Ü ˗BHA ˗ZLANWOPÖSÜ ˈKUN ˈˈGBƖƖ˗ | ˗KWA KWA ˗BHA ZUƲ̈GBLÜDHI ˗DADHIƲ̈ ˗ZLANWOPÖDHƐ ˈGÜ
˗Kwa dhɛɛˈˈ ˗nu ˈkpɔ
Zoova ˈö ˗kë «zuʋ̈gblüdhi ˗Zlan» ˈka bhë, ˗ya ˈˈpiʋ̈ kö ˗zlanwopösü ˈˈdhia ˗yö ˈmën kwa ˈgü. (1Ti 1:11; NWT) ˈKwa ˈwɔn ꞊gban kë kö kwa ˗gɛn ˗yö ˈdho ˈˈdhiʋ̈ ˗a ˈgü, kwa ˗bha zuʋ̈gblüdhi ˗dho ˗dadhiʋ̈. Dhɛɛˈˈ ˗nu ˈkpɔ ˗sü ꞊mɔɔn˗ ˗bha ˈö ˗Zlan ˗Wo ˗dhɔ ˗da mɛn ˗nu ˈgü. ˈGo mü ˈzü, ˈˈdoo züdɔ ˗kɔ ˈˈslö ˗së ˗mü. Dhɛɛˈˈ ˗nu ˗wa ˗kë ˈö mɛn ˗nu ˗wo wo ˗zota ˈö ˈwo ˈwɔn ˗nu yö ˈko ˈˈdhiʋ̈. (Mt 22:41-45) ˈKwa dhɛɛˈˈ ˈkpɔ mɛn ˈbha ˗gɔ, ˈkwa dɔ ˗a ˗yɔ ˗gɔ, ˗yö ˗kë ꞊dhɛ ˈpë ˈkwa˗ pö ˗ni ˈgü ˗a ˗mɛn ˗dhɛ ꞊dhɛ ‹Ü ꞊bhlëë ˗yö n ˗gɔ› ˗a ˈdhö. (Zk 1:19) ˈPë˗ ˗mɛn ˈö dho˗ ˗yɔ bɔ bhë ˗dho kwa ˗takun kö ˈdhɛ ˈkwa dho ˈdho ˈˈdoo ˈka˗ ˗bha ˈkwa˗ dɔ.
˗BHÖ VIDEO ˗KWAA KË KÖ KWA ˗GƐN ˈDHO ˈˈDHIƲ̈, KÖ ZUƲ̈GBLÜDHI ˈÖ MƐN ˗NU ˗KË YESU ˗BHA GWËËˈˈ ˈKA ˗SÜ ˈGÜ, ˈKWA˗ ꞊SLƆƆ: ˗KWA DHƐƐˈˈ ˗NU ˈKPƆ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈˈKlʋʋsë ˗mɛɛn ˗nu ˈö ˈˈSënŋ ˗ya ˗zɔn?
-
Nita ˗yö ˗bɔ dhɛɛˈˈ ˗nu ˗ta ˗kɔ ˗kë ꞊dhɛ kö ˗ya ˗zɔn ˗a ˈˈtʋ̈ŋ mɛn ˗nu ˈgü?
-
Nita ˗yö ˗bɔ dhɛɛˈˈ ˗nu ˗ta ˗kɔ ˗kë ꞊dhɛ ˈö ˈwɔn ˗taɔŋ ˗së ˗dhɔ ˗da ˈˈSënŋ ˈgü?
-
Nita ˗yö ˗bɔ dhɛɛˈˈ ˗nu ˗ta ˗kɔ ˗kë ꞊dhɛ ˈö ˈˈSënŋ ˗takun kö ˗yö ö ˗zota, ˗yö ˈwɔn ˗nu yö ˈko ˈˈdhiʋ̈?