KWA ˗BHA ˗KË KLETIƐN ˈKA ˗SÜ
Kwa yö kë ˗ni ˈgü ˗së ˈka Biblö ˈˈtʋtobhapë ˈka ˗ee?
ˈMën ˗tɔ Biblö ˈˈtʋtobhapë? Biblö ˈˈtʋtobhapë ˈnën ˗tɔ kwa ˗bha Biblö ˗dɛɛ Traduction du monde nouveau ˗dhɛ ˈö ˈmɛn mɛn ˈˈtʋ to ˗a ˗bha. ˗Yö yö ˗ni ˈgü ˈˈkpɛɛn ˈˈdhiʋ̈ ˈˈdhiʋ̈ ˗wo ꞊vadhɛ ˈgü. Pë ˈbha ˈö ˗së ˗a ˈˈtʋtobhapë ˈgü ˈyö ˗tɔ mɛn ˗nu ˈö ˈwo Biblö ˈgü bhë, mɛn ˈö ˈdhö waa ö ˗wo ˗mü. ˗Wa ˗wo pö ˗së ˈka kë ˈˈdhʋ̈ kö nɔɔn˗ ˈö Biblö ˈgü ˈkwa˗ ˈgüman ˈkpakpadhö.
Biblö ˈˈtʋtobhapë ꞊trɔɔn ˈbhaa ˗nu ˈnën ˗tɔ ˗mën? Mɛn ˗nu ˈwo wo ˈˈtʋ to ˗a ˗bha yi ꞊gban ˈka bhë, ˗wa pö ꞊dhɛ ˗kɔ ˈö ˗Zlan ˗Wo ˗kë ˗a ˈka ꞊dhɛ pë ˈˈbhɩɩ˗ ˈdhö bhë ˗yö ˗an ˗dhɛ ˗së ꞊dedewo. ˗Wa ˗pö ꞊dhɛ mɛn ꞊va ˗wo ˈwo˗ man ˗a ˈgü bhë, ˗yö ˗an ˗takun ˈö ˈwɔn ˗nu ˈwo kë Biblö ˈgü waa pë ˈö ˗bɛnzë ˗sü ˈka ˈwo˗ ˈgüman ˗së ˈka. (Pr 4:5) Mɛn ˗nu ˈwo wo ˈˈtʋ to Biblö ˗bha bhë, ˗an ꞊vadhɛ ˗wa pö ꞊dhɛ ˈˈtʋ ˗to ˗a ˗bha ˗sü ˗yö ˗an ˗bha zuʋ̈dhiʋ̈tɛɛ ˗dho ˈˈshia˗.—Ps 94:19.
ˈˈTʋ ˗to ˗Zlan ˗Wo ˈwö˗ ˗wo pö ˈˈgbɩɩ˗ ˈka ˗a ˗bha ˗sü ˗yö ˈwɔn ˗së ꞊dede ˗kë mɛn ˗dhɛ. (2Ch 34:19-21) ꞊Ya kë ꞊dhɛ Biblö ˗dhɛ ˈö ˈwo wo ˈˈtʋ to ˗a ˗bha ˗a ꞊gban ɛɛnˈˈ ˗a ˈˈpian ˈbha ˗yö ˗dhö ˗wo ˈbha ˈü˗ ˈgüman ˗a ˈgü, ˈbha ü ˈˈtʋ ˈto ˗a ˗bha yi ꞊gban ˈka, ˗yö ˗dho kë ˗së.
˗BHÖ VIDEO BIBLÖ ˈˈTƲTOBHAPË YÖKËSÜ (˗A ˈˈKLU) ˗GA. ꞊YA ƝËN DHƐƐˈˈ ˈÖ YÖ ˗A ˗YƆ BƆ:
˗Mën ˈö˗ ˗wɔn ˈdhö ü kun ˈö ˗gban Biblö ˈˈtʋtobhapë yö kë ˗sü ˗bha?
