KWA -BHA -KË KLETIƐN ˈKA -SÜ
-Kwa yë kë -së ˈka kwa -bha mɛn ꞊klaŋ -kë -a ˈka ꞊kwɛɛ- -nu ˈka
Mɛn -nu -kë Yesu -bha gwëëˈˈ ˈka -sü -yö ꞊dhɛ ˈkɔdɔsü ˈdhö. ˈKwa- -pö ˈkwa- dɔ -së ˈka, kwa dua -mü kö ˈkwa -yö -kë kwa -bha ꞊kwɛɛ- -nu ˈka -sü draanˈˈ. Kwa dua -mü ꞊dedewo kö ˈkwa yö kë -së ˈka Biblö ˈka, ˈyö -tɔ ꞊dhɛ ˈyö ˈnën -tɔ kwa -bha ꞊kwɛɛ- ꞊blɛɛsü. (2Ti 2:15) Kwa dua -mü ˈpö kö ˈkwa yö kë -së ˈka ˈsëëdhɛ ˈˈwɛɛ -nu waa kwa -bha video -nu ˈka kö ˈkwa mɛn -nu kë Yesu bha ˈˈgwëë -nu ˈka. *
Kwa -dho -a kë ꞊dhɛ kö ˈkwa yö kë -së ˈka kwa -bha ꞊kwɛɛ- -nu ˈka? (1) -Kwaa pö kwa -bha -zlanwopömɛn kpö -maankëmɛn -dhɛ kö -yö kwa -takun. (2) -Kwa -zlanwopö -zlanwopömɛn -nu ˈö -wa -kian ɛɛnˈˈ -yödhiʋ̈ -nu ˈka. (3) ꞊Ya ˈgo mü pë ˈö ˈwo- -zɔn kwa -dhɛ bhë, -kwaa -ya ꞊bhlëë ˈgü. ꞊Ya kë ꞊dhɛ ˈkwa yö kë -së ˈka kwa -bha ˈsëëdhɛ -nu waa kwa -bha video -nu ˈka, zuʋ̈gblüdhi ˈö go -zlanwopö -yö ˈö kë -ni ˈgü ˈˈtʋ̈ŋ yö- ˈgü -a ˈgü bhë, kwa -dho -a ꞊slɔɔ.
ˈˈSU -BHA ˈSËËDHƐ -NU
ˈSËËDHƐ -BE ˈNËN -NU
ˈSËËDHƐ -BE -NU
ˈSËËDHƐ ˈˈPƐN -NU
VIDEO -NU
MƐN -DHƐ ˈSËËDHƐ -NU
JW.ORG ˈˈNIMLƆN ˈSËËDHƐ -NU
^ -Wo -bhüöö kpö 3 ˈSëëdhɛ ˈbha -nu ˈö ˈwaa kwa -bha ꞊kwɛɛ- -nu ˈgü, -wo -an -pë -kë mɛn kpö ˈbha -nu -bhaa ˈka. ˈˈKɛɛ ˈkwa ꞊mɔɔn- -bha ˈkwa yö -kë -an ˈka ˈˈtʋ̈ŋ ˈbha -nu ˈka.
