PË -SƐŊBƆ -NU ˈWO -ZLAN -WO ˈGÜ | ESTHER 6-10
Ɛstɛɛ -yö ˈwɔn -nu -kë -Zlan waa ö -bha ˈˈsɛgümɛn -nu -dhɔ ꞊dede -bha.
-Dhɔ waa ˈgügbɩɩdhɛ ˈnën Ɛstɛɛ -ya -zɔn Zoova waa- -bha ˈˈsɛgümɛn -nu -takozë -sü ˈka
8:3-5, 9
-
Ɛstɛɛ waa Mɔɔdekai -zë -wo gun wo ˈflëë- ˈgü. ˈˈKɛɛ kö Amanö -bha ˈtɔŋ- ˈö -gban Zuifö ꞊gban ˈˈpɛpɛ zë -sü -bha bhë, -a -wɔn -ya ꞊mɔɔn ˈpö ꞊gban ˈgü.
-
Ɛstɛɛ -dho ga -be, ˈyö -tɔ ꞊dhɛ -yö -dho ˈzü -gblüdë ˈˈɲan ˈˈdhiʋ̈ ˈˈkɛɛ kö- -gblüdë ˈyii- -dhɛ. -Yö ˈˈgbʋ -bɔ, ˈö- pö -gblüdë -dhɛ ꞊dhɛ -yö ˈtɔŋ- bhë- bho ˈˈgblʋʋ.
-
-Dhɛ ˈö kë ꞊dhɛ -gblüdë -ya ˈtɔŋ- ꞊dua kë, ˈwaa ꞊mɔɔn- -bha kö -wa bho ˈˈgblʋʋ bhë, -ya -pö Ɛstɛɛ waa Mɔɔdekai -an -dhɛ ꞊dhɛ -wo ˈtɔŋ- -dɛɛ -ya.
Zoova -ya -kë ˈö -bha mɛn -nu ˈto -a ˈˈgbɩɩ- ˈka
8:10-14, 17
-
ˈTɔŋ- ꞊plɛ -naan ˈö- pö ꞊dhɛ Zuifö -nu ꞊mɔɔn- -bha kö -wo wo -takozë bhë, -wa -ya.
-
-Yö nɔɔndɔmɛn -nu ˈwo gun ꞊soo- -ta, -an bɔ ˈpö ꞊gban ˈgü. ˈYö Zuifö -nu ˈwo wo -de -baa -gblü -bha.
-
Mɛn ꞊vadhɛ kë- yö ꞊dhɛ -Zlan -yö Zuifö -nu ˈˈpiʋ̈. -A -wɔn ˈgü -wo -da -an -bha -zlanwo ˈgü.
