Biblö -ya -to ˈˈdhiʋ̈ ˈö- -pö ꞊dhɛ Sɔtraan -dho kwa ˈˈklʋʋbhɔ kö ˈkwa ˈdho -zlanwopö ˈzü. (Zn 15:20; -Dh 12:17) Kwa ꞊dhegblü -nu ˈwo -an ˈˈklʋʋbhɔ -ni ˈgü ˈˈsɛ ˈˈwɛɛ -nu ˈgü, kwa -dho -an -takun -kɔ -kë ꞊dhɛ? -Kwa bhɛɛˈˈ -an -bhaa ˈka. “ˈMɛ ˈö pö ˈaa- -bha ꞊ya bhɛaˈˈ Atanna -dhɛ faan -bha, ˈˈtrüün -yö -kë -a -bha bhɛawʋ bha- ˈgü.”—Zk 5:16.

-Mën ˈö ˈkwa ꞊mɔɔn- -bha ˈkwa ꞊bhɛɛ -a -wɔn ˈgü? Kwa ꞊mɔɔn- -bha ˈkwa ꞊bhɛɛ kö Zoova -yö ꞊faan nu -an -dhɛ, kö -yö -an -takun kö ˈwa ˈdho suʋ̈ˈˈ. (Is 41:10-13) Kwa ꞊mɔɔn- -bha ˈkwa ꞊bhɛɛ kö ˈˈsɛgɔdhiʋ̈mɛn -nu -wo ˈˈwɩ -a -bha kö ˈkwa -zlanwopö, “kë ˈˈdhʋ̈ kö ˈkwa -tosɛta kë zuëyagblʋ̈ʋ̈- ˈka kwa -dɩ ˈflëë- ˈgü.”—1Ti 2:1, 2.

-Dhɛ ˈö ˈwo kun Pɔdhö ꞊waa Piɛdhö ˈˈklʋʋbhɔ -ni ˈgü, Kletiɛn -nu ˈwo kun -kwɛ -këŋ do -blɛɛsü -naan -ta, -wo -an ˈtɔ -pö wo -bha bhɛɛwo -nu ˈgü. (Kë 12:5; Wlɔ 15:30, 31) ˈKö kë ꞊dhɛ mɛn ˈˈpɛpɛ ˈwo -an ˈˈklʋʋbhɔ -ni ˈgü, ˈkwaa -an ˈtɔ dɔ, ˈkwa bhɛɛˈˈ -ni ˈgü, -kwa ꞊mɔɔn- -bha ˈkwa -an -bha -zlanwokɔdhi, ɛɛnˈˈ -an -bha ˈˈsɛ ˈtɔ pö.