˗Kwɛ ꞊gban ˈˈpɛpɛ ˈka, kwa mɛn ˗nu ˈwo kwa ˗bha ˈˈyasa ˈgü ˗an ˗dhɛ kö ˗wo nu ˗zo ˗bo ˈwlaan˗ kë kwa ˈˈpiʋ̈. ˗An ꞊vadhɛ ˈwaa kwa dɔ. Kwa dua ˗mü ˈpö kö mɛn ˗nu ˈö ˈkwa ˗an dɔ, ˈkwa ˗an ˗dhɛ. Kwa dɔmɛn ˗nu ˈö ˈkwa mɛn ˗dhɛ ˈsëëdhɛ nu ˗an ˗dhɛ bhë, wo zë ˗wo ꞊mɔɔn˗ ˗bha ˈwo nu. (yb08-F 11 § 3; 14 § 1) De ˈbhaa ˈö ˈkwa ꞊mɔɔn˗ ˗bha ˈkwa ˗an ˗dhɛ?

• Kwa ˗mɛn ˗nu

• Kwa yökëyɔɔ ɛɛnˈˈ kwa ˈˈtɛɛbɔ ˗nu ˈwo ꞊klaŋdhiʋ̈

• Kwa ˗yayɔɔ ˗nu

• Mɛn ˗nu ˈö ˈkwa ˗wo ˗an ˗dhɛ, kwa ˗bha Biblö ꞊klaŋ zii waa˗ ˗dɛɛ ˗nu.

Mɛn ˗nu ˈö ˗an ˗kɔ ˗ya ꞊zɔɔ, mɛn zii ˗nu ꞊mɔɔn˗ ˗bha kö ˗wo ˗an ˗dhɛ ˈpö. ꞊Ya kë ꞊dhɛ kwa dɔmɛn ˈbha ˈyaa ˗dhɛ ˈö ˈkwa˗ ˗bha ˗a ˈgü, kwa dho ˗a kë ꞊dhɛ? ˗Dhɛ ˈö˗ ˗bha, kwa ꞊mɔɔn˗ ˗bha ˈkwa˗ ˈˈlɛlɛ waa˗ ˗dhɛ ˈö ˈwo dho ˗a ˗bha ˗zo ˗bo ˈwlaan˗ kë ˗a ˗bha, ˗a ꞊mɛɛn kwa ˗kɔ ˗nënŋ ˈWƆN ˗NU ˈWO ˗GBAN YI ˗BHA ˈö jw.org ˗ta, ˗a ˗ta ˗sü ˈka. ˈKwa kwa bo, ˈö ˈkwa kwa ˗kɔ ꞊nënŋ «˗Zo ˗bo ˈwlaan˗» ˗ta. ˈKwa kwa ˗de baaˈˈ ˗ni ˈgü ˗zo ˗bo ˈwlaan˗ ˈö dho kë ˗kwɛ yö˗ ˈka ˗a ˗bha, ˗kwa kwa ˗zota mɛn ˗nu ˈö ˈkwa ꞊mɔɔn˗ ˗bha ˈö ˈkwa ˗an ˗dhɛ, ˗an ˈgü kö ˈkwa mɛn ˗dhɛ ˈsëëdhɛ nu ˗an ˗dhɛ.