KWA ˗BHA ˗KË KLETIƐN ˈKA ˗SÜ
«˗Dhɔkë pë ˈˈpɛpɛ ˈö ka ˗gɔ ˗ka ka ˗kɔ bho˗ ꞊gban ˈgü»
ˈKö ˗kë ꞊dhɛ Zakɔbö ˗bha ˈˈtʋ̈ŋ ˈka kö Zoova ˈyii˗ pö ꞊dhɛ ˈkwa ˈdho ꞊geebɔ ˗nu ˗dhɔkë, ˗a ˗wɔn kun˗ ˈˈɲaan ꞊dhɛ Zoova dosɛnŋ ꞊nën kwa dua ˈdhö ˗mü kö ˈkwa ˗klu ˗a ˗bha. (Ex 20:3-5) ˗A ˗wɔn ˈgü ˗dhɛ ˈö Zoova ˈö˗ pö˗ ˗dhɛ ꞊dhɛ ˗yö ö ˗yɛɛ kë Betɛdhö, ˗ya ˗pö mɛn ˈˈpɛpɛ ˈwo kun ˗a ꞊keŋ˗ bhë ˗an ˗dhɛ ꞊dhɛ ˗wo wo ˗kɔ bho ˗dhɔkë pë ˈˈpɛpɛ ˈwo kun ˗an ˗gɔ bhë, ˗an ˈgü. ˗Dhɛ ˈö˗ pö ˈˈdhʋ̈, ˈyö ˗an ˗bha ꞊geebɔga ˗nu ˈö ˗an ˈbha ˗nu ˗kë ˗an ˗bha ˗bɔtʋʋpë ˗nu ˈka bhë, ˗an nu ˗a ˗dhɛ. (ˈWn 35:1-4) ˈYaa za ˈgü ꞊dhɛ pë ˈö Zakɔbö ˗ya ˗kë bhë, ˗yö ˗dhi Zoova ˗dhɛ.
꞊Dɛɛ ˈpö, kwa dho ˗klu Zoova dosɛnŋ ˗bha ˗kɔ ˗kë ꞊dhɛ? Pë ˗blɛɛsü kwa ꞊mɔɔn˗ ˗bha ˈkwa˗ ˗kë ˈyö ˗tɔ ˗kan ꞊geebɔga waa ˗dükësü ˗nu ˗bha ˗sü. ˗Yö ꞊mɔɔn˗ ˗bha ˈö ˗kë ˗kɔ ˗bho ˈˈzʋʋdhɛ ꞊kwɛɛ˗ ˗nu ˈgü ˗sü waa kwa ˗zokë kwa ˗bha trʋʋˈˈ ˗nu ˈˈpiʋ̈ ˗sü ˈka. ˗Kwa kwa ˗de dhɛɛˈˈ ˈkpɔ: ‹˗Dü ˈsëëdhɛ ɛɛnˈˈ ˗a fimö ˗nu ˗dhɔ ˗yö n ˗kë ˗ee? Trʋʋˈˈ ˗nu ˈa ˗an kë bhë ˈˈzʋʋdhɛ kë ˗sü, bhe kë ˗sü ɛɛnˈˈ pë ˈˈwɛɛ ˈbha ˈö ˗gban ˗zuu yaa ˗nu ˗bha, ˗ya ˈgü ˗ee?› Pë ˈˈpɛpɛ ˈö˗ ˗san Zoova ˗kë, kwa dua ˗mü kö ˈkwa ˈˈkan ˗an ˗bha.—Ps 97:10.
˗BHÖ VIDEO « OPPOSEZ˗VOUS AU DIABLE » ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
˗Mën ˗wɔn ˈö ˗da Biblö ꞊klaŋnën ˈwo˗ ˗dhɛ Vanesa bhë, ˗a ˗bha ˗tosɛta ˈgü?
-
ˈKwa kwa ˗kɔ ˗da ˗dükësü ˈgü ɛɛnˈˈ ˗zuu yaa ˗nu ꞊kwɛɛ˗, ˈmën ˗kë ˈö ˗së kö ˈkwa˗ ˗wɔn blɛɛˈˈ mɛn zii ˗nu ˗dhɛ kö ˗wo kwa ˗takun?
-
Kwa dɔ Sɔtraan ˗gɔ ˗gɔn ˗yan ˈgü. ˗Kwa ꞊ɲɔɔn ˗Zlan ˈˈsɔɔ.—Zk 4:7, 8
Mɛn ˗nu ˈwo˗ ˈˈpiʋ̈ kö Zoova ˗yö ö ˗kɔ ˈkpa ˗an ˗ta bhë, ˗mën ˈö ˗an dua ˈdhö ˗mü kö ˗wo ˈˈkan˗ ˗bha ˈˈpɛɛpɛdhö?
-
ˈWɔn ˗mɛɛn ˈö Vanesa ˗yö ˗da ˗a ˗ʒian ˗ta?
-
ˈMën ˈkwa ꞊mɔɔn˗ ˗bha ˈkwa˗ ˗kë kö ˗zuu yaa ˗nu ˗kɔ ˈya ˈdho ꞊mɔɔn kwa ˗bha ˈdhɛ ˈkwa˗ ˗bha ˗a ˈgü?
