Zoova ˗yö ö ˗dhɔkëmɛn ˗nu ˈwo ꞊dɛɛ ˗an baaˈˈ ˗sü ˈka kö ˗wa dhɔɔbhaawɔn kë ˗dhɛ ˗kɔ ˈö Izraɛdhömɛn ˗baa ˗a ˈka ˗a ˈdhö. ˈˈSɛ ˗todhʋ̈sü ˈgü, Betɛdhömɛn ˗nu, ˈˈpian do ˈˈpiʋ̈ ˗maankëmɛn ˗nu, ˗zlanwokɔdhigümɛn ˗nu waa ˗zlanwopö kpö kpö ˗nu ˗wo ˗yö ˗kë wo ˈko ꞊bhaa kö ˈwɔn ˗taɔŋ ˗së ˗yö pö. Kwa ˗zlanwopö mɛn ꞊gban ˗dhɛ. Kwa˗ pö ˗ʒiaanwo mɛn ˗nu ˈö ˈwaa kwa ˗wo pö ˗an ˗dhɛ.​—​˗Dh 14:6, 7.

ˈBha ü ˗zota do ˗wo ˈˈwɛɛ draansü ˈgü kö ˈü mɛn ˗nu ˗takun ˗a ˈgü kö ˗wo gagade dɔ ˗ee? ˈKö ꞊dee ˈˈtʋ̈ŋ ˈyaa ü ˗gɔ kö ˈü ˗wo ˈˈwɛɛ draanˈˈ, ü ꞊mɔɔn˗ ˗bha ˈü bɔ JW Language ˗ta ˈü ˗zlanwopö ˗kɔ ˈˈslö ˗bhaa ˗nu ꞊draan ˗wo ˈˈwɛɛ ˈgü. ˈBha yö kë ˗zlanwopö ˗kɔ ˈˈslö ˗nu bhë ˗an ˈka, zuʋ̈niidadhe ˈö kletiɛn ꞊blɛɛsü ˗nu ˈwo˗ ꞊slɔɔ kö mɛn ˗nu ˈwo go ˈˈsɛ ˈˈwɛɛ ˈgü ˗wa dhiaŋ ˈö ˗gban «˗Zlan ˗bha ˈwɔn ˗së ˈö˗ ˗kë» ˗a ˗bha ˗a man wo ˗de ˗wo ˈgü, ü ˗dho ˗a ꞊slɔɔ ˈpö.​—Kë 2:7-11.

˗BHÖ VIDEO DEVIENS L’AMI DE JÉHOVAH: PRÊCHE DANS UNE AUTRE LANGUE ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈMën ˈˈtʋ̈ŋ ˈgü ˈkwa ꞊mɔɔn˗ ˗bha ˈkwa yö ˗kë JW Language ˈka?

• ˗A ˈˈpian ˈbha ˗nu ˈwo ˗tɔ ˗mën?

• ˗Wo suu ˗mɛɛn ˗nu ˈö mɛn ˗nu ˈwo ˗an pö ka ˗bha ˈˈyasa ˈgü?

• ˗Mën ˈö ˈkwa ꞊mɔɔn˗ ˗bha ˈkwa˗ ˗kë ꞊ya kë ꞊dhɛ ˗zlanwo ˗dhɔ ˗yö mɛn ˈbha ˈö ˈyaa kwa ˗wo pö ˗a ˗bha?​—od˗F 100-101 § 39-41