˗Wo ˈwɔn ˗gɔ waa video ˗nu ˈwo kwa ˗bha ɛntɛnɛtö ˈˈnimlɔn ˈkɔɔ ˈˈpian ˗ta ˗an pë ˗kë kö ˗wo ˈpa zuʋ̈sëmɛn ˗nu ˈö ˈwaa Zoova ˗bha ꞊Gbɛkiö ˗nu ˈka bhë, ˗an zuʋ̈ˈˈ ˈka. (Kë 13:48) ˗Wo ˗gban ꞊shiöŋ ˈwɔn ˗nu ˈwo kë ˗ni ˈgü ɛɛnˈˈ ˈwɔn ˗nu ˈö mɛn ˗nu zuʋ̈ˈˈ ˈˈpiʋ̈, ɛɛnˈˈ ˈzü ˈö ˈwo ˗an ˗dhiaŋ zë ˗ni ˈgü ˈnën ˗an ˗bha.

Kwa ˗dho yö kë jw.org ˈkɔɔ ˈˈpian ˈka ˗kɔ ˗kë ꞊dhɛ ˗zlanwopödhɛ ˈgü?

• ˗Kwa ˈdho ˗a ˗ta zoodhö zoodhö. ˗Kwa pë ˗dɛɛ ˗nu ˈwo yö ˈˈkpɛnŋ ˗a ˗ta ˗an ˗ga kö ˈkwa kwa ˗zota ˗kɔ ˈö ˈkwa dho zuʋ̈sëmɛn ˗nu ˗takun ˗a ˈka, ˗an ˈgü. (ˈKwa˗ pö ˈkwa ˗kpan pë ˗dɛɛ ˈˈwɛɛ ˈbha ˗nu ˈwo yö ˈˈkpɛnŋ ˗a ˈˈpian bhë ˗a ˗ta ˗an ˗bha, ˗kwa kwa ˗kɔ ꞊nenŋ «-A ˈbhaa -ga ˈzü» ˗ta.) ˈKwa ˈdho kwa ˗bha ɛntɛnɛtö ˈˈnimlɔn ˗ta zoodhö zoodhö, kwa ˗dho ˗kpan pë ˗dɛɛ ˗nu ˈö ˈkwa ꞊mɔɔn˗ ˗bha ˈkwa yö ˗kë ˗an ˈka ˗zlanwopödhɛ ˈgü, ˗an ˗bha.

• ˗Kwa bɔ ˈwɔn ˗gɔ ˗nu waa video ˗nu ˈwo jw.org ˈkɔɔ ˈˈpian ˗ta ˗an ˗ta kö ˈkwa ˈˈdoo züdɔ mɛn ˗nu ˈˈpiʋ̈. ˗Wo ꞊mɔɔn˗ ˗bha ˈwo kwa ˗takun kö pë ˈö mɛn ˗nu zuʋ̈ˈˈ ˈˈpiʋ̈ kwa ˗bha ˈˈyasa ˈgü, ˈkwa˗ dɔ.

• ˗Kwa jw.org ˈkɔɔ ˈˈpian ˗zɔn mɛn ˗nu ˗dhɛ. ˗Kwa ˈwɔn ˗gɔ ˈˈgblʋ̈gblʋ̈ waa ˗kɔ ˈö ˈwo pë ˗nu ꞊mɛɛn ˗a ˈka ˗a ˗ta, ˗a ˗zɔn mɛn ˗nu ˗dhɛ.

• ˗Kwa ˈwɔn ˗gɔ ɛɛnˈˈ video ˗nu bɔ mɛn ˗nu ˗dhɛ. Mɛn ˈbha ˗nu ˈwaa ˈˈwɩ˗ ˗bha kö ˗wo ˈˈdoo dɔ kwa ˈˈpiʋ̈, ˈˈkɛɛ ˗dho kwa ˗bha ɛntɛnɛtö ˈˈnimlɔn ˗ta ˗sü ˗dhɔ ˗yö ˗an ˗kë. ˗Dhɛ ˈö ˈˈdhʋ̈, ˈkwa ˈdho ˈˈsuʋ̈ ˈwɔn ˗gɔ waa video ˗nu ˈwo kwa bha ɛntɛnɛtö ˗ta, ˗an ˗bɔ ˗an ˗dhɛ ˗sü ˈka.