Biblö -ya -pö ꞊dhɛ? waa Qu’enseigne la Bible ? -wo do. Gagade suu do ˈnën ˈwo kwa -bha yö -kë -a ˈka ꞊kwɛɛ- ꞊plɛ ˈwo bhë, -an ˈgü. ˈˈKɛɛ ˈsëëdhɛ -be Biblö -ya -pö ꞊dhɛ? ˈgümandhɛ ˈyaa ˈˈgbɩɩ-. -Wa -pë -kë mɛn -nu ˈö ˈwaa Qu’enseigne la Bible ? ˈgüman -së ˈka, -an -dhɛ. Biblö -ya -pö ꞊dhɛ? ˈwɔn -gɔ taa ɛɛnˈˈ apɛndisö ˈyaa ˈdhö. ˈˈKɛɛ -zoto -a ˈˈpiʋ̈ -wɔn -nu ˈwo -wo kpö ˈbha -nu ˈwo- ˈgü, -an -gɛn pö -wa ˈgü. -A ˈwɔn -gɔ zü -dɔ -a -ta dhɛɛˈˈ -nu waa -zo -bo -a ˈka ˈwɔn -nu -bha ˈkɔnën ˈyaa -dhö. ˈˈKɛɛ -a ˈwɔn -gɔ ꞊gban ˈˈpɛpɛ ˈˈdhiʋ̈ -ta -to mɛn ˈˈtʋʋdhö -wɔn ˈö -gban gagade ˈwo -wɔn ꞊blɛɛ -a ˈwɔn -gɔ ˈgü, -a -ta. Kwa ꞊mɔɔn- -bha ˈkwa Biblö -ya -pö ꞊dhɛ? nu mɛn -nu -dhɛ ˈˈtʋ̈ŋ ꞊gban ˈˈpɛpɛ ˈka ꞊dhɛ Qu’enseigne la Bible ? ˈdhö. Kwa -dho yö kë Biblö -ya -pö ꞊dhɛ? -bha -to mɛn ˈˈtʋʋdhö -wɔn -nu ˈka -kɔ -kë ꞊dhɛ?

-TO MƐN ˈˈTƲƲDHÖ -WƆN: Mɛn ꞊vadhɛ -wa -pö ꞊dhɛ kwa -bha mɛn ꞊klaŋ kë -kɔ ˈö -kë dhɛɛˈˈ ˈkpɔ -sü ˈka kö ˈkwa kwa bo -wo -bhüöö kpö -wopösü ˈka Qu’enseigne la Bible ? ˈgü bhë, -yö -së. ˈˈKɛɛ ꞊ya kë ꞊dhɛ kwa -bha ꞊klaŋdhiʋ̈nën ˈyaa ˈsëëdhɛ -wo pö -së ˈka ɛɛnˈˈ ˈyaa -wo bhë, -a man -së ˈka, kwa ꞊mɔɔn- -bha ˈkwa Biblö -ya -pö ꞊dhɛ? -sü. ꞊Ya ˈgo mü, kwa ꞊mɔɔn- -bha ˈkwa- -bha ꞊klaŋ -gban ˈwɔn -gɔ ˈkwa -dho -a draanˈˈ, -a -bha -to mɛn ˈˈtʋʋdhö -wɔn -nu -ta, ˈö ˈkwa- ꞊klaŋ ꞊faan -mën kö -ya -wo -bhüöö kpö -nu -wo pö ö -de ˈˈpiʋ̈. Kwa ꞊mɔɔn- -bha ˈkwa gagade -dhɛ ˈö -dhö, -a -zɔn minitiö 15 ˈˈpiʋ̈. -Dhɛ ˈö -kë ꞊dhɛ ˈwɔn -bhokota -kɔ ˈö -wo -bhüöö kpö -nu ˈgü ˈyaa -to mɛn ˈˈtʋʋdhö -wɔn -nu ˈgü bhë, ꞊klaŋgɔmɛn -yö ö baaˈˈ, -yö ö -zota -së ˈka ꞊klaŋ -bhawɔn -nu ˈgü. ꞊Klaŋgɔmɛn ꞊ya ꞊klaŋ bhë- -gban -a -wo -bhüöö kpö -nu -ta, -yö ꞊mɔɔn- -bha kö -yö yö kë -to mɛn ˈˈtʋʋdhö -wɔn -nu ˈka ꞊dhɛ -zobodhe ˈdhö.

-ZOTO -A ˈˈPIƲ̈ -WƆN -NU: ˈWɔn ga waa -wo kpö -nu ˈö ˈwo -zoto -a ˈˈpiʋ̈ -wɔn -nu ˈgü bhë, -wo -bhüöö ˈgü ꞊dhɛ -kɔ ˈwo- ˈka -a -wo -bhüöö kpö ꞊dede -nu ˈgü bhë, -a ˈdhö. Biblö -ya -pö ꞊dhɛ? -bha -zoto -a ˈˈpiʋ̈ -wɔn -nu ꞊draan ꞊klaŋ ˈˈtʋ̈ŋ ˈgü -sü -dho ˈsü ꞊klaŋgɔmɛn ˈnën- -bha.