Biblö draansü ˗bha video ˗nu ˈö ˈkwa dho yö kë ˗an ˈka ˗zlanwopödhɛ ˈgü ˗wo ˗yiishiö. ˗Wa ˗dhɛ ˈö ˈˈdhʋ̈ ˗a ˗kë ˗mën ˗wɔn ˈgü?

• ˗Mën ˈö ˗kë ˈkwa ˗dho Biblö draanˈˈ? (˗A ꞊gblɛɛn) ˗Wa ˗kë kö ˗yö Biblö ˗dhɔ ˗da mɛn ꞊gban ˈgü, ˈkö ˗kë ꞊dhɛ ˗wo ˗kë zlanwo suu ˈˈoo ˗su ˈgü. ˗Ya ˗gamɛn ˗nu ꞊faan ˗mën kö ˗wo dhɛɛˈˈ ˈˈgblʋ̈gblʋ̈ ˗nu ˈwo ˗an kpɔ wo ˗de ˗gɔ ˗an ˗yɔ mɛɛnˈˈ Biblö ˈgü. ˈˈKɛɛ ˗ya ˈbha ˗nu ˗yɔ ˗së ˗bɔ. ˗Kɔ ˈö mɛn ˗nu ˈwo ꞊mɔɔn˗ ˗bha ˈwo Biblö draansü ˗dhɛ ˗a ˈka, ˗ya ˗wɔn ˗blɛɛ ˈpö.

• ˗Mën ˈö ˗kë ˈkwa ˗dho Biblö draanˈˈ? ˗Yö ꞊dhɛ ˗a ꞊gblɛɛn ˗sü bhë ˗a ˈdhö, ˈˈkɛɛ yö ˗zë ˗yö ꞊klöö˗ ꞊dedewo. ˗Yö ˗së ˗dhɛ ˈö ˈˈdoo dɔ ˗sü ˈˈtʋ̈ŋ ˈyaa mɛn ˗nu ˗gɔ mü, ˗a ˗bha ˈka.

• ˗Wo mɛn ˗nu ˗draan Biblö ˈka ˗kɔ ˗kë ꞊dhɛ? ˗Wa ˗kë kö ˗yö kwa ˗bha Biblö ˗draan mɛn ˗nu ˈˈpiʋ̈ ˗sü ˗dhɔ ˗da ˗a ˗gamɛn ˗nu ˈgü. ˗Yö dhɛɛˈˈ ˈbhaa ˗nu ˈö mɛn ˗nu ˈwo ꞊mɔɔn˗ ˗bha ˈwo˗ kpɔ wo ˗de ˗gɔ ꞊shiöŋ ˈö ˗gban Biblö draansü ˈö bhë ˗a ˗bha, ˗an ˗yɔ ˗bɔ. ˗Kɔ ˈö mɛn ˗nu ˈwo ꞊mɔɔn˗ ˗bha ˈwo Biblö draansü ˗dhɛ ˗a ˈka, ˗ya ˗wɔn ˗blɛɛ ˈpö.

• Ü ˈˈnuɛ ˗we Biblö draansü ˗bha ˗sü ˗bha! ˗Wa ˗kë kö ˈkwa˗ ˗zɔn kwa ˗bha Biblö ꞊klaŋ ˗nu ˗dhɛ. ˈKö ˗kë ꞊dhɛ video ˈö bhë ˗yö ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˈˈpian ꞊plɛ ˗naan ꞊nën˗ ˈgü, ˈkwa Biblö draanˈˈ ˗ni ˈgü mɛn ˗nu ˈˈpiʋ̈ ˈsëëdhɛ ˗be ˈnën Zuʋ̈gblüdhi ꞊slɔɔ ˗toëpö ˈka! ˈgü, kwa ꞊mɔɔn˗ ˗bha ˈkwa˗ ˗zɔn ˗an ˗dhɛ. Video ˈö bhë ˗yö pë ˗nu ˈwo ˈsëëdhɛ ˗be ˈö bhë ˗a ˈgü waa pë ˗nu ˈwɔn ˗nu ˈwo dho kë ˗a draansü ˈˈtʋ̈ŋ ˈka, ˗an ˗wɔn ˗blɛɛ.

ˈKö ˗kë ꞊dhɛ ˗wo video ˗nu ˈwo bhë ˗an ˗kë ˈwɔn ˈbha ꞊nën˗ ˗wɔn ˈgü, kwa ꞊mɔɔn˗ ˗bha ˈkwa ˗an ˗zɔn ɛɛnˈˈ ˗an bɔ mɛn ˗nu ˗dhɛ ˈˈtʋ̈ŋ ˈˈoo ˈˈtʋ̈ŋ ˈö ˗dho kë ˗së ˗a ˈka. ˗Zlanwopömɛn ˗nu ˈˈpɛpɛ ꞊faan ˗yö ˈmën ˗sü ˈka kö ˗wo ˗an dɔ ˗së ˈka, ˈgo mü ˈzü kö ˗wo yö kë ˗an ˈka ˗së ˈka ˗zlanwopödhɛ ˈgü.