Kwa˗ ˈwɔn ˗dɔ ꞊dhɛ «ˈˈkpʋngtaadhɛ yën ˈˈtʋ̈ng» ˈkwa˗ ˈgü yö, ˈwɔn ˈˈgbɩɩ˗ ˗nu ˗dho ˗dadhiʋ̈ ˈwo dho˗ ˈka. (2Ti 3:1; « Grandes souffrances » ˗zoto ˗a ˈˈpiʋ̈ ˈwɔn ˈö ˗gban Mt 24:8 ˗bha, nwtsty.) ˈWɔn ˈˈgbɩɩ˗ ˈbha ˗ya kë Zoova ˗dhɔkëmɛn ˗nu ˈka, kwa ˈˈdhiʋ̈ʒiöwomɛn ˗nu ˗wo ˈpë ˈwo ˗dho ˗a kë kö ˗wo dha, ˗an ˗pö ˗an ˗dhɛ ˈˈtʋ̈ŋ ˗së ˗bha. ˈˈKɛɛ kwa dhasü ˈö dho kë ꞊mɔɔn˗ ˗bha kö ˗yö ˈsü kwa ˗de baaˈˈ ˗sü ˈö ˈˈtʋ̈ŋ yö˗ ˈgü ꞊nën˗ ˗bha. Kwa dua ˗mü kö ˈkwa kwa ˗de baaˈˈ ˗ɲɔɔn ˗Zlan ˗bha ˗sü ˈka. ˈGo mü ˈzü pë ˈö kwa ˗bhawɔn ˈdhö˗ ˗bha kwa dua ˗mü ˈkwa˗ baaˈˈ.​—Dk 16:10.

• ˗Kwa kwa ˗de baaˈˈ ˗ɲɔɔn ˗Zlan ˗bha ˗sü ˈka: ˗Kwa ˗Zlan ˗dhɔkësü ˈkun ˈˈgbɩɩ˗. ˗Kwa ˗zlanwopö ˗kɔ suu ꞊va draanˈˈ. Kwa ˈˈɲan ˈyaa ˗zlanwokɔdhigümɛn ˈˈwɛɛ ˗nu ˈwo to ˗an ˗bha, ˈˈsuʋ̈ ˈya ˈdho kwa kë. (Is 30:15) Zoova waa Yesu ˗wo kwa ˈˈsɔɔ ˗kpɛɛwo.​—od˗F 176 § 15-17

• ˗Kwa pë ˗nu ˈö kwa ˗bhawɔn ˈdhö ˗an ˗bha ˗an baaˈˈ: ꞊Ya ˈgo ˈˈkpɔɔnën ˗nu ˈgü, kwa dua ˗mü ˈpö kö ˈkwa ˗bhöpë, ˈˈyi, ꞊bɛdhɛ waa ꞊kwɛɛ˗ ˈbha ˗nu ˈsü kwa ˗ta kö ꞊ya kë ꞊dhɛ ˈkwa dho ꞊gwëë ˗dhɛ ˈbha ˈgü, kö ˗wo kwa ˗takun.​—Pr 22:3; g17.5-F 4, 6

˗BHÖ VIDEO ˈWƆN YAA ˗NU ˈWO ˗KË ꞊DHƐ ˈˈYI ˗BHA PA ˗SÜ ˗NU ˈDHÖ ˗WA KË, KWA ˗DHO ˗A KË ꞊DHƐ? ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Kwa ˗dho ꞊ɲɔɔn ˗Zlan ˗bha ˗kɔ ˗kë ꞊dhɛ ˈwɔn ˈˈgbɩɩ˗ ˈˈtʋ̈ŋ ˈka?

• ˈMën ˗kë ˈö ˗së ...

  • kö ˈˈdoo ˗së ˗yö kë kwaa mɛn zii ˗nu kwa ꞊zinŋ ˈgü?

  • kö ꞊kwɛɛ˗ ˈö kwa ˗bhawɔn ˈö dho kë˗ ˗bha ˈwɔn yaa ˈˈtʋ̈ŋ ˈka ˗yö kë ˗dhö?

  • kö ˈwɔn ˈˈgbɩɩ˗ ˗nu ˈwo ꞊mɔɔn˗ ˗bha ˈwo ˗kë ˗dhɛ ˈö ˈkwa˗ ˗bha ˗a ˈgü waa pë ˈö ˈkwa dho ˗a kë ˗a ˗dhɛ ˈö ˈdhö˗ ˈˈtʋ̈ŋ ˈka, ˈkwa kwa ˗zota ˗an ˈgü?

• Pë ˗yaaga ˗mɛɛn ˈkwa ꞊mɔɔn˗ ˗bha ˈkwa˗ ˗kë kö mɛn ˗nu ˈö ˈwɔn yaa ˗yö ˗kë ˗an ˈka, ˈkwa ˗an ˗takun?

˗BHÖ Ü ˗DE DHƐƐˈˈ ˈKPƆ: ‹˗Gleŋ ˗mɛɛn ˈö COVID-19 ˈˈtʋ̈ŋ yö ˈö˗ ˗da n ˗bha ˈö ˗gban n ˗de baaˈˈ ˗sü ˗bha?›