KWA ˗BHA ˗KË KLETIƐN ˈKA ˗SÜ
˗Kwa kwa ˗de yö ꞊dhɛ ˗kɔ ˈö Zoova ˗yö kwa yö˗ ˈka ˗a ˈdhö
«Zoova ˗bha ˈˈsɛgümɛn ˗nu ˗dhɔ ˗ya ˗kë.» (Ps 149:4) ˈKö ˗kë ꞊dhɛ ˈwɔn yaa ˗dhii ˗yö kwa ˈgü, kwa ˗bha ˈˈklʋʋsë ˗nu waa kwa ˗bha ˗kɔmɔnwɔnbhasü ˈnën ˈö˗ ˗an ˗ga. ˈˈKɛɛ ˈˈtʋ̈ŋ ˈbhaa ˗nu ˈka, kwa ˗de yö ˗sü ˈö ꞊dhɛ ˗kɔ bhë˗ ˈdhö ꞊mɔɔn˗ ˗bha ˈö ˗kë kwa ˗gɔ ˈˈgbɩɩ˗. ˗Yö ꞊mɔɔn˗ ˗bha ˈö ˗kë kwa ˈgü ꞊dhɛ kwa ꞊bhlëë ˈyaa ˈdhö ˗kɔ ˈö mɛn ˈˈwɛɛ ˗nu ˗wo kwa ˈkun ˗a ˈka ˗a ˈkosɔn. Ɛɛnˈˈ ˈzü ˈwɔn ˗nu ˈwo zë kwa ˗gɔ ˈˈdhiʋ̈ ˗be bhë ˗an ˗wɔn ˈgü, kwa ꞊mɔɔn˗ ˗bha ˈkwa˗ pö ꞊dhɛ kwa ˗dhɔ ꞊dede ˈyaa Zoova kë. ˗Zotadhe suu ˗nu ˈwo bhë ˗wa nu kwa ˗gɔ, ˗mën ˈö ꞊mɔɔn˗ ˗bha ˈö kwa ˗takun?
Kwa ˗zo ˈya ˈdho bhɔ ꞊dhɛ Zoova ˗dhɛ ˗yö kwa zuʋ̈ˈˈ ˈˈpiʋ̈. (1S 16:7) ˗A ˗kë ˈˈdhʋ̈ ˗sü ˗ya ˗zɔn ꞊dhɛ pë ˈö kwa ꞊dede ˈkwaa˗ yö kwa ˈgü bhë, Zoova ˗zë ˗ya ˗yö. ˈˈKɛɛ ˈwɔn ˗së ˈö ˈdhö ˈyö ˈtɔ˗ Biblö kwa ˗takun kö ˗kɔ ˈö Zoova ˗yö kwa yö ˗a ˈka ˈkwa˗ dɔ. Biblö ˈˈɲan ˗nu waa ˗kwɛzlan ˗nu ˈwo˗ ˗zɔn ꞊dhɛ Zoova ˗dhɔkë ꞊dedewo ö ˗dhɔkëmɛn ˗nu ˈka ˈkwa ˗an ˗wo pö, kwa ˗dho ˗kɔ ˈö kwa yö˗ ˗a ˈka ˗a dɔ.
˗BHÖ VIDEO ˗KWAA KË KÖ KWA ZUƲ̈ˈˈ ˗YÖ ˈWAANNU ZOOVA WËËDHÖ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
- ˗Mën ˈö ˈwɔnzuan ˈö ˗gban ˗bialömɛn waa ö dë ˗an ˗bha bhë ˈö˗ ˗zɔn kwa ˗dhɛ ˈö ˗gban Zoova ˗bha?
-
Mɛn ˈbha ˗ya ˈwɔn yaa ꞊gbɔɔnsü kë, ꞊yaa˗ ˈˈslö mɛɛnˈˈ kö ˗yö ˗mlɛɛn ˈö waa Zoova wo ꞊zinŋ ˈgü ˗a baaˈˈ, ˗a zuʋ̈ˈˈ ꞊mɔɔn˗ ˗bha ˈö ˈwaannu ˗Zlan wëëdhö ˗kɔ ˗kë ꞊dhɛ?—1Zn 3:19, 20
-
꞊Trɔɔn ˗mɛɛn ˈö kwa ꞊dhegblü bhë ˗ya ꞊slɔɔ Davi waa Ʒozafa ˗an ˗bha ˗kwɛzlan ˗wopösü waa ö ˗zota ˗an ˈgü ˗sü ˈgü?
