛɛsü | Dhiaŋ züdɔdhɛ (Min. 1)

PË ˗SƐŊBƆ ˗NU ˈWO ˗ZLAN ˗WO ˈGÜ