ˈWɔn ˈˈgbɩɩ˗ ˗mɛɛn ˈü bɔ ˗ni ˈgü ˗an ˈgü? ˈKɔdë ˗mü ü ˈka ˗ee? Yö ꞊va ˈwo ü ˗kɔ ˗ta ˗kɔ ˈö bhii ˗an ˈkun˗ ˈka, ˈbhaa˗ ˗kɔ dɔ ˈzü ˗ee? Bhii do ꞊nën ˈü ü ˈgü dɔ ˗ni ˈgü ˈˈgbɩɩ˗ kö ˈü ü ˗bha ˈnën ˗nu ˗to ˗ee? Ü ˈˈtɔŋdë ˗nu ˗wo ü ˗wëëdhɛ bho ˗ni ˈgü ꞊klaŋplöö ˗ee? Ziidhɛ ɛɛnˈˈ ˈˈyua ˈbha ˗yö ü sëëbho ˗ni ˈgü ˗ee? Mɛn ˈö ˈˈdhʋ̈ waa˗ ˗bha ˈwɔn ˈˈgbɩɩ˗ ˈö˗ ˗bha. Kletiɛn ꞊vadhɛ ˗wo bɔ ˗ni ˈgü ˈwɔn ˈˈgbɩɩ˗ suu ꞊va ˈgü ˈˈtʋ̈ŋ do ˈgü. ˈˈKɛɛ kwa˗ ˈwɔn ˗dɔ ꞊dhɛ ˗a ˈˈtʋ̈ŋ ˈyaa ꞊gblɛɛn ˈzü kö ˈkwa dha ˈwɔn ˈˈgbɩɩ˗ ˗nu ˈwo bhë ˗an ˗gɔ.​—2Ko 4:16-18.

ˈˈSanni ˗a ˈˈtʋ̈ŋ ˗yö ˗wo, ˗a ˈwɔn dɔ ˗sü ˈö ꞊dhɛ ˈwɔn ˗nu ˈkwa bɔ ˗ni ˈgü ˗an ˈgü Zoova ˗yö ˗an ˗dɔ, ˈyö kwa ˗bha ˗klu ˗a ˗bha ˗sü waa kwa ˗bha ˈgüdɔgbɩɩsü ˈwo ˗an ˗dhɛ ˗së, ˈgo mü ˗yö ˗dho ˈdhuëë˗ ˈkpɔ kwa ˗bha bhë, ˗yö kwa ˗zogban. (Jr 29:11, 12) Kwa ˗wɔn ˗yö Yesu ˗gɔ ˈˈgbɩɩ˗ ˈpö. Yö ˈö˗ dɔ kwa ˗kɔ ˈka ˈkwa˗ kë ˗ni ˈgü, kwa˗ ˈwɔn ˗dɔ ꞊dhɛ ˗a pö ˈö˗ ˗wo ꞊dhɛ «a ka ˈˈpiʋ̈» bhë gagade ˗mü. (Mt 28:20) ˈKwa ˈduannu, ˈkwa kwa ˗zota kwa ˗go ˈˈgan ˈgü ˗sü ˈö dho kë dhiʋ̈ˈˈ ˗Zlan ˗bha ˗Gblüdëdhɛ ˗kɔ ꞊löö bhë ˗a ˈgü, kwa ˗bha ˗zoyödhe ˗gɛn ˗yö ˗gban, ˈyö ꞊faan nu kwa ˗dhɛ kö ˈkwa bɔ kwa ˗bha ˈwɔn ˈˈgbɩɩ˗ ˗nu ˈwo ꞊dɛɛ ˗an ˈgü zuʋ̈saadhɛ ˈka.​—Wlɔ 8:19-21.

˗BHÖ VIDEO ALORS QUE LA TEMPETE APPROCHE, CONCENTREZ˗VOUS SUR JESUS ! LES FUTURS BIENFAITS DU ROYAUME ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Mɛnbhɩɩdhe ˗nu ˗wa bhɔ ˗Zlan ˈka ꞊gblɛɛn ˗kɔ ˗kë ꞊dhɛ? ꞊Trɔɔn ˗mɛɛn ˈö go˗ ˈgü?

• ˗Dhɛkpaɔ dhiʋ̈ˈˈ suu ˗mɛɛn ˈö ˈˈɲan ˈto ˗ni ˈgü mɛn ˗nu ˈwo dho ˗klu ˗Zlan ˗bha ˗an ˗gɔ?

• ˗Mën ˈö dho nu ˗dhɛkpaɔ dhiʋ̈ˈˈ ˗së bhë ˗a ˈka?

• ˈWɔn ˗së ˗mɛɛn ˈö dho kë ꞊bhɔɔ ˈˈsɛ ˗ta ˈö ü ˈˈɲan ˈdhö ˗a ˗gɔ?