ˈMɛn 27–Ʒuɛn 2
PSAUMES 42-44
ˈˈTan 86 waa bhɛɛsü | Dhiaŋ züdɔdhɛ (Min. 1)
1. ˗Kwa Zoova ˗bha ˈtɔŋ˗ ˗nu ˗ya ꞊bhlëëgü
(Min. 10)
˗Kwa bɔ ˈwɔn suu ˗gban ˈˈpɛpɛ ˗ta kö kwaa kwa ꞊dhegblü ˗nu ˈkwa Zoova ˗dhɔkë kwa ˈko ˗bhaa. (Ps 42:4, 5; w06˗F 1/6 9 § 4)
ˈKwa pö ˈkwa ˗zlanwo draanˈˈ, kwa bhɛɛˈˈ ꞊köŋ. (Ps 42:8; w12˗F 15/1 15 § 2)
˗Kwa kwaa Biblö ˗zü kö ˗yö ˈˈdhiʋ̈sü kwa ˈka ˈwɔn ˗gban ˈˈpɛpɛ ˈkwa dho ˗an kë ˗an ˈgü. (Ps 43:3)
˗Zlan ˗bha ˈtɔŋ˗ ˗nu ˗wo kwa ˗zogban kö ˈkwa ˈto ˗klu ˗sü ˈka ˗a ˗bha ˈwɔn ˈˈgbɩɩ˗ ˗nu ˈgü, ˈgo mü kö kwa ˗wo ˈkwa ˗bhö bhë, ˈkwa ˈto ˗a ˗ta.—1P 5:10; w16.09˗F 5 § 11-12.
2. Pë ˗sɛŋbɔ ˗nu ˈwo Biblö ˈgü
(Min. 10)
-
Ps 44:19—˗Wo ˈö ˗kë «˗tɔn ˈˈpiʋ̈ ˗gbɛn ˗yɛɛbhadhɛ» ˈka bhë, ˗a ˗gɛn ˈnën ˗tɔ ˗mën? (it-1˗F 417)
-
Pë ˗sɛŋbɔ ˗nu ˗mɛɛn ˈwo go Biblö ˗wopösü ˈö ˈˈdhoogɔ yö˗ ˈgü, ˗a ˈgü ˈö ˈü˗ ˈˈpiʋ̈ kö ˈü ˗wɔn blɛɛˈˈ?
3. Pë ˗wopösü
4. ˈˈDoo zü ˗dɔ mɛn ˗nu ˈˈpiʋ̈ ˗sü
(Min. 4) ˈKƆ ˈGÜ ˈKƆ ˈGÜ. Biblö draansü ˗zɔn ˗a mɛn ˈka. (lmd ˈwɔn ˗gɔ 5 ˈwɔn ga 5)
5. ˗Womɛndhɛsü
(Min. 5) ˈKƆ ˈGÜ ˈKƆ ˈGÜ. ˗Bhö ˗a ˗mɛn ˗dhɛ ˈˈdhɛɛtadhiaŋ ˈö dho zë bhë ˗a ˗ta. ˈGo mü ˈü video ˈö˗ ˗gɔ ˗kë ˗Mën ˈwo˗ ˗kë ˗Bhɔkwëëkëgükɔ ˗nu ˈgü? ˗wɔn blɛɛˈˈ ˗a ˗dhɛ. (lmd ˈwɔn ˗gɔ 7 ˈwɔn ga 5)
6. ˈˈDhɛɛtadhiaŋ˗
(Min. 3) lmd Apɛndisö A ˈwɔn ga 4—ˈWɔn ˗gɔ: Mɛn ꞊gban ˈˈpɛpɛ ˗dho kë ö ˈˈflëëgü. (th ˈwɔn ˗gɔ 2)
ˈˈTan 21
7. ˗Kwa kwa ˗kɔ ˈˈyɛ ꞊Klaŋ ɛɛnˈˈ yö ˈkwa dho ˗a kë ˗a ˗bha ˗së ˈka
(Min. 15) ˈˈDoo.
Wlüünën ˗nu ˈpë ˗nu ˈka dho ˗an kë kö ˈka ka bo ꞊klaŋ ˈka, ˈka ka ˗zota ˗an ˈgü ˗së ˈka ˗ee? ˗A ˈbha ˗ya kë yö ˈbhaa ˈka dho ˗a kë kö ˈka kë ˗yödhiʋ̈ ˈka ˗yö ka ˗zo ˈˈpiʋ̈. ˗A ˈbha ˗ya kë ˈzü kö ka ka ˗zota ˗ni ˈgü ꞊klaŋ ˈbha ˈka dho ˗a kë kö ˈka yö ˗tiandhö ꞊slɔɔ ˗a ˈgü. ˗Yö ˗kë Zuʋ̈gblüdhi ˈˈtʋ̈ŋ ˗së do ˈbha ˈka ka ˗bha ˗tosɛta ˈgü. ˈˈKɛɛ ˈdhɛ kë ꞊dhɛ ˈwɔn ˗nu ka dho ka ˗kɔ ˈˈyɛ ˗an ˗bha ˗wo ꞊va bhë, ˗kɔ ˗yɛ ˗a do ˗bha ˗sü ꞊mɔɔn˗ ˗bha ˈö ˗kë zuʋ̈dhiʋ̈tɛɛ ˗wɔn ˈka ka ˗bha ˈka. Ɛɛnˈˈ ˈwɔn ˗nu ˈwo dho kë mɛn ˈˈwɛɛ ˗nu ˗dhɛ ˗së ˈnën˗ ˈka˗ ˈˈpiʋ̈ kö ˈka kë ˗ee? ˈDhɛ kë ˈˈdhʋ̈, ˈmën ꞊mɔɔn˗ ˗bha ˈö ü ˗takun kö ˈü ü ˗kɔ ˈˈyɛ ˈwɔn ˈö ˗së ˗a ˗bha?
Matiö 6:32, 33 ˗wo pö. ꞊Ya ɲën dhɛɛˈˈ ˗nu ˈwo yö ˗an ˈkpɔ:
-
ˈˈSanni kö ˈü ü ˗kɔ ˈˈyɛ ꞊klaŋ ɛɛnˈˈ yö ˈbha ü ˗dho ˗a kë ˗a ˗bha, ˈmën kë ˈö dho kë ˗së kö ˈü Zoova ˗bha yö ˗wɔn ˗ya ü ˗zopiʋ̈ ꞊blɛɛsü?
-
ˈNënmɛn ˗nu ꞊mɔɔn˗ ˗bha ˈwo wo ˗bha ˈnën ˗nu ˗takun ˗kɔ kë ꞊dhɛ kö ˗wo Matiö 6:32, 33 ˗ya ꞊bhlëëgü?—Ps 78:4-7
˗Kaa kë ka ˈsuan˗ ˈka kö ˈwɔn ˗nu ˈka dho ˗da ˗an ˗ʒian ˗ta bhë, ˈka dho ˗a ˗gban ꞊nɔɔn ˗dhɔ ˗bha. (1Zn 2:15, 17) ˗Yö kë ü ˈˈɲan ꞊dhɛ mɛn ˗nu ˈö ꞊nɔɔn ꞊kwɛɛ˗ ꞊va ˈdhö ˗an ˗gɔ, nɔɔnwo ˈö ˗gban ˗Zlan ˗bha ˗Gblüdedhɛ ˗bha bhë, ˗we ˗a ˗bha ˗sü ꞊mɔɔn˗ ˗bha ˈö ˗kë ˗an ˗kwaa ˈˈgbɩɩ˗. (Dk 18:24-27) ˈMɛn ˈö ꞊nɔɔn ˗dhɔ ˈdhö˗ zuʋ̈ˈˈ ˈˈpiʋ̈, ˗yö kë ˗a ˈˈɲan ꞊dhɛ ˗a ˗kɔ ˈti dho ˗mɔn ˗bha kö ˗yö ö ˗bha ˗zoyödhe ˗gɛngban.—Mt 6:24; Mk 8:36.
VIDEO -Kwa kwa -de ˈkun kö ˈkwa -dho kwa -zoyö pë -nu ˈö wo ˈti -dho ꞊gwëë -an -dhɛ: ꞊Nɔɔn ˈˈwɩ. ꞊Ya ɲën dhɛɛˈˈ ˈö yö ˗a ˈkpɔ:
-
Proverbes 23:4, 5 ꞊mɔɔn˗ ˗bha ˗yö kwa ˗takun ˗kɔ ˗kë ꞊dhɛ kö ˈkwa kwa ˗kɔ ˈˈyɛ ˗wɔn ˗së ˗bha?
8. ˗Zlanwokɔdhi ˗bha Biblö draansü
(Min. 30) bt ˈwg. 10 § 5-12
