-MËN ˈÖ -KË ˈÖ- -WƆN ˈDHÖ ˈˈGBƖƖ-? ˈSëëdhɛ ˈˈpɛpɛ ˈwo kwa -bha yö -kë -a ˈka ꞊kwɛɛ- -nu ˈgü bhë, -wo -gban jw.org -bha. Kwa JW ˈsëëdhɛ waa ˈsëëdhɛ ˈˈpɛn Kwa -dho ˈˈkpɔnŋ ꞊taa dhɛɛˈˈ ˈˈgblʋ̈gblʋ̈ -nu -yɔ ꞊slɔɔ ˈˈmɛn? -an -yö -kë kö -wo ˈdho mɛn -nu ˈka kwa -bha ɛntɛnɛtö ˈˈnimlɔn -ta. Kwa ꞊mɔɔn- -bha ˈö ˈkwa ˈsëëdhɛ to mɛn -nu -gɔ -an -bha ɛntɛnɛtö ˈˈnimlɔn -ta -bɔ jw.org -ta -sü ˈka ɛɛnˈˈ kwa ꞊mɔɔn- -bha ˈö ˈkwa kwa -bha ɛntɛnɛtö ˈˈnimlɔn bhë -a bɔ -an -dhɛ. -A -kë ˈˈdhʋ̈ -sü ꞊mɔɔn- -bha ˈö kwa -takun kö kwa -zlanwopö -ni ˈgü -wo ˈˈwɛɛ pö mɛn -nu -dhɛ. ꞊Ya ˈgo -mü ˈzü dhɛɛˈˈ -nu ˈö -an -yɔ -nu ˈwaa ˈsëëdhɛ -nu ˈö ˈwo kwa -bha ˈˈkpɔɔnën ˈgü, -an ˈgü, mɛn ˈbha -nu ꞊mɔɔn- -bha kö -wo -an ˈkpɔ kwa -gɔ. ꞊Ya kë ꞊dhɛ kwa ꞊mɔɔn -zlanwopö -sü -bha kwa -bha ɛntɛnɛtö ˈˈnimlɔn ˈka, kwa -dho kë -zlanwopömɛn -nu -tiaandhö ˈka.

KWA -DHO -A KË -KƆ -KË ꞊DHƐ?

• -Kwa yö kë “LA BIBLE ET VOUS” ˈˈpian ˈka. ꞊Ya kë ꞊dhɛ ˈkwa -zlanwopö -ni ˈgü ˈnënmɛn do ˈö- ˈˈpiʋ̈ kö -kɔ ˈö -dho ö -bha ˈnën -to -a ˈka -ya dɔ, -kwa ˈdho LA BIBLE ET VOUS > COUPLES ET FAMILLES ˈˈpian -ta.

• -Kwa yö kë “ˈSËËDHƐ -NU” ˈˈpian ˈka. ꞊Ya kë ꞊dhɛ ˈü -zlanwopö -ni ˈgü ü ˈˈtɛɛbɔ -nu -dhɛ ꞊klaŋdhiʋ̈ ˈyö ˈü- ˈˈpiʋ̈ kö ˈü ˈsëëdhɛ -be ˈnën Dhɛɛˈˈ 10 ˈö wlüünën -nu -wa kpɔ wo -de -gɔ, -an -yɔ -nu nu -an -dhɛ, -bho ˈdho ˈSËËDHƐ -NU > ˈSËËDHƐ -BE -NU WAA ˈSËËDHƐ -BE ˈNËN -NU ˈˈpian -ta.

• -Kwa yö kë “QUI SOMMES-NOUS ?” ˈˈpian ˈka. ꞊Ya kë ꞊dhɛ ˈü -zlanwopö -ni ˈgü ü yökëyoo do ˈö- ˈˈpiʋ̈ kö ˈwɔn ˈö -gban ü -bha -zoyödhe -bha -ya dɔ -a -dhɛ, -bhö ˈdho QUI SOMMES-NOUS ? > QUESTIONS FREQUENTES ˈˈpian -ta.

-BHÖ VIDEO COMMENT NAVIGUER SUR JW.ORG -GA. ꞊YA ƝËN -DHƐ ˈÜ -DHO ˈDHO -A -BHA KWA -BHA ƐNTƐNƐTÖ ˈˈNIMLƆN -TA KÖ MƐN -NU ˈWO YÖ ˈÜ -AN -TAKUN BHË, -BHÖ Ü -ZOTA -A ˈGÜ:

• Mɛn ˈö ˈyaa ö -zoyö -Zlan -dhɛ.

• Mɛn ˈbha ˈö ˈwɔn ˈˈgbɩɩ- -yö -kë -a ˈka.

• Kwa ꞊dhegblü do ˈö- -kɔ ꞊ya ꞊zɔɔ.

• Mɛn ˈbha ˈü -wo -a -dhɛ ˈö- ˈˈpiʋ̈ kö -dhɛ ˈö kwa -bha ˈwëëga -yö -go -a -bha -ya dɔ.

• ˈˈSɛ ˈˈwɛɛ ˈgümɛn do ˈö- ˈˈpiʋ̈ kö -bhɔkwëëkëdhɛ ˈö- ˈˈpian ˈˈpiʋ̈ -ya dɔ.