ˈÖ sü ˗kwɛ 2018 ˗bha, kwa ˗bha ˈˈsu ˗bha ˈsëëdhɛ ˗be ˈnën ˗nu ˗wa yö ˈˈkpɛnŋ, ˈwɔn ˗gɔ do ˈnën ˈwo˗ ˈgü ˗pʋ. ˈˈSu ˗bha ˈsëëdhɛ ˗be ˈnën ˗nu ˈwo bhë ˗an ꞊gban ˗wo kwaa mɛn klaŋkëkapë ˗nu ˈgü. ˗A ˗wɔn ˈgü kwa ꞊mɔɔn˗ ˗bha ˈkwa yö ˗kë ˗an ˈka ˗zlanwopödhɛ ˗nu ˈgü. Kwa ˈdho ˗ni ˈgü ˈˈta ˈgü ɛɛnˈˈ ˈˈdhookwëë, kwa ꞊mɔɔn˗ ˗bha ˈkwa˗ ˈnën ˈbha sü kwa ˗ta. ˈWii ˗an ˗pëkë kö ˈkwa Biblö draanˈˈ ˗an ˈka mɛn ˗nu ˈˈpiʋ̈, ˈˈkɛɛ ˗wo ꞊mɔɔn˗ ˗bha ˈwo Biblö draansü ˗dhɔ ˗da mɛn ˗nu ˈgü.

ˈKwa kwa bo ˈˈdoo zübho ˗sü ˈka, ˗kwa Biblö ˈˈɲan do ˗wo pö kö ˈkwa ˈwɔn ˗gɔ ˗së ˈbha ˈö kwa ˗bha ˈˈsu ˗bha ˈsëëdhɛ ˗be ˈnën ˈgü ˗a ˗wɔn blɛɛˈˈ. ˗A ˈwɔnzuan ˈbha ꞊nɛn: ꞊Ya ˗kë ꞊dhɛ ˈnën ˗yö mɛn ˈbha ˗gɔ ɛɛnˈˈ ˈwɔn ˈbha zuʋ̈dhiʋ̈tɛɛ ˗ya ˗bha, kwa ꞊mɔɔn˗ ˗bha ˈkwa˗ pö, ‹A ˈwɔn ˗gɔ ˗së do ˗wo pö ˗sü ˈka ˈsëëdhɛ ˈö yö ˗a ˈgü, ˗a yi ˈyii ꞊gwëë ꞊köŋ. A ꞊mɔɔn˗ ˗bha ˈa˗ ˗zɔn ü ˗dhɛ ˗ee?› ˗A ˗dhɔ ˗ya ˗kë ˗a ˗mɛn ˗bha, kwa ꞊mɔɔn˗ ˗bha ˈkwa˗ ˗be ˈnën do nu ˗a ˗dhɛ ɛɛnˈˈ ˈkwa˗ ˗dhɛ ˈö ɛntɛnɛtö ˗ta ˗a bɔ ˗a ˗dhɛ. Kwa ꞊mɔɔn˗ ˗bha ˈkwa˗ ˗kë ˈˈdhʋ̈ ˗ʒiaanwo ˗womɛndhɛsü ꞊blɛɛsü ˈˈtʋ̈ŋ ˈka. ˈKö ˗kë ꞊dhɛ pë ˈö ˈkwa˗ ˈˈpiʋ̈ ˈyaa ˈnën ˗tɔ ˈsëëdhɛ nu ˗sü dosɛnŋ, kwa ˗bha ˈˈsu ˗bha ˈsëëdhɛ ˗be ˈnën ˗nu ꞊mɔɔn˗ ˗bha ˈwo kwa ˗takun kö mɛn ˗nu ˈwo˗ ˈˈpiʋ̈ kö ˗wo ˈˈta ˈsü pë ˈwo˗ ꞊draan ˗a ˗ta, ˈkwa ˗kpan ˗an ˗bha.​—Kë 13:48.