Video ɛɛnˈˈ pë ˈˈbin -nu -wa -kë ˈö Biblö ꞊klaŋ -nu -wo wo ˈˈtʋ̈ŋ -kë pë ˈö ˈwo- draanˈˈ -ni -a ˈgü, ˈö ˈwo- ˈgüman, ˈö -an -zo to -a ˈˈpiʋ̈. Zoova ˈö -kë kwa ꞊Klaŋkëmɛn ˈkpii- ˈka bhë, -yö -bɔ pë ˈˈbin -nu -ta ˈö -gleŋ -tiaandhö -nu -da kwa -bha. (ˈWn 15:5; Jr 18:1-6) -Kɔ do bhë ˈka ˈpö ˈyö Yesu -yö mɛn -nu ꞊klaŋ -kë -a ˈka. (Mt 18:2-6; 22:19-21) Pë ˈˈbin -nu ˈö mɛn -nu ꞊klaŋ -kë -an ˈka -sü ˈdhö -së kwa -bha ˈˈtʋ̈ŋ yö- ˈgü, ˈyö ˈwo -tɔ video -nu. ˈÜ ü -bha Biblö ꞊klaŋ -nu ꞊klaŋ kë -ni ˈgü, ü video -nu -zɔn -an -dhɛ -ee?

-Wa video -kɔŋ do -pëkë kö -wo kwa -takun, kö ˈwɔn -gɔ -nu ˈwo ˈsëëdhɛ -be ˈnën Nɔɔn- -së -nu ˈwo go -Zlan ˈˈpiʋ̈! ˈgü bhë, ˈkwa mɛn -nu ꞊klaŋ kë -an ˈka. Video -dhɛ ˈö ˈdhö -a -gɔ -yö -bɛ dhɛɛˈˈ -nu ˈwo tii ꞊dede ˈka ˈsëëdhɛ -be ˈnën bhë- ˈgü bhë, -an -bha. -A -dhɛ ˈö jw.org -ta bhë, pë ˈbudhaŋsü ˈbhaa -nu -wa ˈgü ˈö ˈˈtʋ̈ŋ ˈkwa -dho video -dhɛ ˈö ˈdhö -a -zɔn -a ˈka, ˈwo- -zɔn kwa -dhɛ. ˈˈKɛɛ video ˈbhaa -nu -wo -dhö ˈpö, ˈö ˈwo kwa -bha ˈsëëdhɛ ˈˈwɛɛ ˈbhaa -nu ˈgü -pë taa ˈka.

Ü ˈwɔn -gɔ do ˈö -gban Biblö -bha -a -zɔn -ni ˈgü ü -bha Biblö ꞊klaŋ do -dhɛ, ˈö ˈyaa- ˈgüman -ee? Ɛɛnˈˈ ü -bha Biblö ꞊klaŋ do -yö bɔ -ni ˈgü ˈwɔn ˈˈgbɩɩ- suu ˈbhaa ˈgü -ee? ꞊Ya kë ꞊dhɛ -yö ˈˈdhʋ̈, -bhö ˈdho kwa -bha JW Tele -ta, kö ˈü video do ˈö -dho -a -takun -a mɛɛnˈˈ video -nu -bhuöö ˈgü. ˈÜ- ˈˈpiʋ̈, ka ꞊mɔɔn- -bha ˈka- -ga ˈka ˈkwëë- kö ˈka- ˈˈdoo dɔ.

ˈˈSu ꞊gban ˈˈpɛpɛ ˈka video ꞊dɛɛ -nu -wo -yö ˈˈkpɛnŋ. Ü -an -ga -ni ˈgü, -bhö ü -zota -kɔ ˈü ꞊mɔɔn- -bha ˈü -an ˈsü ˈü mɛn ˈˈwɛɛ -nu ꞊klaŋ kë -an ˈka -an ˈgü.