Kwa˗ ˈwɔn ˗dɔ ꞊dhɛ ˈkwa ꞊ɲɔɔn ˗ni ˈgü ˈˈkpɔnŋtaadhɛ yaa ˈö yö ˗a ˈˈdhiʋ̈todhɛ ꞊dede ˗bha, ˗bhluubhludhe, mɛn zë ˗sü waa ˗gblü ˗nu ˗dho ˗dadhiʋ̈. (˗Dh 6:4) Kwa ˗dho ˗an ˈto ˈˈdhiʋ̈ ˈö ˈkwa kwa ˗de ꞊baa ˗kɔ ˗kë ꞊dhɛ?

• ˗Kwa ˗mlɛɛn ˈö kwaa ˗Zlan kwa ꞊zinŋ ˈgü ˗a ˗gɛn ˗gban: Biblö ˗bha ˈtɔŋ˗ ˗gɛngbandhɛ waa ˗kwɛzlan ˗nu ˈwo dho kwa ˗bha ˗zoyö Zoova waa˗ ˗bha ˗kɔlokota ˗an ˗dhɛ ˗sü ˗dadhiʋ̈, ˈö ˈwo dho ˗a kë ˈö ˈkwaa kwa ˗kɔ ˗da ˈˈsɛkɔɔwɔn ˗nu ˈgü, ˗kwa kwa ˗zota ˗an ˈgü. (Pr 12:5; jr˗F 125-126 § 23-24) ˈˈTɔŋdëdhɛ ˗së ˗da kwaa kwa ꞊dhegblü ˗nu kwa ꞊zinŋ ˈgü ˗sü ˈˈtʋ̈ŋ ꞊nɛɛn.—1P 4:7, 8

• Pë ˗nu ˈö kwa ˗bhawɔn ˗dho yö ˗an ˗bha kö ˈkwa ˈto ˈˈbhɩɩ˗, ˗kwa ˗an mɛɛnˈˈ: ꞊Ya kë ꞊dhɛ ˈkwii ˈdho ꞊duëë, ˗kwa ˈpe ˈkwa dho ˗a kë kö ˈkwa ˈto kwa ˈflëëgü waa ˗bhöpë ˗nu ˗ya kwa ˗kɔ ˈˈsɔɔ. ˈˈKɛɛ ꞊ya kë ꞊dhɛ kwa ˗dho ˈgo ˈˈgblʋʋ, ˗kwa kwa ˗zota ˗a ˗kɔ ˈgü. ꞊Kwɛɛ˗ ˗nu ˈwo kwa ˗bha ˈˈkpɔɔnën ˈgü, ˗kwa ˗an ˗ga. ˗Kwa pë ˗nu ˈö ˈwo ˗kë ꞊dhɛ ˈgan˗, ɲun ˈˈdhiʋ̈ ˗pë waa ˈwëëga ˗nu ˈdhö, ˗an ˗da ˗a ˈgü. ˗Kwa kwa ˗zota ˈpö ˗kɔ ˈö ˈkwa dho mɛn zii ˗nu ˗dhɛ ˗a ˈka, ˗a ˈgü. ˗Kwaa ˗ga ˈpö ˈˈni kwa ˗bha ˈˈnimlɔn ˈö ˗an ˗gɔ kö ˈkwa˗ ˈwɔn dɔ.—Is 32:2; g17.5˗F 3-7

˗Bhluubhludhe ˈˈtʋ̈ŋ ˈka, ˗kwa Zoova ˗dhɔkë. ˗Kwa bhɛɛˈˈ. ˗Kwa Biblö draanˈˈ. ˗Kwa ˗bhɔkwëë ˗nu kë. (Fdh 1:10) ˈYii kë ꞊duëë ˗sü ˗zë ˗a ˈka, ˈkwa ˈdho ˈgo kwa ˈˈgblʋʋ ˈˈwɛɛwɛ. (Mt 10:16) ˗Kwa ˗bhöpë waa ꞊kwɛɛ˗ ˗nu ˈö ˈwo kwa ˗gɔ, ˗an ˗gblü mɛn ˈˈwɛɛ ˗nu ˈka.—Wlɔ 12:13.

˗BHÖ VIDEO ˈWƆN YAA ˗NU ˈWO ˗KË ꞊DHƐ ˈˈYI ˗BHA PA ˗SÜ ˗NU ˈDHÖ ˗WA KË, KWA ˗DHO ˗A KË ꞊DHƐ? ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Zoova ˗yö kwa ˗takun ˗kɔ ˗kë ꞊dhɛ ˈwɔn ˈˈgbɩɩ˗ ˈˈtʋ̈ŋ ˈgü?

• ˈMën ˈkwa ꞊mɔɔn˗ ˗bha ˈkwa˗ ˗kë kö ˈkwa kwa ˗de baaˈˈ?

• Kwa ꞊mɔɔn˗ ˗bha ˈkwa mɛn ˗nu ˈö ˈwɔn ˈˈgbɩɩ˗ ˗yö kë ˗an ˈka ˗an ˗takun ˗kɔ ˗kë ꞊dhɛ?