-Yö kwa ˈˈpiʋ̈ kö gagade ˈkwa -an ta mɛn -nu zuʋ̈ˈˈ ˈˈpiʋ̈ bhë, ˈkwa ˈˈyi kpɔ -an ta. (1Ko 3:6) ꞊Ya kë ꞊dhɛ ˈkwa -kpan mɛn ˈbha ˈö -Zlan -Wo -dhɔ -ya -bha -a -bha, ˈyö -së kö dhɛɛˈˈ ˈkwa -dho -a -yɔ bɔ- -gɔ ꞊taabha, ˈkwa ˈkpɔ- -gɔ. -A dhɛɛˈˈ bhë -dho -a kë ˈö ö ˈˈɲan -to kwa -gɔ, ˈyö kwa -de baaˈˈ -sü -kë -së. ˈKwa kwa yee kë- mɛn ˈˈpiʋ̈, kwa ꞊mɔɔn- -bha ˈkwa- pö- -dhɛ ꞊dhɛ kwa nu kö dhɛɛˈˈ ˈkwa- ˈkpɔ- -gɔ ˈkpa kö ˈkwa -wo -a -dhɛ bhë, ˈkwa- -yɔ bɔ.

• ˈDhɛ ˈö ˈkwa kwa -de baaˈˈ -ni ˈgü kö ˈkwa ˈdho -zlanwopö ˈkɔ ˈgü ˈkɔ ˈgü, dhɛɛˈˈ ˈkwa -dho -a ˈkpɔ kö ˈkwa nu ꞊taabha ˈkwa- -yɔ bɔ mɛn -gɔ, -kwaa mɛɛnˈˈ. -Yö kë dhɛɛˈˈ ˈö- -yɔ ˈdhö ˈsëëdhɛ ˈkwa -dho -a nu -a -dhɛ -a ˈgü -a ˈka, ɛɛnˈˈ ˈö- -yɔ ˈdhö kwa -bha Biblö draan- ˈgü ˈsëëdhɛ -be do ˈö ˈkwa -dho -a draanˈˈ -a ˈgü, -a ˈka.

• ˈKwa- pö kwaa ˈˈkan mɛn ˈbha ˈö -Zlan -Wo -dhɔ ˈdhö- -bha -a bha, -kwaa pö -a -dhɛ ꞊dhɛ -yö kwa ˈˈpiʋ̈ kö ˈˈdoo ˈö bhë ˈkwa ˈdho -a ˈka ˈˈdhiʋ̈ ꞊taabha. ꞊Ya ˈgo mü ˈzü, dhɛɛˈˈ ˈkwa- ˈˈpiʋ̈ kö ˈkwa- ˈkpɔ- -gɔ bhë, -kwaa -zɔn -a -dhɛ. ꞊Ya kë ꞊dhɛ kwa ꞊mɔɔn- -bha ˈkwa- -bha ˈˈnimlɔn ꞊slɔɔ, -kwaa ˈsü.

• ˈKwa -wo -a -dhɛ -sü yi ˈkpɔ- -gɔ, -kwa -wo -a -dhɛ -a yi ꞊dede bhe- ˈka.—Mt 5:37.