Zoova ˗ya ˗pö dhe waa ö ˗gɔn dua ˗mü kö ˗wo ˗klu wo ˈko ˗bha, ˈyö ˗tɔ ꞊dhɛ wo ˗wo ˈwo˗ ˗bhö wo ˈkosüyi ˈka bhë, ˗a ˗wɔn ˗ya ˗gɔ ˈˈgbɩɩ˗. (Mt 19:5, 6) ˈKosümɛn ˗nu ˈwo ˈwɔnzuan ˗së ˈka, ˗wo ꞊va Zoova ˗dhɔkëmɛn ˗nu kpö ˈgü. ˈˈKɛɛ ˈkö ˗kë ˈˈdhʋ̈, ˗wɔn ˗yö ˈkɔdhi ꞊gban ˈgü, ˈyö ˗tɔ ꞊dhɛ ˗a ˈgümɛn ˗nu ˈwaa ˈˈslʋ̈ʋ̈slʋ̈. ˈWɔn ˗ya ˗da, kwa dua ˈyaa ˗mü kö ˈkwa ˗kan ˈko ˗bha ˗sü, dhe bho ˈˈblü ˗sü ɛɛnˈˈ ˗go gwaan˗ ˗bha ˗sü yö ꞊dhɛ ˗a ˈˈɲan bhɔ ˗kɔ ˈˈslö ˈdhö ꞊dhɛ ˗kɔ ˈö mɛn ꞊vadhɛ ˗wa yö˗ ˈka ˗a ˈdhö. Kletiɛn ˗nu ˈö ˈwo wo ˈkosü, ˗wo ˗dho wo ˗zoto wo ˗bha ˈkɔdhi ˈˈpiʋ̈ ˗kɔ ˗kë ꞊dhɛ?

˗Dhioo ˗së ˈˈsoodhu ꞊nɛn:

1. ˗Kwa kwa ˗de ˈkun pë ˗nu ˈö ˈwo ˗kë ꞊dhɛ mɛn ˈˈɲan ˈkun ˗sü ɛɛnˈˈ ˈˈɲangüyaa trʋʋˈˈ ˗nu ˈdhö bhë, ˗an ˗bha.​—Mt 5:28; 2P 2:14.

2. ˗Mlɛɛn ˈö kwaa ˗Zlan kwa ꞊zinŋgü, ˗kwaa ˗gɛn ˗gban. ˗Kwaa ˗dhidhɛwɔn kë ˗sü ˗dadhiʋ̈ kwaa ˈkɔdhi ˈgü​—Ps 97:10.

3. ˗Kwa kë mɛn ˗dɛɛ ˈka ˗kpɛɛwo. ˈWɔn ˗nu ˈwo dho kwaa dhebɔ ɛɛnˈˈ kwa ˗gɔn ˗bha ˗tosɛta din˗ ˗dhi ˈkö ꞊dee ˗yö ˗kë ˈˈsɛɛnnën, ˗kwaa kë.​—Ko 3:8-10, 12-14.

4. ˗Kwa ˈˈdoo dɔ ˗së ˈka, kwa ˈko ꞊bhlëë ˈgü.​—Ko 4:6.

5. Pë ˈö kwaa dhebhɔ ɛɛnˈˈ kwa ˗gɔn dua ꞊dede ˈka ˈkɔdhi ˈgü, ˗kwaa nu ˗a ˗dhɛ ˗dhɔ ˈgü.​—1Ko 7:3, 4; 10:24.

Kletiɛn ˗nu ˗wa ˈkosüsü ꞊bhlëë ˗ya, ˗wo Zoova ˈö ˗kë ˗a Dëmɛn ˈka bhë˗ ˈtɔ ˗bhɔ.

˗BHÖ VIDEO KWA DUA ˗MÜ KÖ ‹ˈKWA ˗BIA ˈSÜ KWA ˗SƆBHƐƐ ˈKA›: ˗KWA ˗BIA ˗LÖ Ö ˗LÖ ˗KƆ ˈKA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈKö ˗kë ꞊dhɛ ˈkosüsü zübhodhɛ din˗ ꞊mɔɔn˗ ˗bha ˈö ˗kë ˗së, ˈwɔn ˈˈgbɩɩ˗ ˗mɛɛn ˈö ꞊mɔɔn˗ ˗bha ˈö ˗kë ˈˈdhiʋ̈?

• Mɛn ˗nu ˈö ˗an ˗bhaa ˈgü ˗dhɔ ˈyaa ˗an ˗bha ˈkɔdhi ˈgü, Biblö ˗bha ˈtɔŋ˗ ˗gɛngbandhɛ ꞊mɔɔn˗ ˗bha ˈö ˗an ˗takun ˗kɔ ˗kë ꞊dhɛ?

• ˈTɔŋ˗ ˗nu ˗mɛɛn ˈö Zoova ˈö ˗an dɔ ˗sü ˈka ˈkosümɛn ˗nu ˗ta?

• ˈKosümɛn ˗nu ˈwo˗ ˈˈpiʋ̈ kö ˗an ˗bha ˈkɔdhi ˗yö kë ˗së, ˗mën ˈö mɛn ˈö ˈdhö dua ˈdhö ˗mü kö ˗ya kë?