Ü -BHA -ZLANWOPÖSÜ ˈKUN ˈˈGBƖƖ-
-Kwa kë -zlanwopömɛn -tiaandhö ˈka: Ü -de -bha ˈˈsu -bha ˈsëëdhɛ -be ˈnën nu -kɔ ˈˈslö kë -sü ˈka.
-MËN ˈÖ -KË ˈÖ -WƆN ˈDHO ˈˈGBƖƖ-: ˈSëëdhɛ nu -kɔ ˈˈslö -nu ˈwo kwa -bha -bhɔkwëë -kë -a ˈka ˈsëëdhɛ ˈgü bhë, -wo -së ˈˈkɛɛ ˈˈslö ˈˈwɛɛwɛ -nu ˈö kwa -dho kwa -bha nu -kɔ -nu ˈsü -an -bha, -wo -mü! -Wo ˈö bhi ꞊dede ˈü -dho -a pö, -bhö yö ˈnën- ˈsü. -A pö -kɔ ɛɛnˈˈ -wɔn -gɔ ˈˈwɛɛ ˈö -dho kë -së ü -bha ˈˈyasa ˈgümɛn -nu -bhaa ˈka ꞊mɔɔn- -bha kö -yö -kë ü ˈgü -së. -Dhɛ ˈö ˈˈdhʋ̈, ꞊ya kë ꞊dhɛ ˈbha ü bo ˈsëëdhɛ -nu bhë -an -wopösü ˈka, ˈbha ü -zota -an nu -kɔ ˈˈslö -nu ˈgü, ˈbha -an video -nu -ga, ü ꞊mɔɔn- -bha ˈü to -dhioo -nu ˈwo yö -an ˈˈpiʋ̈ kö ˈü ü -de -bha ˈsëëdhɛ nu -kɔ ˈˈslö kë.
KWA -DHO -A KË -KƆ KË ꞊DHƐ?
Ü -de dhɛɛˈˈ ˈkpɔ ꞊ya kë ꞊dhɛ -yö ˈü- ˈˈpiʋ̈ kö ˈsëëdhɛ nu -kɔ ˈˈslö ˈwo yö, ˈü- do kë.
꞊II
-
-Wo ˈü -dho ˈˈdoo züdɔ -a -ta, -bhö -a baaˈˈ. ˈBha ü bo -boodasü ˈka, -bhö ü nu -a -mɛn ˈˈpiʋ̈ -gɛn pö- -dhɛ ˈˈpuu ˈka. (-A ˈwɔnzuan: -A nu kö... )
-
Pë ˈü -dho -a pö dhɛɛˈˈ, Biblö ˈˈɲan waa- nu -kɔ -nu ꞊zinŋ ˈgü, -bhö -a -ga. (-A ˈwɔnzuan: ˈÜ- ˈˈpiʋ̈ ˈü Biblö ˈˈɲan ˈbha -wo pö, ü ꞊mɔɔn- -bha ˈü- pö: “Dhɛɛˈˈ bhë, -a -yɔ ˈö mɛn -zokun -yö Biblö ˈˈɲan yö- ˈgü.”)
-ABIN
-
-Bhö ˈwɔn -gɔ do ˈö ˈü -dhɛ -së, ˈö -gban ü -bha ˈˈyasagümɛn -nu -bha, -a ˈsü.
-
Dhɛɛˈˈ ˈö -dho -a -blü kö -yö ö -zota, kö -yö ˈˈdoo dɔsü -dhɔ -da -a -bha ˈnën ü -dho -a ˈkpɔ. ˈBha ˈdho -a -dhɛ ˈö -dho -a dɔ ˈgbɔüdhö -a ˈkpɔ. (-A ˈwɔnzuan: Dhɛɛˈˈ -nu ˈwo- ˈsëëdhɛ ˈˈpian 2 -naan -ta.)
-
Biblö ˈˈɲan ˈü -dho -a -wo pö, -bhö -a mɛɛnˈˈ. (꞊Ya kë ꞊dhɛ Réveillez-vous ! ˈnën ˈü -dho -a nu, Biblö ˈˈɲan -wopösü ˈyaa ˈˈflɔsɩ ˈka, ˈyö -tɔ ꞊dhɛ -wa -pë -kë mɛn -nu ˈwaa Biblö dɔ -së ˈka ˈwo ˈnën -an -dhɛ.)
-
-Kɔ ˈö -a ˈkɔɔmɛn -dho ˈwɔn -gɔ bhë -a -wopösü ꞊trɔɔn ꞊slɔɔ- -a -bha, -wo -bhüöö do ɛɛnˈˈ ꞊plɛ ˈwo -dho -a ˈgü ˈˈpʋ -a -dhɛ, -bhö -an mɛɛnˈˈ.
-YÖ -KË -KƆ ˈˈƲƲ -KƆ ˈGÜ
-
Dhɛɛˈˈ ˈü -dho -a -yɔ bɔ ꞊taabha kö ˈbha -wo mɛn -dhɛ, -bhö -a baaˈˈ.
-
Pë ˈka- ˈˈdoo dɔ bhë, -an -bɛn zë kö ü -zo ˈya ˈdho bhɔ pë ˈü -dho -a pö ꞊taabha -a ˈka.
