Pë ˗nu ˈö kwa ˗bhawɔn ˈdhö ˗an ˗bha kö ˈkwa bɔ ˈwɔn ˈˈgbɩɩ˗ ˗nu ˈwo ˈˈtʋ̈ŋ ˗totaabhasü ˈö yö ˗a ˈgü ˗an ˈgü, ˗wo ˗Zlan ˗Wo ˈgü. (2Ti 3:1, 16, 17) ˈˈKɛɛ ˈˈtʋ̈ŋ ˈbhaa ˗nu ˈka, kwa ˗bhawɔn ꞊mɔɔn˗ ˗bha ˈö yö Biblö ˗bha ˈtɔŋ ˗gɛngbandhɛ ˈbha ˗nu ˈwo ˗gban ˈwɔn ꞊dede ˈkwa˗ ˈgü ˗a ˗bha, ˗an ˗bha. ˗A ˈwɔnzuan ꞊nɛɛn: Ü ˗bhawɔn ˗yö ˗dhioo ˗nu ˈwo ˗dho ü ˗takun kö ˈü ü ˗bha ˈnën ˗nu ˗to ˗së ˈka ˗an ˗bha ˗ee? Ü wlüünën ˗nu ˈö ˗an ˗bha ˗zoyödhe ˈö ˗da ˗ni ˈgü ˈgüdandhe ˈgü, ˗an kpö ˈgü ˗ee? Ü ˗gɔn ɛɛnˈˈ ü ˗bha dhebɔ ˈö go ü ˗bha, ü˗ ˗gbo bɔ ˗ni ˈgü ˗ee? ꞊Ya kë ꞊dhɛ ˗yö ˈˈdhʋ̈, ˈbha ˈdho jw.org ˗ta, ü ˗dho ˈwɔn ˗gɔ ˈbhaa ˗nu ˈwo dho Biblö ˗bha ˈtɔŋ˗ ˗gɛngbandhɛ ˗nu ˈwo ꞊mɔɔn˗ ˗bha kö ˗wo ü ˗takun kö ˈü bɔ ˈwɔn ˈˈgbɩɩ˗ ˈö bhë waa˗ ˈˈwɛɛ ˈbha ˗nu ˈgü, ˗an yö mü.—Pr 2:3-6.

Ü ˗kɔ ꞊nënŋ LA BIBLE ET VOUS ˗ta jw.org ˈkɔɔ ˈˈpian ˗ta. (Kpɔɔˈˈ pë ˈˈbin 1 ˗bha.) Ü ˗kɔ ˈˈyɛ ˈwɔn ˗gɔ ˗dhɛ ˈü˗ ˈˈpiʋ̈ ˗a ˗bha ˈwɔn ˗gɔ ˗nu ˈwo dho yö ˈˈkpɛnŋ bhë, ˗an ˈgü. Ɛɛnˈˈ ˈzü ˗bhö ü ˗kɔ ꞊nënŋ BIBLIOTHÈQUE > RUBRIQUES ˗ta kö ˈü ü ˗kɔ ˈˈyɛ ˈwɔn ˗gɔ ˗dhɛ ˈü˗ ˈˈpiʋ̈ ˗a ˗bha. (Kpɔɔˈˈ pë ˈˈbin 2 ˗naan ˗bha.) ˈWɔn ˗gɔ suu do ˗nu ˈwo bhë ˗wo JW Library^® ˈgü ˈpö. * Ü ꞊mɔɔn˗ ˗bha ˈü ˗an ˗wo pö ˗a ˗dhɛ ˈö ˗dhi ü ˗dhɛ ˗a ˗ta. Pë ˈˈwɛɛ ˈbha ˈü ꞊mɔɔn˗ ˗bha ˈü˗ ˗kë ˈyö ˗tɔ ˈwɔn ˗gɔ ˈbha ˈü˗ ˈˈpiʋ̈ ˗a ˗mɛɛn pë mɛɛnˈˈ ˗dhɛ ˈö jw.org ˗ta bhë, ˗a ˗ta ˗sü.

˗Bhö ˈwɔn ˗gɔ ˗nu ˈwo yö ˗an mɛɛnˈˈ jw.org ˗bha pë mɛɛnˈˈ ˗dhɛ ˈgü kö ˗a ˗dhɛ ˗nu ˈü˗ ˈˈpiʋ̈ ˈü ˗an ˗wo pö bhë, ˈü ˗an ˗bɛn zë.

• L’éducation des enfants

• La dépression chez les jeunes

• La perte de son conjoint