KWA ˗BHA ˗KË KLETIƐN ˈKA ˗SÜ
˗Kwa kë ˗zlanwopömɛn ˗nu ˗tiaandhö ˈka: ˗Zlanwo ˗pö telefɔnö ˈˈdhiʋ̈ ˗sü ˈka
˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗?: ˗Zlanwo ˗pö telefɔnö ˈˈdhiʋ̈ ˗sü ˗wɔn ˗yö ˈˈgbɩɩ˗ kö ˈkwa «ˈwɔn ˗taɔng ˗së ˈö ˗gban ˗Zlan ˗bha ˗gasitɛ ˈö˗ ˗kë kwa ˗dhɛ ˗a ˗bha ˗a pö.» (Kë 20:24) * ˗Yö kwa ˗takun ˈö kwa ꞊mɔɔn ˗zlanwopösü ˗bha mɛn ˗nu ˈö ˈkwaa ꞊mɔɔn˗ ˗bha kö ˈkwa ˗wo ˗an ˈˈpiʋ̈ ˈwɔn ˈbha ˈkosɔn ˗an ˗dhɛ.
KWA ˗DHO ˗A KË ˗KƆ ˗KË ꞊DHƐ?:
-
˗Kwa kwa ˗de baaˈˈ. ˗Kwa kwa ˗kɔ ˈˈyɛ ˈwɔn ˗gɔ ˗së ˈbha ˗bha. ˈPë ˈkwa˗ ˈˈpiʋ̈ ˈkwa˗ pö, ˗kwa ˗an ˗ya ˗bhüöö ˈgü. ꞊Ya ˈgo mü pë ˈö ˈkwa dho ˗a pö ꞊ya kë ꞊dhɛ ꞊waa˗ pö kwa ˗dhɛ ˈkwa nɔɔn˗ ˈto ˗a ˗bha telefɔnö ˈgü, ˗kwa baaˈˈ ˗a ˗bha. ˗Yö ˗së kö pë ˈˈpɛpɛ ˈö ˈkwa ˗bhawɔn ˗dho yö ˗an ˗bha, ˗wo kë kwa ˈˈsɔɔ. ˗Wo ꞊mɔɔn˗ ˗bha kö ˗wo kë kwaa parɛɛ ˗nu ˈö JW Library® ɛɛnˈˈ jw.org® ˈö ˈˈpʋ ˗sü ˈka ˗an ˈgü, ˗an ˈka.
-
ˈKwa ˈdho ˈˈsuʋ̈. ˗Kwa ˈwɔn blɛɛˈˈ ꞊dhɛ ˗kɔ ˈkwa ˈwɔn blɛɛˈˈ ˗a ˈka ꞊shiöŋ ˗a ˈdhö. ˗Kwa ˈˈyɩɩ ˈto, ˗kwa ˈpa kwa ˗de ˗bha. ˗Kwaa kë ꞊dhɛ pë ˈö˗ ˗mɛn ˈˈɲan ˈdhö kwa ˗bha ˗a ˈdhö. ˈKwa ˈwɔn blɛɛˈˈ ˗ni ˈgü, ˈkwa ˈdho ˈduannu ˗kpɛɛwo. Kwa ꞊mɔɔn˗ ˗bha ˈkwa ˗zlanwopö telefɔnö ˈˈdhiʋ̈ mɛn ˈˈwɛɛ ˈˈpiʋ̈. Mɛn ˈö ˈkwa ˗zlanwopö ˗ni ˈgü ˗a ˗dhɛ ˗ya dhɛɛˈˈ ˈkpɔ, ˗kwa ʒiö ˗a ˈgü kwa ˗wo ˗ta kö kwa ˈˈtɛɛdo ˗ya man kö ˗yö kwa ˗takun ˗a ˗yɔ ꞊slɔɔ ˗sü ˗bha.
-
Pë ˈö ˈkwa dho ˗a pö kö ˈkwa ˗wo mɛn ˗nu ˗dhɛ ꞊taabha, ˗kwaa pö. ˗Zlan ˗Wo ˗dhɔ ˗ya kë ˗a ˗mɛn ˗bha, kwa ꞊mɔɔn˗ ˗bha ˈkwa dhɛɛˈˈ do ˈö ˈkwa dho ˗a ˗yɔ bɔ ꞊taabha telefɔnö ˈˈdhiʋ̈, ˗a kpɔ ˗a ˗gɔ. Kwa ꞊mɔɔn˗ ˗bha ˈkwa bɔ ɛntɛnɛtö ˗ta ˈö ˈkwa ˈsëëdhɛ nu ˗a ˗dhɛ, ɛɛnˈˈ ˈö kwa ꞊dede ˗kwa ˈdho ˗a ˈka. Kwa ꞊mɔɔn˗ ˗bha ˈkwa bɔ ˈpö nɔɔn˗ ɛɛnˈˈ ɛntɛnɛtö ˗ta ˈö ˈkwa video nu ˗a ˗dhɛ. ꞊Ya kë ˗së, ˗kwa ˈwɔn ˈö ˗gban Biblö ˗draan kwa ˗bha ɛntɛnɛtö ˈˈnimlɔn ˗ta ˗sü ˗bha, ˗a blɛɛˈˈ ˗a ˗dhɛ.
^ -Wo -bhüöö kpö 3 ꞊Ya kë ꞊dhɛ ˗zlanwo ˗pö telefɔnö ˈˈdhiʋ̈ ˗sü ˈyaa ˈwɔn yaa ˈka kaa ˈˈpian ˈˈpiʋ̈, ˗a kë ˈˈdhʋ̈ ˗sü dua ˗mü kö ˗yö ˗bɛ ˗tɔŋ ˈö ˗gban ˗yö ˗kë mɛn ˈˈwɛɛ ˗nu ˗bha ˈˈnimlɔn ˈka ˗sü ˗bha bhë, ˗a ˗bha.
