KWA ˗BHA ˗KË KLETIƐN ˈKA ˗SÜ
Zoova ˗yö mɛn ˗nu ˈö ˗an ˈgü ꞊ya ga ˗an ˗dha
˗Wëë ˗yö ˗bɔ mɛn ꞊gban kwa ˗ta ˈˈtʋ̈ŋ ˈbha ˗nu ˈka. ˈˈKɛɛ ˗wëë ˗ya bɔ kwa ˗ta, ˗a ˗gɛn ˈyaa ˈnën ˈö ˗tɔ ꞊dhɛ ˈkwaa kwa ˗zoyö Zoova ˗dhɛ ˈzü. Zoova ꞊dede ˗ya ˗zɔn ꞊dhɛ ˗wëë ˗yö ˗bɔ ˗a ˗ta ˈpö ˈˈtʋ̈ŋ ˈbha ˗nu ˈka. (ˈWn 6:5, 6) ˈˈKɛɛ ꞊ya kë ꞊dhɛ ˗wëë ˗yö ˗bɔ kwa ˗ta ꞊shiöŋ ꞊shiöŋ ɛɛnˈˈ yi ꞊gban ˈka, ˈmën ˈkwa dho ˗a kë?
˗Kwa bhɛɛˈˈ Zoova ˗dhɛ kö ˗yö kwa ˗takun. ˗Kɔ ˈö ˈkwa˗ ˈka kwa ˗de ˈgü, ˗a ˗wɔn ˗yö Zoova ˗gɔ ˈˈgbɩɩ˗. ˈKwa zuʋ̈gblüdhi ˈgü ɛɛnˈˈ ˗wëë ˈö bɔ ˗ni ˈgü kwa ˗ta, ˗ya ˈwɔn ˗dɔ. Pë ˈö˗ ˗wɔn ˈgü ˈkwa kwa ˗de ˈgü ˈˈdhʋ̈ ɛɛnˈˈ ˈkwa ˈwɔn ˈbha ˗nu ˗kë, ˗ya ˈgüman. (Ps 7:9b) ˈˈKɛɛ ˗a ˗dhɛ ˈö ˗së ˈzü ˈyö ˗tɔ Zoova ˗yö ö ˈˈtʋ̈ŋ ˗kë kwa ˈgü. ꞊Ya kë ꞊dhɛ kwa ˈgü ˗ya ga ɛɛnˈˈ kwa ˗gɔ ˈgü ˗ya dɔ ˗gbɔudhö, ˗yö ꞊mɔɔn˗ ˗bha ˈö kwa ˗takun.—Ps 34:18.
˗Kwa kwa ˗zokë kwa ˗zotagüwɔn ˗nu ˈˈpiʋ̈. Kwa ˈgü ˗ya ga, zuʋ̈niidadhe ˈyaa kë kwa gɔ. ˗A ˗kë ˈˈdhʋ̈ ˗sü ꞊mɔɔn˗ ˗bha ˈö kwaa Zoova ˗nu kwa ˗bha ˈˈtɔŋdëdhɛ ꞊shiö. Yö ꞊nën˗ ˗wɔn ˈgü kwa dua ˈdhö ˗mü kö ˈkwa kwa ˗zokë kwa zuʋ̈ga waa mɛn ꞊dede ˈkwa˗ ˈka ˗an ˈˈpiʋ̈.—Pr 4:23.
˗BHÖ VIDEO ZUƲ̈WAANNUSÜ ˗YÖ KWA ꞊DHEGBLÜ ˗NU ˗GƆ ˗KÖ ˗KË ꞊DHƐ ˗AN ˗GƆ ˈGÜ ˗YA DƆ ˗GBƆUDHÖ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
˗Dhɛ ˈö Niki ˗gɔ ˈgü ˗yö dɔ ˗gbɔudhö, ˗mën ꞊dede ˈö˗ ˗kë ˈö˗ ˗takun?
-
ˈMën ˗kë ˈö Niki ˗ya ˈwɔn dɔ ꞊dhɛ ˗a ˗bhawɔn ˗yö ꞊dhɔtrɔɔ˗ ˗nu ˗bha?—Mt 9:12.
-
˗Kɔ ˗mɛɛn ˈö Niki ˗ya ˗zɔn ˗a ˈka ꞊dhɛ ˗ya ˈˈpiʋ̈ kö Zoova ˗ya ˗takun?
