KWA ˗BHA ˗KË KLETIƐN ˈKA ˗SÜ
Kwa ˗bha bhɛɛwo ˗nu Zoova ˗dhɛ ꞊bhlëësü
Bhɛɛwo ˗nu ˗tiaandhö ˗wo ꞊dhɛ ˗dhasiklɔɔ ˈˈyi ꞊fii ˗së ɛɛnˈˈ ansansö ˈwo kun ˗a ˈˈgʋ̈ ˗ni ˈgü Zoova ˗dhɔkëgükɔ ˈgü ꞊kwɛŋzü bhë, ˗a ˈdhö. (Ps 141:2) ˈKwa˗ pö kwa Dë ˈö dhaŋ˗ ˈgü ˗a ˗dhɛ ꞊dhɛ ˗a ˗dhɔ kwa ˗kë, ˈkwa˗ ˈˈnuɛ bho, ˈkwa kwa zuʋ̈piʋ̈wɔn ˗nu pö ˗a ˗dhɛ, ˈkwa bhɛɛˈˈ ˗a ˗dhɛ kö ˗yö ˈˈdhiʋ̈sü kwa ˈka, kwa˗ ˗zɔn ꞊dhɛ ˗kë ˗a ˈˈtɔŋdë ˈka ˗sü ˗wɔn ˗yö kwa ˗gɔ ˈˈgbɩɩ˗. ˗Yö kë kwa ˈˈɲaan ꞊dhɛ bhɛɛˈˈ ꞊klöö ˗nu ˈö kwa ꞊dhegblü ˗nu ˗wa wo mɛn ꞊gban ˗bhaa ˈka ˗bhɔkwëë ˈˈtʋ̈ŋ ˗nu ˈka bhë, Zoova ˗ya yö ꞊dhɛ ö ˗dhɔkësü ˈˈpian ꞊bhlëësü ˈbha ˈdhö. ˈˈKɛɛ kwa ꞊dede ˈkwa bhɛɛˈˈ ˗ni ˈgü kwa ˗bhaa ˈka, ˈkwa kwa zuʋ̈ˈˈ ˈˈpʋ Zoova ˗dhɛ, ˈkwa ꞊gwëë ˈyaa za ˈgü ꞊dhɛ ˗yö ˗kë ˗a ˗dhɛ ˗së.—Pr 15:8.
˗BHÖ VIDEO BHƐƐSÜ ˗WƆN ˗YÖ N ˗GƆ ˈˈGBƖƖ˗ ꞊DEDEWO ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
Yö ˗mɛɛn ˈö kun dɔ ˗sü ˈka kwa ꞊dhegblü Ʒɔnsɔn ˗kɔ ˈka?
-
Kwa ꞊dhegblü Ʒɔnsɔn ˗ya ˗zɔn ˗kɔ ˗kë ꞊dhɛ ö ˗bha bhɛɛwo ˗nu ˈgü ꞊dhɛ ˗yö ö ˗zoyö Zoova ˗dhɛ?
-
ˈWɔn ˗nu ˈö kwa ꞊dhegblü Ʒɔnsɔn ˗yö bɔ ˗an ˈgü bhë, ˗gleŋ ˗mɛɛn ˈö˗ ˗da kwa ˗bha?
