꞊Dɛɛ ˈwɔn ˈˈgbɩɩ˗ ˗nu ˈwo ˗kë ꞊dhɛ ˈˈsɛ ˗bha ˗zii ˗sü ɛɛnˈˈ ˈˈyi ˗bha pa ˗sü ˗nu ˈdhö bhë, ˗wo kë ˗ni ˈgü ꞊va. ˈWɔn ˈˈgbɩɩ˗ suu ˗nu ˈwo ˈˈdhʋ̈ ˗wa kë ˗a ˗dhɛ ˗ya ˗bha kö ˗numɛndhɛ ˗yö ˈö bhë, ˗yö kë baaˈˈ ˗sü ˈka kö ˈwɔn ˗nu kë ˗naan ˈka. ˗A ˗wɔn ˈgü kwa ˈˈdhiʋ̈ʒiöwomɛn ˗nu ˗wo ˈˈwɩ ˈˈsü ˈka˗ ˗bha kö ˗numɛndhɛmɛn ˗nü ˗bha ˈwɔnyëë˗ nu ꞊bidhoŋ ˗yö kë Betɛdhö ꞊gban ˈgü.

Kwa ꞊dhegblü ˗nu ˈwo bhë ꞊waa˗ man ꞊dhɛ ˈwɔn ˈˈgbɩɩ˗ ˗ya kë ˗dhɛ ˈbha ˈgü, ˗wo ˈto mü ˈwo mɛn zii ˗nu ˈwo ˈmü ˗an ˗dhɛ kö ˗wo kwa ꞊dhegblü ˗nu ˗bhawɔn ˗yö ˗a ˗pë ˗nu dɔ. Pë ˗nü ˈwo ˗shiö kwa ꞊dhegblü ˗nu ˈwo mü ˈwaa ꞊mɔɔn ˗an baaˈˈ ˗sü ˗bha, betɛdhömɛn ˗nu wo ˗kɔ ˗yɛ kwa ꞊dhegblü ˗nu ˈwo ˗an baaˈˈ ˗kɔ dɔ ˗an ˗bha kö ˗wo ˈˈdhiʋ̈sü ˗a ˗yö ˈka. Mɛn ˗nu ˈwo wo ˗kɔ ˗yɛ ˗an ˗bha bhë ˗wo ꞊mɔɔn˗ ˗bha ˈwo˗ pö ꞊dhɛ ˗an ˗bhawɔn kwa ꞊dhegblü ɛɛnˈˈ pë ˈˈwɛɛ ˈbha ˗nu ˗bha. Ɛɛnˈˈ ˈzü ˗wo ꞊mɔɔn˗ ˗bha ˈwo ꞊kwɛɛ˗ ˈbhaa ˗nu dhɔ ˈö ˈwo˗ ˗gblü kwa ꞊dhegblü ˗nu ˈö ˈwɔn ˈˈgbɩɩ˗ ˗yö kë ˗an ˈka, ˗an ˗ta.

ˈWɔn kë ˗kɔ suu ˈö bhë ˗a ꞊trɔɔn ˗yö ꞊va ˈö ˗ʒiö ˗a ˈka mɛn ˈö ˈdhö ˗a ˗bha ˈwɔn ˗nu ˗sü ö ˗de ˈgü ˗sü ˈö˗ ˗kë, ˗a ˗ta. ˗Ya ˗kë ˈö mɛn ˈyaa yö do kë ꞊plɛ. ˈYaa ˈwɔn ˗nu kaanˈˈ ˈˈkwëë. ꞊Ya ˈgo mü ˈzü, ˈyaa ˈwëëga waa ꞊kwɛɛ˗ ˗nu shiʋ̈ˈˈ.

Kwa ꞊dhegblü ˗nu ˈö betɛdhömɛn ˗nu ˈwo wo ˗kɔ ˗yɛ ˗an ˗bha bhë, ˗wo ꞊mɔɔn˗ ˗bha ˈö ˈwëëga waa mɛn ˗nu ˈö ˗an ˗bhawɔn ˈdhö ˗an ˗bha kö ˗wo yö kë, ˗an dɔ. ˗Wo ꞊mɔɔn˗ ˗bha ˈpö ˈwo ˈˈkwi ˗gɔmɛn ˗nu ˈwo dho kwa ˗takun kö kwa ˗bha ꞊kwɛɛ˗ ˗nu ʒiö wo ˈflëë˗ ˈgü ˗an dɔ. ˗Dhɛ ˈö ˈˈdhʋ̈ yi ꞊dhegblü ˗nu, mɛn ˈbha ˈyii˗ pö ka ˗dhɛ ˈka˗ kë ˈˈdhʋ̈, ˗ka dɔ ˈˈgbɩɩ˗ ˈka ˈdho ˗a ˈsü ka ˗de ˈgü kö ˈka ˈwëëga ˗dhɛ mɛn ˗nu ˗gɔ, kö ˈka ꞊kwɛɛ˗ ˗nu bɔ ɛɛnˈˈ kö ˈka ˈdho ˗dhɛ ˈö ˈwɔn ˈˈgbɩɩ˗ ˗yö kë ˗a ˗bha bhë, ˗a ˈgü ka do ˈka.

ˈWɔn ˈˈgbɩɩ˗ ˗ya kë ˗dhɛ ˈbha ˈgü, kwa ꞊dhegblü ˗nu ˗takun ˗dhɔ ˗kë kwa ˗bha. (Eb 13:16) ˗Dhɛ ˈö ˗kë ꞊dhɛ ˗an ˗dhɔ ˗yö kwa ˗kë bhë, pë ˈbha ˈö ˈkwa ꞊mɔɔn˗ ˗bha ˈkwa˗ ˗kë ˈö˗ ˗wɔn ˈdhö ˈˈgbɩɩ˗ ˈyö ˗tɔ ˗bhɛɛ waa˗ ˗numɛndhɛmɛn ˗nu ˗bhaa ˈka ˗sü. Kwa ꞊mɔɔn˗ ˗bha ˈkwa gbɔɔdhe ˗kë ˈpö kwa ˗bha ˗kɔlokota ˗gɔ. Kwa ˈˈdhiʋ̈ʒiöwomɛn ˗nu ˗wo kwa ꞊dhegblü ˗nu ˈwo Betɛdhö ˗an ˗takun kö ˗dhɛ ˈö ˈwëëga ˗ya ˈdho ˗a ˗bha ˈö dho kë ˗së ˗a dɔ. ˈKwa˗ ˈˈpiʋ̈ ˈkwa kwa ˗kɔ ˗da yö ˈö bhë ˗a ˈgü, kwa ꞊mɔɔn˗ ˗bha ˈkwa kwa ˈtɔ ˗ya Demande d’admition comme Volontaire Locale Developement Construction (DC-50) ˗ta.

˗BHÖ VIDEO ˈˈYI ˈÖ PA BLEZIDHÖ ˈÖ PË ꞊SHIÖ ˗GA. ꞊YA ƝËN DHƐƐˈˈ ˈÖ YÖ, ˗A ˗YƆ BƆ:

˗Dhɛ ˈö ˈˈyi ˗yö pa Blezidhö ˗kwɛ 2020 ˈka, ˗kɔ ˈö Zoova ˗bha ꞊Gbɛkiö ˗nu ˗wo nu ˗a ˈka kwa ꞊dhegblü ˗nu ˗dhɛ bhë, ˗mën ˈö˗ ˗wɔn ˗yö ü kun ˗a ˈgü?