KWA ˗BHA ˗KË KLETIƐN ˈKA ˗SÜ | ˈPë ˈKwa˗ ˈˈPiʋ̈ ˈKwa˗ Kë ˗Kwɛ ˈÖ Nu ˗Ni ˈGü Yö ˗A ˈKa ˗Kwaa ˗Ya Kwa ˗Zo ˈˈPiʋ̈
ˈPë ˈkwa˗ ˈˈpiʋ̈ ˈkwa˗ kë ˗kwɛ ˈö nu ˗ni ˈgü yö ˗a ˈka ˗kwaa ˗ya kwa ˗zo ˈˈpiʋ̈: ˗Kwa ˈdho ˗ya ˈdhɛ ˗zlanwopömɛn ˗nu ˈwaa˗ ˗bha ꞊va ˗a ˈgü
ˈKwa˗ pö ˈkwa ˈgo kwa ˗yɛɛbhaa kö ˈkwa ˈdho ˗ya ˗dhɛ ˈˈwɛɛ ˈgü kë ˈˈdhʋ̈ kö ˈkwa kwa ˗bha ˗zlanwopösü ˗dadhiʋ̈, kwa ˗bhawɔn ˗yö ˗zoyödhe ˗bha. (Eb 11:8-10) ˈKa˗ ˈˈpiʋ̈ ˈka ˈdho ˗ya ˈdhɛ ˗zlanwopömɛn ˗nu ˈwaa˗ ˗bha ꞊va ˗a ˈgü, ˗kaa blɛɛˈˈ ka ˗bha mɛn zii ˗nu ˗dhɛ. ˈMën ˈka ꞊mɔɔn˗ ˗bha ˈka˗ ˗kë kö ꞊ya kë ꞊dhɛ ˈdho mü ˗sü ˗dho kë ˗së kö ˈka˗ ˈwɔn dɔ? ˗Ka kpɔɔˈˈ kwa ˗bha ˈsëëdhɛ ˗nu ˈwo ˗gban ˈwɔn ˈö bhë ˗a ˗bha, ˗an ˈgü. Kwa ꞊dhegblü ˗nu ˈwo dho ˗zlanwokɔdhi ˈˈwɛɛ ˗takun ˈö ˗dhi ˗an ˗gɔ, ˗ka ˈˈdoo dɔ ˗an ˈˈpiʋ̈. (Pr 15:22) ˗Ka bhɛɛˈˈ Zoova ˗dhɛ kö ˗yö ˈˈdhiʋ̈sü ka ˈka. (Zk 1:5) ˈWɔn ˈö ˗gban ˗dhɛ ˈö ˈka˗ ˈˈpiʋ̈ ˈka ˈdho ˗a ˗bha bhë ˗a ˗bha, ˗kaa draanˈˈ. ˗A ˈˈsɩ ꞊ya kë ka ˗dhɛ, ˗ka ˈdho ˈka ˗dhɛkpaɔyi ꞊plɛ kë ˗a ˗dhɛ ˈgü ˗be.
˗BHÖ VIDEO ˗ZOYÖDHE ˗YÖ KË KA ˗GƆ, KÖ ˗ZLAN ˗BHA YÖ ˈˈKWƐƐ ˗YA ˈˈPƲ KA ˗GƆ, ˈKA˗ KË: ˗KA ˈDHO ˈKA ˗YA ˈDHƐ ˗ZLANWOPÖMƐN ˗NU ˈWAA˗ ˗BHA ꞊VA ˗A ˈGÜ ˗GA. ꞊YA ƝËN DHƐƐˈˈ ˗NU ˈWO YÖ, ˗BHÖ ˗AN ˗YƆ BƆ:
-
˗Mën ˈö˗ zuʋ̈dhiʋ̈tɛɛ ˈö kun Gabliɛ ˗bha? ˈˈKɛɛ ˗mën ˈö˗ ˗takun?
