Ü -BHA -ZLANWOPÖSÜ ˈKUN ˈˈGBƖƖ-
Mɛn -dhɛ -bhɔkwëë ˈkpii- -ta -sü ˈˈtʋ̈ŋ
-Kwɛ ˈˈpɛpɛ ˈka, kwa -bha -bhɔkwëë ˈkpii- -nu ˈö ˈkwa -an -kë bhë, -wo kwa zuʋ̈gblüdhi ꞊dedewo. -Dhɛ ˈö ˈˈdhʋ̈, -kwa pë ˈˈpɛpɛ kë kö ˈkwa mɛn ꞊va -dhɛ -a -ta, kë ˈˈdhʋ̈ kö -wa din- -ga kö -wa yö ˈpö ꞊dhɛ Zoova ˈˈgblü -yö -së. (Ps 34:8) Mɛn zii -lokotasü -nu ˈwo -zlanwokɔdhi -nu ˈgü -an dua mü kö -kɔ ˈwo -dho mɛn -dhɛ -a ˈka ˈsëëdhɛ bhë- -gblü -së ˈka, -wa -kɔ mɛɛnˈˈ.
ˈWƆN -NU ˈKWA -DHO -AN ˈTO KWA -ZO ˈˈPIƲ̈
-
Kwa -bha -bhɔkwëë ˈkpii- -dho kë -mën yi ˈka?
-
Mɛn -dhɛ -a -ta -sü -zü -dho bho -mën yi ˈka?
-
-Dho -zlanwopösü -bhɔkwëë -nu -dho kë -mën yi ˈka?
-
-Mën ˈö ˈa- -wɔn -ya -sü ˈka n -zo ˈˈpiʋ̈ mɛn -dhɛ -sü ˈö bhë- ˈˈtʋ̈ŋ ˈgü?
-
De -nu ˈö n ˈˈpiʋ̈ kö ˈa -an -dhɛ -a -ta?
-MËN ˈÖ ˈÜ -DHO -A PÖ?
-Bha ü bo -bo -da -sü ˈka, ü ꞊mɔɔn- -bha ˈü- pö:
“Yi ˈsëëdhɛ yö- nu -ni ˈgü mɛn -nu -dhɛ kö -wo nu ˈwɔn ꞊bhlëësü do -ta. -A yi, -a ˈˈlɛlɛ waa -dhɛ ˈö -dho kë -a -bha -wa -ta. Ü yö -a -ta -sü ˈˈyi -dho ˈˈkan n -dhɛ ꞊dedewo.”
Ü -DHO Ü -ZO ˈTO -AN ˈˈPIƲ̈ -KƆ -KË ꞊DHƐ?
-Yö -së kö ˈkwa mɛn -nu -dhɛ ꞊va kö -wo nu kwa -bha -bhɔkwëë ˈkpii- bhë- -ta, ˈˈkɛɛ kwa dua -mü kö mɛn ˈˈpɛpɛ ˈwo -dho -a -zɔn ꞊dhɛ -zlanwo -dhɔ -yö -an -bha bhë, ˈkwa kwa -zo ˈto -an ˈˈpiʋ̈.
ˈˈSɩyi waa -tɛɛdhoowayi -nu ˈka, ü ꞊mɔɔn- -bha ˈü ˈˈsu -bha ˈsëëdhɛ ɛɛnˈˈ ˈsëëdhɛ ˈˈpɛn -nu kpa mɛn -dhɛ -a ˈka ˈsëëdhɛ bhë -a -bha ˈü -an nu mɛn -nu -dhɛ.