-MËN ˈÖ -KË ˈÖ- -WƆN ˈDHÖ ˈˈGBƖƖ-? Zoova ˈö -kë mɛn ꞊Klaŋkëmɛn ˈkpii- ˈka bhë, -yö kwa ꞊klaŋ -kë ꞊klaŋwo ˈö ʒiö ꞊klaŋwo ꞊gban ˈˈpɛpɛ -ta bhë, -a ˈka. -Kɔ ˈö ˈkwa dho kwa -bha -tosɛta baaˈˈ -a ˈka, kö ˈkwa kwa ˈɲan ˈto -dhɛkpaɔ dhiʋ̈ˈˈ -së -gɔ bhë, -ya -zɔn kwa -dhɛ ˈˈwɛɛwɛɛ. (Is 11:6-9; 30:20, 21; -Dh 22:17) -Yö kwa ꞊klaŋ -kë ˈpö kö ˈkwa nɔɔn- -së ˈö mɛn dha bhë, -a pö mɛn -nu -dhɛ.​—2Ko 3:5.

KWA -DHO -A KË -KƆ -KË ꞊DHƐ?

• -Kwa klʋʋsë -nu ˈwo kë ꞊dhɛ -dekëtɩɩsü waa -kë dhɔŋsüsü -nu ˈdhö bhë, -an draanˈˈ.​—Ps 25:8, 9

• -Kwa ˈˈwɩ ꞊klaŋ ˈˈpɛpɛ ˈö kwa -kɔ -yö ꞊mɔɔn -an kë -sü -bha, -an -bha. -Yö ꞊mɔɔn- -bha kö -yö kë -Zlan -bha yö ꞊klaŋ ˈkwa- kë -bhɔkwëë -ta, ˈˈdhoogɔ ꞊zinŋ ˈgü bhë, -a ˈka.

• -Kwa pë ˈbha -nu ˈkwa ꞊mɔɔn- -bha ˈkwa -an kë, -an -wɔn -ya kwa zuʋ̈ˈˈ ˈˈpiʋ̈.​—Fdh 3:13

• Pë ˈˈpɛpɛ ˈü ꞊mɔɔn- -bha ˈü- kë kö ˈü ˈdho -Zlan -bha ꞊klaŋ ˈbha -nu ˈˈdhiʋ̈, -bhö -a kë.​—Fdh 3:8

-BHÖ VIDEO ENRICHIS SPIRITUELLEMENT GRÂCE À L’ENSEIGNEMENT DE JÉHOVAH -GA. ꞊YA ƝËN -BHÖ DHƐƐˈˈ -NU ˈWO YÖ -AN -YƆ BƆ:

• ˈWɔn ˈˈgbɩɩ- -mɛɛn ˈö Kletiɛn ˈbhaa -nu ˈwo bɔ -an ˈgü kö -wo ꞊mɔɔn ˈdho -sü -bha -Gblüdëdhɛ -nɔɔnpömɛn -nu -bha ꞊klaŋ ˈˈdhiʋ̈?

• -Mën -nu ˈwo -an ꞊draan -Gblüdëdhɛ -nɔɔnpömɛn -nu -bha ꞊klaŋ ˈˈdhiʋ̈?

• -Zlanwokɔdhigümɛn -nu -wo Kletiɛn -nu ˈö ˈwo go -Gblüdëdhɛ -nɔɔnpömɛn -nu -bha ꞊klaŋ ˈˈdhiʋ̈ bhë, -an -takun -kɔ -kë ꞊dhɛ?

• Mɛn ˈö- piʋ̈ kö -yö ˈdho -Gblüdëdhɛ -nɔɔnpömɛn -nu -bha ꞊klaŋ ˈˈdhiʋ̈, -mën ˈö- dua ˈdhö -mü kö -ya kë? (kr-F 189)

• ꞊Klaŋ ˈˈwɛɛ ˈbha -mɛɛn ˈü- ˈˈpiʋ̈ ˈü- kë -Zoova -bha -kɔlokota ˈgü?