˗Dhɛ ˈö ˗kë ꞊dhɛ mɛnbhɩɩdhe ˗nu ˗mü kwa ˈka bhë, kwa dua ˗mü kö ˈkwa kwa ˈgü dɔ ˈˈgbɩɩ˗ ˗kplawo kö ˈkwa ˈdho kwa ˗dedhidhɛwɔn ˗nu kë. Pë ˈˈpɛpɛ ˈö ˗dhi kwa ˗dhɛ ˈkwa˗ ˗kë, kwa ꞊mɔɔn˗ ˗bha ˈkwa ˗kë Zoova ˗dhɛ ˈya˗. ˗A ˈwɔnzuan ꞊nɛɛn: Mɛn ˈbha ˗nu ˗bha ˗bhöpë, sɔ ɛɛnˈˈ ˈkɔ ˗wɔn ˗yö ˈˈgbɩɩ˗ ˈö ˗ʒiö ˗a ˈka ˗Zlan ˗wɔn ˗ta. Mɛn ˈˈwɛɛ ˈbha ˗nu ˗bha ˈˈɲangüyaa kë ˗kɔ ˗yö ˗Zlan ˗dhɛ ˈya˗ ꞊dedewo. (Wlɔ 1:26, 27) Mɛn ˈbha ˗nu ˗wo wo ˗kwaa mɛn ˈˈwɛɛ ˗nu ˗zü kö ˗wo ˗an ˗da ˈwɔn yaa ˈgü ˈyö ˗tɔ ꞊dhɛ ˗wa ˈˈpiʋ̈ ˈwo kë ˗an ˗dhɛ ˗së.—Ex 23:2.

Kwa ˗dho ˗a kë ꞊dhɛ kö ˈkwa ˈdho kwa ˗dedhidhɛwɔn ꞊gban kë? Kwa dua ˗mü ˈkwa kwa ˈgü dɔ ˈˈgbɩɩ˗ ˈkwa kwa ˗zota Zoova dhɔɔbhaawɔn ˈgü. (Mt 4:4) Kwa dua ˗mü ˈpö kö ˈkwa bhɛɛˈˈ Zoova ˗dhɛ kö ˗yö kwa ˗takun kö pë ˈˈpɛpɛ ˈö ˗dhi kwa ˗dhɛ ˈkwa ˈdho ˗an kë. ˈMën ˗kë? ˈYö ˗tɔ ꞊dhɛ ˗yö pë ˈö ˗së kwa ˗bhaa ˈka waa pë ˈö kwa ˗bhawɔn ˈdhö˗ ˗bha ˗a ˈˈɲanbhɔ ˗kɔ ˗së ˗nu ˗dɔ.—Ps 145:16.

˗BHÖ VIDEO NE LAISSE PAS TA VIE PARTIR EN FUMÉE ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈMën ˗kë ˈö mɛn ˈbha ˗nu ꞊shiɛti mü?

• ˗Mën ˈö ꞊shiɛti mü ˗sü ˗ya ˗kë mɛn ˈbhaa ˗nu ˈka?

• ˈMën ˗kë ˈö ꞊shiɛti mü ˗sü waa ˈˈzaŋ ˈkun ˗sü ˈdhö ˈya˗?—2Ko 7:1

• Kwa ˗dho ˗a ˗kë ˗kɔ ˗kë ꞊dhɛ kö ˈkwa ˈdho ꞊shiɛti mü ɛɛnˈˈ ˈkwa ˈˈkan ˗a mü ˗sü ˗bha?