-Zlan -bha ˈtɔŋ- ˈsëëdhɛ ˈö Moizö -ya -bɛn zë -ya -pö mɛn ˈö- ˈˈpiʋ̈ kö -yö ö -bha dhebɔ bho ˈˈbü -yö ˈsëëdhɛ kë. -A kë ˈˈdhʋ̈ -sü -dho -a kë kö mɛn -nu ˈwa ˈdho ˈˈkan ˈkwëë- ˈˈvaandhö. ˈˈKɛɛ Yesu -bha ˈˈtʋ̈ŋ ˈgü, ˈtɔŋgɔmɛn -nu -wa -kë ˈö -kankwëësü -yö -kë ˈwɔn ˈˈplëëplë ˈka. Gɔɔn -nu ꞊mɔɔn- -bha -be kö -wo wo -bha dhebɔ -nu bho ˈˈbü ˈwɔn suu -gban ˈˈpɛpɛ -wɔn ˈgü. (« attestation de renvoi » -zoto -a ˈˈpiʋ̈ -wɔn -nu ˈwo -gban Mk 10:4 -bha, nwtsty; « divorce de sa femme », « se rend coupable d’ adultère envers elle » -zoto -a ˈˈpiʋ̈ -wɔn -nu ˈwo -gban Mk 10:11 -bha, nwtsty) ˈˈKɛɛ Yesu -ya -pö ꞊dhɛ Zoova yö ꞊dede ˈnën dhebɔ waa gɔɔn -an ꞊nënŋ ˈkwëë-. (Mk 10:2-12) ˈDhɛ ˈö dhʋ̈, dhe waa ö -gɔn dua -mü kö -wo kë “mɛ -lü do” ˈka kö -wo -klu wo ˈkwëë-. Pë do ˈö ꞊mɔɔn- -bha kö -yö -an ˈˈkan ˈkwëë- ˈö Biblö -ya -wɔn ꞊blɛɛ Matiö ˈgü ˈyö ˈtɔɔ “-zuazëwɔn ɛɛnˈˈ ˈˈɲangüyaa.”—Mt 19:9.

꞊Dɛɛ mɛn ꞊vadhɛ ˈwaa ˈkosüsü yö ꞊dhɛ Yesu ˈdhö. -Wa yö ꞊dhɛ Fadhiziɛn -nu ˈdhö. ˈWɔn ˈbha ꞊ya -da ˈkosümɛn -nu ˈö ˈwaa Zoova dɔ -an ꞊zinŋgü, -yö -kë -an ˈˈpiʋ̈ ꞊dhɛ -wo ˈˈkan ˈkwëë- ˈˈvaandhö. ˈˈKɛɛ ˈkosümɛn -nu ˈö ˈwo Kletiɛn ˈka -wo wo -bha ˈkosüsü ꞊bhlëë -ya ˈö ˈwo wo ˈgü dɔ ˈˈgbɩɩ- kö -wo wo -bha ˈwɔn -nu ˈˈɲanbhɔ Biblö -bha ˈtɔŋ- -gɛngbandhɛ -nu -ya ꞊bhlëë ˈgü -sü ˈka. -Bhö video L’amour et le respect unissent les familles -ga kö dhɛɛˈˈ -nu ˈwo yö, ˈü -an -yɔ bɔ:

• Ü -dho Proverbes 15:1 -ya ꞊bhlëë ˈgü -kɔ -kë ꞊dhɛ ü -bha ˈkɔdhi ˈgü? -Mën ˈö -kë ˈö- -wɔn ˈdhö ˈˈgbɩɩ-?

• Ü -dho Proverbes 19:11 -ya ꞊bhlëë ˈgü -kɔ -kë ꞊dhɛ kö ˈwɔn ˈya ˈdho -da ü -bha ˈkɔdhi ˈgü?

• ˈWɔn -ya -da ü -bha ˈkɔdhi ˈgü, ˈˈsanni ˈü- pö ꞊dhɛ -yö ü ˈˈpiʋ̈ kö ˈü ˈˈkan ü bɔɔ ɛɛnˈˈ ü -gɔn -bha, dhɛɛˈˈ -mɛɛn -nu ˈwo -së kö ˈü ü -zota -an ˈgü?

• Ü -dho Matiö 7:12 -ya ꞊bhlëë ˈgü -kɔ -kë ꞊dhɛ kö ü kë dhegɔndë ɛɛnˈˈ gwanbhadhe -tiaandhö ˈka?