KWA ˗BHA ˗KË KLETIƐN ˈKA ˗SÜ
˗Kwa kwa ˗bha ˈwɔnbhokoodɔdhe ˗da ˈˈdhiʋ̈ ˗kpɛɛwo
˗Bialömɛn ˗nu ˈwo˗ ˈˈpiʋ̈ kö ˗an ˗gɛn kë ˈˈgbɩɩ˗, ˗an dua ˗mü kö ˗wo wo ˗de draanˈˈ ˗kpɛɛwo. ˗Kɔ do bhë˗ ˈka ˈpö, kwa dua ˗mü kö ˈkwa yö kë ˗kpɛɛwo kwa ˗bha ˈwɔnbhokoodɔdhe ˈka kë ˈˈdhʋ̈ kö ˗yö ˗da ˈˈdhiʋ̈. (Eb 5:14) ˈKö ˗kë ꞊dhɛ ˈwɔn ˗nu ˗kë ꞊dhɛ mɛn ˈˈwɛɛ ˗nu ˈdhö ˗sü ˗dhɔ ꞊mɔɔn˗ ˗bha ˈö ˗kë kwa ˗bha, kwa dua ˗mü kö ˗kɔ ˈö kwaa ꞊dede ˈkwa dho ˈwɔn ˗nu kë ˗a ˈka, ˈkwa kwa ˗zota ˗an ˈgü kö ˈkwa ˗an kë. ˈMën ˗wɔn ˈgü? ˈYö ˗tɔ ꞊dhɛ ˈwɔn ˈˈpɛpɛ ˈkwa˗ ˗kë, mɛn ˈö ˈˈdhʋ̈ ˗dho ˗ʒiö ˗a ˗bha ˗gɛn ˈgü ˗Zlan ˗dhɛ.—Wlɔ 14:12.
Kwa dua ˈyaa ˗mü kö ˈkwa˗ pö ꞊dhɛ ˗dhɛ ˈö ˗kë ꞊dhɛ ˈkwa bɔ ˈˈyi ꞊bhaa ˗a yi ꞊ya ꞊gwëë bhë, kwa ˗dho ˗da ˈwɔn ˗së ˗ʒian ˗ta yi ꞊gban ˈka. ˈKwa˗ pö ˈkwa ˈwɔn ˗së kë, kwa dua ˗mü ˈkwa kwa ˈˈtʋ̈ŋ kë pë ˈö Zoova, ˗a ˈˈDhiwo waa˗ ˗bha ˗kɔlokota ˗nu ˗wa pö, ˗a ˈgü.—Jos 1:7, 8; Pr 3:5, 6; Mt 24:45.
˗BHÖ VIDEO « GARDEZ UNE BONNE CONSCIENCE » ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈWɔn ˗mɛɛn ˈö Ema ˈö kun ˗a ˈgü?
-
ˈMën ˗kë kwa dua ˈyaa ˗mü kö ˈkwa kwa ˗de ˗bha ˈwɔn yö ˗kɔ bɔ ˈˈdhiʋ̈ ˈwɔn ˗nu ˈwo ˗gban mɛn ˈö ˈˈdhʋ̈ ˗a ˗bha bhë, ˗a ˈgü?
-
˗Dhioo ˗së ˗mɛɛn ˈö ˈkosümɛn ˗nu do ˈwo˗ dɔ Ema ˗ta?
-
Ema ˗yö ˗go ˗dhioo ˗sɛŋbɔ ˗nu ˈwo ˗gban ˈwɔn ˈö kun˗ ˈgü ˗a ˗bha, ˗an ˈka ˈˈmɛn?
