Kwa ˈˈtɔŋdë ˈnën ˗tɔ «mɛn ˈö kwa ˗klu ˗sü ˈka˗ ˗bha ˈö kwa ˗dhɔ ˗yö kwa ˈko ˗kë.» ˗A ˈwɔnzuan ꞊nɛn: ˗Dhɛ ˈö Davi ˗yö Godhiatö zë, ˈˈtɔŋdëdhɛ ˗së ˗yö ˗da waa Ʒonatan wo ꞊zinŋ ˈgü. (1S 18:1) ˗An ꞊gban ꞊plɛ ˗wo ˈˈklʋʋsë ˗nu ˈwo ˗an ˗gan wo ˈko ˗nu ˗bha, ˗an ˗zɔn. ˈˈKɛɛ ˈˈtɔŋdëdhɛ ˗së ˗gɛn ˗yö ˗gban ˈkodɔdhe ꞊nën˗ ˗ta. ˈKwa˗ pö kwa mɛn ˈbha dɔ, kwa ˗bhawɔn ˈˈtʋ̈ŋ waa ˈgüdɔgbɩɩsü ˗nu ˗bha. ˗Kpankwëëdhɛ zë ˈö ɛntɛnɛtö ˗ta ˗a ˗ta, mɛn ˗nu ˗wa wo ˗kɔ ꞊nënŋ butɔn do ˗ta, kö ˗wa ˈto ˗wa kë «ˈˈtɔŋdë ˗nu» ˈka. ˗Dhɛ ˈö ˗kë ꞊dhɛ ɛntɛnɛtö ˗ta mɛn ˗nu ꞊mɔɔn˗ ˗bha ˈwo wo ˗zota ˗së ˈka ˈpë ˈwo dho ˗a pö ˗a ˈgü, ˈö ˗kɔ ˈö mɛn ˗nu ˈwo ˗an yö˗ ˈka ˈwo˗ ˗bin bhë, ˗an dɔ ˗sü ꞊dede ꞊mɔɔn˗ ˗bha ˈö ˗kë ˈˈgbɩɩ˗. Mɛn ˈbha ˈö ˈbhaa˗ dɔ ˈö˗ ˈˈpiʋ̈ kö ˗yö kë ü ˈˈtɔŋdë ˈka ɛntɛnɛtö ˗ta, ˗kɔ ˗bha ˈˈtɔŋdëdhɛ ˈka ˗sü ˈˈsuʋ̈ ˈya ˈdho ü kë. ˈBha ˈdho˗ pö ü ˗de ˗dhɛ ꞊dhɛ ˗yö ˗dho kë ˗a ˗dhɛ ˈya˗. ˗Dhɛ ˈö ˗kë ꞊dhɛ ˈˈtɔŋdë ˗mɛɛn ˈˈkpankwëëdhɛ ˈö ɛntɛnɛtö ˗ta, ˗a ˗ta ˗sü ˗yö ˈya˗ bhë, mɛn ˈbha ˗nu ˈwaa ˈdho mü. ˈˈKɛɛ ˈü˗ ˈˈpiʋ̈ ˈü ˈdho mü, ˗mën ˈö ü dua ˈdhö ˗mü kö ˈü ü ˈˈtʋ̈ŋ kë ˗a ˈgü?

˗BHÖ VIDEO ˗KPANKWËËDHƐ ˈÖ ƐNTƐNƐTÖ ˗TA, ˈBHA KË ˗A ˗TA, ˗BHÖ ˗A KË ˗SË ˈKA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈˈSanni ˈü foto ɛɛnˈˈ ˈwɔn ˈbha blɛɛˈˈ ɛntɛnɛtö ˗ta, ˗mën ˈö ü dua ˈdhö ˗mü kö ˈü ü ˗zota ˈgü ˗be?

• ˈMën ˗kë ü dua ˈdhö ˗mü kö ˈü ü ˗kɔ ˈˈyɛ ˗së ˈka ü ˈˈtɔŋdë ˗nu ˗bha ɛntɛnɛtö ˗ta?

• ˈˈTʋ̈ŋ ˈü˗ ˗kë ɛntɛnɛtö ˗ta bhë, ˈmën ˗kë ü dua ˈdhö ˗mü kö ˈü˗ ˗naan ˗ya?—Ef 5:15, 16