KWA ˗BHA ˗KË KLETIƐN ˈKA ˗SÜ
ˈNënmɛn ˗nu: ˗ka ka ˗bha ˈnën ˗nu ˗takun kö ꞊kpɔɔdhɛ ˈö go ˗Zlan ˈˈpiʋ̈ ˗yö kë ˗an ˗gɔ
˗Kɔ ˈö ˈnënmɛn ˗nu ˈwo ꞊mɔɔn˗ ˗bha ˈwo wo ˗bha ˈnën ˗nu ˗takun ˗a ˈka kö ꞊kpɔɔdhɛ ˈö go ˗Zlan ˈˈpiʋ̈ ˗yö kë ˗an ˗gɔ, ˗a ˗së do ˈnën ˗tɔ ˗an ˗takun ˗sü kö ˗wo ꞊trɔɔn ꞊slɔɔ ˗bhɔkwëë ˗nu ˈgü. Pë ˈö wlüünën ˗nu ˈwo˗ yö, ˈwo˗ man ɛɛnˈˈ ˈzü ˈwɔn ˗daa ˈwo˗ ˗kë ˗bhɔkwëë ˗nu ˗ta ꞊mɔɔn˗ ˗bha ˈwo ˗an ˗takun ˈö ˈwo Zoova dɔ, ˈö ˈwo ˗kë ˗a ˈˈtɔŋdë ꞊dede ˗nu ˈka. (Dt 31:12, 13) ꞊Ya kë ꞊dhɛ ˈnënmɛn ˗mü ü ˈka, ü ˗dho ü ˗bha ˈnën ˗nu ˗takun ˗kɔ ˗kë ꞊dhɛ kö ˗wo pë ꞊va draanˈˈ ˗bhɔkwëë ˗nu ˗ta?
-
Pë ꞊gban ˈˈpɛpɛ kë kö ˈü kë ˗bhɔkwëë ˗nu ˗ta ˗bhɔkwëëkëgükɔ ˈgü.—Ps. 22:22.
-
ˈˈSanni ˗bhɔkwëë ˗nu zü ˗yö dɔ, ɛɛnˈˈ ˗wa ɲën ˗bhö ˈˈtʋ̈ŋ ˈsü kö kaa ü ꞊dhegblü ˗nu ˈka ˈˈdoo dɔ.—Eb 10:25.
-
Pë ꞊gban ˈˈpɛpɛ kë kö ˈsëëdhɛ ˈö ˗dho draanˈˈ ˗bhɔkwëë ˗nu ˗ta ü ˗bha ˈkɔdhigümɛn ˗nu ꞊gban ˗bhaa ˗yö kë ˗dhö, ˈkö kë ꞊dhɛ ˗yö ˗kë telefɔnö ˈgü ˈˈɛɛn ˗a ˗be ꞊dede ˈka.
-
Ü ˗bha ˈnën ˗nu ˗takun kö ˗wo ˈwɔn ˗daa kë wo ˗de ˗bha ˈwɔn blɛɛˈˈ ˗kɔ ˈgü.—Mt 21:15, 16.
-
˗Bhö ˗bhɔkwëë ˗nu ɛɛnˈˈ pë ˗nu ˈkwa ˗an ꞊draan ˗an ˗ta, ˗an ˗wɔn ˗së blɛɛˈˈ.
-
Ü ˗bha ˈnën ˗nu ꞊faan ˈmën kö ˗wo wo ˗kɔ ˗da -bhɔkwëëkëgükɔ ˗goo ˗sü ɛɛnˈˈ ˈˈzu ˗sü ˈgü. ˗Bhö ˗an ꞊faan ˈmën ˈpö kö ˗wo ˈˈdoo dɔ ˗zlanwokɔdhigümɛn ˗nu ˈö ˗wa kë zii, ˗an ˈˈpiʋ̈.
Yö ꞊va ꞊dede ˗yö ˈnën ˗nu ˗takun ˗sü ˈgü kö ˗wo ꞊ɲɔɔn Zoova ˗bha. ˈYö ˈˈtʋ̈ŋ ˈbha ˗nu ˈka, ˗yö ꞊mɔɔn˗ ˗bha ˈö ꞊gbɔɔn. ˈKö ˗kë ˈˈdhʋ̈, ˗yö kë ü ˈˈɲaan ꞊dhɛ Zoova ꞊mɔɔn˗ ˗bha ˈö ü ˗takun.—Is 40:29.
˗BHÖ VIDEO ˈNËNMËN ˗NU, ˗KA KA ˗ZOYÖ ZOOVA WAA ꞊FAAN ˈÖ GO ˗A ˈˈPIƲ̈ ˗A ˗DHƐ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
˗Mën ˈö sëëbhodhe ˗ya ˗kë Zakö waa Dhea ˗an ˈka?
-
ˈMën ˗kë ˈö ˈnënmën ˗nu dua ˈdhö ˗mü kö ˗wo bhɛɛˈˈ Zoova ˗dhɛ kö ˗yö ꞊faan nu ˗an ˗dhɛ?
-
˗Kɔ ˗mɛɛn ˈö Zakö waa Dhea ˈwo wo ˗zoyö ˗a ˈka Zoova ˗dhɛ kö ˗yö ˗an ˗takun?
