KWA -BHA -KË KLETIƐN ˈKA -SÜ
-Kwa -dhɛ ˈˈdhiʋ̈ ˈˈgan zuʋ̈saadhɛ ˈka
Kwa ˈˈɲan -yö -Zlan -bha -Gblüdëdhɛ nu -sü -gɔ -a ˈˈtʋ̈ŋ ꞊ya kë ꞊dhɛ? ˈKwa bɔ -ni ˈgü ˈwɔn ˈˈgbɩɩ- ˈbha -nu ˈgü -ee? (Wlɔ 8:25) Kletiɛn ˈbha -nu -san -yö mɛn -nu -kë. -Wo -an ˈbha -nu -wëë kë wo -ni ˈgü. -An ˈbha -nu -wo -kaso ˈgü ɛɛnˈˈ -wa ˈˈpiʋ̈ kö -wo -an zë. ˈˈYua waa ziidhɛ -wo -a mɛn ꞊vadhɛ sëë bho -ni ˈgü ˈpö.
ˈKwa bɔ -ni ˈgü ˈwɔn ˈˈgbɩɩ- ˈgü, -mën ˈö -dho kwa -takun? Kwa dua -mü kö ˈkwa kwa -bha -zoyödhe -gɛn ꞊gban Biblö -wopösü ˈka yi ꞊gban ˈka, kö ˈkwa kwa -zota -a ˈgü, kö ˈkwa kwa -zo ˈto kwa -bha -dhɛkpaɔ dhiaˈˈ -së ˈgü. (2Ko 4:16-18; Eb 12:2) Kwa dua -mü kö ˈkwa bhɛɛˈˈ Zoova -dhɛ kö -yo kwa gba ö -bha -zuu ˈˈslʋ̈ʋ̈slʋ̈ ˈka. (Dk 11:10, 13; Eb 5:7) Kwa Dë ꞊mɔɔn- -bha ˈö kwa -takun ‹kö ˈwɔn ˈˈgbɩɩ- -zian ꞊në ꞊ya kë kwa ˈka -a -wʋ -wɔn ˈgü, kö kwa zuëˈˈ -yö kë- ˈgü -sɛa.›—Ko 1:11.
-BHÖ VIDEO KWA DUA -MÜ KÖ ‹ˈKWA -BIA ˈSÜ KWA -SƆBHƐƐ ˈKA›: -YÖ KË KWA ˈˈƝAAN ꞊DHƐ KWA -DHO -BIA GA ˈSÜ -GA. ꞊YA ƝËN -BHÖ DHƐƐˈˈ -NU ˈWO YÖ -AN -YƆ BƆ:
-
«ˈWɔn -nu ˈö kwa -zo ˈyaa -an ˈgü» bhë, -a -mɛɛn ˈö ꞊mɔɔn- -bha ˈö -kë kwa ˈka? (Ec 9:11)
-
ˈKwa bɔ -ni ˈgü ˈwɔn ˈˈgbɩɩ- -nu ˈgü, bhɛɛsü -yö kwa -takun -kɔ -kë ꞊dhɛ?
-
Pë -nu ˈkwa kun -an kë -ni ˈgü zii -be Zoova -bha yö ˈgü, ꞊ya kë ꞊dhɛ -an kë -sü ˈˈsɩ ˈyaa kwa -dhɛ ˈzü, ˈmën -kë ˈö -së kö -a -dhɛ ˈö kwa -kɔ -yö ꞊mɔɔn -a -bha ˈkwa yö ꞊nën- -ga?
-
-Kwa kwa ˈˈɲan ˈto kwa ꞊trɔɔn -bha.
-Mën ˈö dho ü -takun kö ˈü- ˈwɔn dɔ ꞊dhɛ ü -dho ü ꞊saan ꞊slɔɔ dhiʋ̈ˈˈ?
