KWA ˗BHA ˗KË KLETIƐN ˈKA ˗SÜ
˗Kwa kwa ˗zota Zoova ˗wɔn ˈgü ˗kpɛɛwo
Yö ꞊slɔɔ ˗sü ˗ya kë ˈˈgbɩɩ˗ ˗dhɛ ˈö ˈkwa˗ ˗bha ˗a ˈgü, ˗Zlan ˗bha ˗Gblüdëdhɛ waa˗ dhɔɔbhawɔn ˗nu ˗bɔ ˈˈdhiʋ̈ ˗sü ꞊mɔɔn˗ ˗bha ˈö ˗kë ˈˈgbɩɩ˗. ˗A ˗kë ˈˈdhʋ̈ ˗sü ꞊mɔɔn˗ ˗bha ˈö˗ ˗kë ˈö yi ˈbha ˗nu ˈka, yö ˈö dho kwa ˗kɔ ꞊zɔɔ Zoova ˗bha yö ˗bha ɛɛnˈˈ ˈö ˈyaa ˗bɛ Biblö ˗bha ˈtɔŋ˗ ˗gɛngbandhɛ ˗nu ˗bha, ˈkwa˗ ˗kë. ˈˈKɛɛ ˗yö ˗së kö ˈkwa˗ ˈwɔn dɔ ꞊dhɛ Zoova ˗yö ö ꞊faan ˗zɔn «mɛn ˗nu ˈwo ˗klu ˗a ˗bha wo zuʋ̈ˈˈ ꞊gban ˈka ˗an ˗dhɛ.» (2Ch 16:9) Pë ˈbha ˈyaa ꞊mɔɔn˗ ˗bha kö ˗yö kwa Dë ˈö kwa ˗dhɔ ˗ya ˗kë, ˗a ˗kɔ ˈˈkan kwa ˗takunsü waa pë ˈö kwa ˗bhawɔn ˈdhö˗ ˗bha ˗a ˗nu kwa ˗dhɛ ˗sü ˗bha. (Wlɔ 8:32) ˗Dhɛ ˈö ˈˈdhʋ̈, ˈkwa˗ ˈˈpiʋ̈ kö ˈkwa kwa ˗kɔ ˈˈyɛ yö ˈbha ˗bha, kwa dua ˗mü kö ˈkwa kwa ˗zoyö Zoova ˗dhɛ, kö kwa ˗zo ˈya ˈdho bhɔ ˗a ˗bha yö ˈka.—Ps 16:8.
˗BHÖ VIDEO TRAVAILLEZ DE TOUTE VOTRE ÂME POUR JÉHOVAH ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈMën ˗kë ˈö Zasɔn ˗yö ˗kɔ ˈpë ˈwo kun ˗a ˈˈpiʋ̈ kö ˗wa nu ˗a ˗dhɛ bhë, ˗a ˈka?
-
Kodhɔsö 3:23 ˗yö ˗gban kwa ˗bha ˗kɔ ˗kë ꞊dhɛ?
-
Zasɔn ˗bha ˈwɔnzuan ˗së ˗yö Toma ˗takun ˗kɔ ˗kë ꞊dhɛ?
-
˗Kwa kwa ꞊kwaa Zoova ˗zü kö ˗yö ˈˈdhiʋ̈sü ˈwɔn ˗nu ˈkwa ˗da ˗an ˗ʒian ˗ta waa kwa këwɔn ˗nu ˈka.
Matiö 6:22 ˗yö ˗gban kwa ˗bha ˗kɔ ˗kë ꞊dhɛ?
