KWA ˗BHA ˗KË KLETIƐN ˈKA ˗SÜ
ˈWëëga ˗wɔn ˗ya kë kwa ˗bha kwa ˗dho bɔ ˗a ˈgü ˗zogbandhe ˈka ˗kɔ ˗kë ꞊dhɛ?
ˈWɔn ˈˈgbɩɩ˗ ꞊va ꞊dede kë ˗ni ˈgü ˈˈtʋ̈ŋ ˗totaabhasü yö, ˗a ˈgü. ˈˈKɛɛ ˈkwa ꞊ɲɔɔn ˗ni ˈgü ˈˈkpɔnŋtaadhɛ ˈö yö ˗a ˈˈdhiʋ̈todhɛ ꞊dede ˗bha, ˗yö kë kwa ˈˈɲaan ꞊dhɛ ˗a ˈwɔn ˈˈgbɩɩ˗ ˗nu ˈwo ˈˈdhʋ̈ ˗wo ˗dho ˗dadhiʋ̈ ˗kpɛɛwo. ˈWëëga ɛɛnˈˈ ˗bhöpë ˗nu ꞊mɔɔn˗ ˗bha ˈwo ɲën kwa ˗gɔ. (Hab 3:16-18) ˈˈKɛɛ ˈwëëga ˗wɔn ˗ya kë kwa ˗bha ˗mën ˈö dho kwa ˗takun kö ˈkwa bɔ ˗a ˈgü ˗zogbandhe ˈka? Kwa dua ˗mü kö ˈkwa kwa ˗zoyö ˗kplawo kwa ˗bha ˗Zlan Zoova ˗dhɛ. ˗Ya ˗pö ö ˗dho ö ˗zokë ö ˗dhɔkëmɛn ˗nu ˈˈpiʋ̈. ꞊Ya ˈgo mü ˗yö ꞊mɔɔn˗ ˗bha ˈö ˈpë ˈkwa ˗bhawɔn ˈdhö˗ ˗bha ˗a nu kwa ˗dhɛ ˈˈtʋ̈ŋ ꞊gban ˈka.—Ps 37:18, 19; Eb 13:5, 6.
Pë ˈö ˈkwa ꞊mɔɔn˗ ˗bha ˈkwa˗ ˗kë:
-
˗Kwa bhɛɛˈˈ Zoova ˗dhɛ kö ˗yö ˈˈdhiʋ̈sü kwa ˈka, ˗yö ꞊kpɔɔdhɛ nu kwa ˗dhɛ, ˈgo mü ˈzü ˗yö kwa ˗takun.—Ps 62:8
-
Yö ˈö ˈkwii˗ kë do ˈkwa˗ ꞊slɔɔ ˗kwaa kë.—g-F 1/10 8-9, ˈkɔnën ˗nu
-
Kwa ˗kɔ ˗yö ˈto ˗kplawo pë ˗nu ˈwo kwa ꞊ɲɔɔn ˗Zlan ˗bha, ˗an ˈgü. ˗A ˈbhaa ˗nu ˈnën ˈwo ˗tɔ Biblö ˗wo ˗pö yi ꞊gban ˈka ˗sü, ˗dho ˗bhɔkwëë ˗nu ˗ta ˗sü waa ˗zlanwopösü ˗nu.
˗BHÖ VIDEO ˈKƆ ˈÖ KA- DƆ ˈÖ -DHO ꞊GWËË-, -KAA DƆ «PË ˈDHƐ ˈÖ KA -GƆ -YÖ KA -ZƲ ˈKUN» ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈWɔn ˈˈgbɩɩ˗ ˗mɛɛn ˗nu ˈö ˈkɔdhi ˈbha ˗nu ˈwo bɔ ˗an ˈgü?
-
˗Mën ˈö˗ ˗wɔn ˈdhö ˈˈgbɩɩ˗ ꞊dedewo kwa ˗bha ˗tosɛta ˈgü?
-
Mɛn ˗nu ˈö ˈwëëga ˗wɔn ˈdhö ˗an ˗bha kwa ꞊mɔɔn˗ ˗bha ˈkwa ˗an ˗takun ˗kɔ ˗kë ꞊dhɛ?
