-Wo ˈsëëdhɛ -be ˈnën -Ka ka ˈˈtʋ ˈto -Zlan -wo -bha -pë -kë kö ˈkwa- ˈsü kö ˈkwa gagade -gɛngbandhɛ -nu ˈwo Biblö ˈgü, -an -zɔn mɛn -nu ˈö ˈwaa ˈsëëdhɛ dɔ -së ˈka -an -dhɛ. -A wɔn -gɔ do -dhɛ ˈö ˈdhö -yö ˈsëëdhɛ ˈˈpian ꞊plɛ -ta, ˈyo pë ˈˈbin -sɛŋbɔ -nu ˈwo- ˈgü. ꞊Saa ˈnën -nu -wo mü kö -wo ˈdho kwa ˈka pë ˈˈbin -dhɛ ˈö yö- ˈˈpiʋ̈, -a -ta.

Pë ˈˈbin -nu ˈwo ˈsëëdhɛ -be ˈnën -ka ka ˈˈtʋ ˈto -Zlan -wo -bha kö ˈka -tosɛta kë yi ꞊gban ˈka ˈgü waa- -dhɛ -nu ˈwo -Ka ka ˈˈtʋ ˈto -Zlan -wo -bha ˈgü -wo do. ˈˈKɛɛ -yö zë, pë -yö -bɛn zë -sü ˈka- ˈgü kö -yö ꞊klaŋdhiʋ̈nën ˈö dɔ pë -wo pö -sü ˈka ˈdɔni, -a -takun. -Zlanwopömɛn -nu ˈwo -Ka ka ˈˈtʋ ˈto -Zlan -wo -bha -zɔn -ni ˈgü wo -bha ꞊klaŋ -nu -dhɛ, -yö -kë -Ka ka ˈˈtʋ ˈto -Zlan -wo -bha kö ˈka -tosɛta kë yi ꞊gban ˈka -sü -yö -kë -an -dhɛ -së. ˈSëëdhɛ ˈˈpian ꞊vadhɛ -ta, ˈkɔnën ˈö -wo ˈbha -nu ˈdhö- ˈgü, -yö mü. ˈˈKɛɛ -an ˈgü ˈˈpʋ̈ -sü -dho -sü ꞊klaŋdhiʋ̈nën -dhɛ ˈö ˈdhö -a -bha ˈwɔngümankɔ -bha.

Kwa ꞊mɔɔn- -bha ˈö ˈkwa -an -nu mɛn -nu -dhɛ ˈˈtʋ̈ŋ -gban ˈka. ˈKwa mɛn -nu ꞊klaŋ kë -ni ˈgü -a ˈka, -kwa pë ˈˈbin -nu bhë, -an ˈsü kö ˈkwa -kwɛzlan -nu ˈwo Biblö ˈgü -an bho -an -dhɛ. Dhɛɛˈˈ ˈkwa -dho -a ˈkpɔ kö ˈkwa- ˈwɔn dɔ ꞊dhɛ pë ˈkwa- -zɔn kwa -bha ꞊klaŋdhiʋ̈nën -ya ˈgü ˈman, -kwaa ˈkpɔ. -Kwa Biblö ˈˈɲan -nu ˈwo ˈsëëdhɛ ˈˈpian -dhɛ ˈö ˈdhö -a gɔ ˈˈshia, -an -wo pö, kö ˈkwa -an ˈˈdoo dɔ. ˈKwa kwa bo ˈsëëdhɛ bhë, -a ꞊gban draansu ˈka, -kwa Qu’enseigne réellement la Bible ? ɛɛnˈˈ Biblö -ya -pö kwa -dhɛ ꞊dhɛ? draanˈˈ-a ˈˈpiʋ̈, kë ˈˈdhʋ̈ kö -a -gɛn -yö ˈdho ˈˈdhiʋ̈, -yö bɔ ˈˈyi ꞊bhaa.