Biblö ꞊klaŋnën ˗nu ˈwo˗ ˈˈpiʋ̈ kö ˗wo kë ˗Zlan ˗dhɛ ˗së, ˗an ˗bha ˗zoyödhe dua ˗mü kö ˗yö kë ˈkpii˗. (Eb 11:6) Kwa ꞊mɔɔn˗ ˗bha ˈkwa bɔ ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˗ta kö ˈkwa ˗an ˗takun. Biblö ˈˈɲan, ˈwɔn ˈgü ˈˈpʋ ˗kɔ, dhɛɛˈˈ, video waa pë ˈˈbin ˗së ˗nu ˗wo ˈsëëdhɛ ˗be ˈö bhë ˗a ˈgü. ˈKwa kwa ˗bha Biblö ꞊klaŋnën ˗nu ˗takun kö ˗an ˈˈtakɔ kë ˗së, ˈgo mü ˈzü kö ˗mlɛɛn ˗së ˗yö kë waa ˗Zlan wo ꞊zinŋ ˈgü, kwa ˗dho ˗a kë ˈö ˗an ˗gɛn ˗yö ˈˈsɛ kun ˗Zlan ˗bha ʒian ˗ta.—1 Ko. 3:12-15.

Mɛn ˈbhaa ˗nu ˗bhaa ˈgü ˈwaa ꞊mɔɔn˗ ˗bha kö ˗wo kë ˗Zlan ˈˈtɔŋdë ˈka ˈyö ˗tɔ ꞊dhɛ ˈwaa ˗kpan ˗a ˗bha. ˗A ˗wɔn ˈgü kwa dua ˗mü kö ˈkwa ˗an ˗takun kö ˗wo Zoova dɔ ˗së ˈka, ˈgo mü ˈzü kö ˗wo ˈdhaŋ bho ˗a ˈˈdhiʋ̈.

˗BHÖ VIDEO SERS-TOI DU LIVRE « VIVEZ POUR TOUJOURS ! » POUR FAIRE NAÎTRE LA FOI EN JÉHOVAH ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Kwa˗ ˈwɔn ˗dɔ ˗kɔ ˗kë ꞊dhɛ ꞊dhɛ kwa ꞊dhegblüdhe ˈö bhë ˗yö ö ˗de ˗baa ˗së ˈka Biblö ꞊klaŋ ˈö bhë ˗a ˗bha?

• ˗Yö ˗bɔ dhɛɛˈˈ ˗së ˈbhaa ˗nu ˗ta ˗kɔ ˗kë ꞊dhɛ ˈö ö ˗bha Biblö ꞊klaŋnën ˗takun kö pë ˈö Isaïe 41:10, 13 ˗ya pö, ˗kɔ ˈö˗ yö˗ ˈka ˗ya blɛɛˈˈ?

• Video waa Biblö ˈˈɲan ˗nu ˈwo bhë ˗wo ˗yɛ ˗kɔ ˗kë ꞊dhɛ Biblö ꞊klaŋnën ˈö bhë ˗a ˗bha?

ˈWɔn ˈö ˗gban ˗gɔtadhɔpë ˗bha mɛn ꞊vadhɛ ˈwaa˗ dɔ ɛɛnˈˈ ˈwaa˗ yö ꞊dhɛ gbɔɔdhe ˈö ˗Zlan ˗ya ˗kë ˗an ˗dhɛ ˗a ˈdhö. (Ga 2:20) ˗A ˗wɔn ˈgü kwa dua ˗mü kö ˈkwa ˗an ˗takun kö ˗wo ˈdhaŋ bho ˈˈsaa˗ ˈö Yesü ˗ya bho kö ˗yö kwa ˗gɔtadhɔ bhë ˗a ˈˈdhiʋ̈.

˗BHÖ VIDEO SERS-TOI DU LIVRE « VIVEZ POUR TOUJOURS ! » POUR FAIRE NAÎTRE LA FOI EN JÉSUS ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Kwa˗ ˈwɔn ˗dɔ ˗kɔ ˗kë ꞊dhɛ ꞊dhɛ kwa ꞊dhegblü gɔɔn˗ ˈö bhë, ˗yö ö ˗de ˈbaa ˗së ˈka Biblö ꞊klaŋ ˈö bhë ˗a ˗bha?

• ˗Yö ˗bɔ kwa ˗bha ˈsëëdhɛ ˗be ˈö bhë ˗a ˈˈpian ˈö ˗kë «˗An ˗ga ˈpö» ˈka bhë ˗a ˗ta ˗kɔ ˗kë ꞊dhɛ ˈö ö ˗bha Biblö ꞊klaŋnën ˗takun?

• ˈMën ˗kë ˈö ˗bhɛɛ kwa ˗bha Biblö ꞊klaŋnën ˗nu ˗bhaa ˈka ˗sü ˗wɔn ˈdhö ˈˈgbɩɩ˗?