-MËN ˈÖ -KË ˈÖ- -WƆN ˈDHÖ ˈˈGBƖƖ-?: ˈˈƝɔn -a ꞊troo -nu waa -tuë ˈˈwɛɛ -nu ˈwo to, -wo mɛn suu ꞊gban ˈˈpɛpɛ -dhɛ kö -wo «-tosɛa -kë -bha ˈˈyi» bhë- mü. (-Dh 22:17) ˈˈYi ˈö bhë ˈnën -tɔ pë ˈˈpɛpɛ ˈö Zoova -ya -kë kö -yö mɛn -nu ˈwo ˈwɔn man -a -ta -an dha ˈwɔn yaa waa ga -an -gɔ. ꞊Ya kë ꞊dhɛ ˈkwa- ˈˈpiʋ̈ kö ˈkwa mɛn suu ꞊gban ˈˈpɛpɛ -takun, kwa -bha «naɔ -së ˈö go -Zlan ˈˈpiʋ̈ ˈö ˈyaa ˈgo ˈˈgblʋʋ tongtongdhö» bhë, -a dɔ -kɔ dua -mü kö -yö -bɛ mɛn ˈö ˈdho -a -bha.​—​-Dh 14:6.

KWA -DHO -A KË -KƆ -KË ꞊DHƐ?:

• -Kwa kwa -kɔ ˈˈyɛ ˈwɔn -gɔ waa Biblö ˈˈɲan -nu ˈwo dho ˈpa mɛn -nu zuʋ̈ˈˈ ˈka kwa -bha -zlanwopödhɛ ˈgü, ꞊nën -an -bha. Kwa ꞊mɔɔn- -bha ˈkwa kwa -kɔ -yɛ -zlanwopö -kɔ ˈˈslö ˈö ˈkwa- ˈwɔn dɔ ꞊dhɛ -yö -së, -a -bha. ˈWɔn -gɔ waa Biblö ˈˈɲan -nu -mɛɛn ˈö -an -dhɔ mɛn -nu -kë? ˈWɔn ˈbha -yö -dhö ˈö mɛn -nu ˈwo wo -zota -ni ˈgü -a ˈgü ɛɛnˈˈ ˈwo- -wɔn blɛɛˈˈ -ni ˈgü -ee? -Mën ˈö- -dhɔ dho gɔɔn- ɛɛn dhebhɔ kë?

• -Kɔ ˈö mɛn -nu ˈwo wo ꞊tua bho- ˈka ɛɛnˈˈ ˈwo ˈwɔn -nu kë- ˈka kwa -bha -zlanwopödhɛ ˈgü, -kwa ˈto -an ˈˈpiʋ̈.​—2Ko 6:3, 4.

• ˈSëëdhɛ waa video -nu ˈwo kwa -bha yö -kë ˈka -pë ꞊kwɛɛ- -nu ˈgü, -kwa -an dɔ kö ˈkwa -an nu mɛn -nu ˈö -an -dhɔ ˈdhö -an -bha, -an -dhɛ.

• Mɛn -nu ˈö ˈwo kwa -bha -zlanwopödhɛ ˈgü, -kwa ˈsëëdhɛ ɛɛnˈˈ video -nu ˈsü -an -wo ˈgü.

• -Kwa kwa -bha -zlanwopö -kɔ bho ˈˈgblʋʋ kö -yö -bɛ mɛn -nu -bhawɔn -bha. (1Ko 9:19-23) -A ˈwɔnzuan ꞊nɛn: ꞊Ya kë ꞊dhɛ ˈkwa- man ꞊dhɛ mɛn ˈö ˈkwa dhiaŋ zë -ni ˈgü -a -dhɛ, -a -bha mɛn ˈbha ꞊ya ga -dɛɛ ˈgü, kwa dho -a pö ꞊dhɛ?

-BHÖ VIDEO BHË -GA. ꞊YA ƝËN -BHÖ DHƐƐˈˈ -NU ˈWO YÖ -AN -YƆ BƆ:

• ˈWɔn -gɔ -mɛɛn ˈö kwa ꞊dhegblü ˈö -ya -a ˈˈdoo dɔ -sü -bha -a -mɛn ˈˈpiʋ̈?

• ˈMën -kë -a -mɛn -bha -tosɛta ˈgü?

• Biblö ˈˈɲan -mɛɛn ˈö- -wopösü ˈö kun -së -a ˈˈtʋ̈ŋ bhë- ˈka? ˈYö -mën -wɔn ˈgü?

• Ü ü -bha -zlanwopö -kɔ -bho ˈˈgblʋʋ -kɔ -kë ꞊dhɛ kö -yö -bɛ mɛn -nu -bhawɔn -bha ü -bha -zlanwopödhɛ ˈgü?