KWA -BHA -KË KLETIƐN ˈKA -SÜ
-Kwa kwa -bha ˈkɔdhigümɛn -nu -takun kö -an -zo ˈya ˈdho ꞊tröö Zoova ˈka
Zoova -ya -pö Zedhemi -dhɛ ꞊dhɛ -ya pö Zuifö -nu -dhɛ ꞊dhɛ -an -bha ˈˈsɛ ˈgü -dho shiʋ̈ˈˈ ˈyö -tɔ ꞊dhɛ -an -zo -ya ꞊tröö -an -bha -Zlan, Zoova ˈka. (Jr 13:25) -Mën ˈö -kë ˈö Izraɛdhömɛn -nu -bha -zlanwo ˈö dho ˈshia- ꞊dhɛ -kɔ suu bhë, -a ˈdhö? Pë ˈö- kë ˈˈdhʋ̈, ˈyö -tɔ ꞊dhɛ ˈkɔdhi ˈˈpɛpɛ ˈwo kun Izraɛdhö -an -bha -zlanwo -yö -dho ˈshia-. ˈKɔdë -nu ˈwii ˈˈta ˈsü Zoova -bha ˈtɔŋ- ˈö Deutéronome 6:5-7 ˈgü bhë, -a -ta.
꞊Dɛɛ, ˈkɔdhi -nu ˈö -an -bha -Zlan ˈwɔn ˈdhö ˈˈgbɩɩ-, -wo -zlanwokɔdhi -nu -gɛn -gban ˈpö ꞊dɛɛ. ˈKɔdë -nu ꞊mɔɔn- -bha kö -wo wo -bha ˈkɔdhigümɛn -nu -takun kö -an -zo -yö bo Zoova ˈka -to -Zlan -dhɔkë ˈkɔɔsü ploglamö -së ꞊dede ˈˈpiʋ̈ -sü ˈka. (Ps 22:27) ˈKa ka bo video «Ces paroles devront être sur ton cœur »—Interviews de familles -ga -sü ˈka, -ka dhɛɛˈˈ -nu ˈwo yö, -an -yɔ bɔ:
-
-Mën ˈö ˈkɔdhi ˈbhaa -nu -wa -kë kö ˈwo ˈto -a ˈˈgbɩɩ- ˈka ˈwɔn ˈˈgbɩɩ- -nu -ta, kö -an -bha -Zlan -dhɔkë ˈkɔɔsü -yö kë yi ꞊gban ˈˈpɛpɛ ˈka?
-
-Zlan -dhɔkë ˈkɔɔsü ˈö yi ꞊gban ˈka bhë, -a ꞊trɔɔn ˈbhaa -nu ˈnën ˈwo -tɔ -mën?
-
ˈWɔn ˈˈgbɩɩ- -mɛɛn -nu ˈwo dɔ n ˈˈɲan ˈˈdhiʋ̈ n man -Zlan -dhɔkë ˈkɔɔsü ˈˈtʋ̈ŋ ˈka? -Mën ˈa- -kë kö -an bɔ -an -ta?