KWA ˗BHA ˗KË KLETIƐN ˈKA ˗SÜ
ˈNënmɛn ˗nu, ˗ka ˗gleŋ ˗da kaa ˈnën ˗nu ˗bha
ˈˈKpɔnŋtaadhɛ ˈö ˈkwa˗ ˈgü yö, ˈwɔn yaa ˗ya kë ˈwɔn ˗së ˈka, ˈyö ˈwɔn ˗së ˗ya kë ˈwɔn yaa ˈka. (Is 5:20) Mɛn ˈbhaa ˗nu ˗wo pë ˗nu ˈö˗ ˗an ˗san ˗yö Zoova ˗kë ˗an ˗kë. Gɔɔn˗ waa gɔɔn˗ ɛɛnˈˈ dhebɔ waa dhebɔ ˗wo trʋʋˈˈ ˈyaa ˗kë wo ˈko ˈka. Kwaa ˈnën ˗nu ˈwo ꞊klaŋplöö ˗an ˈˈtɛɛbɔ ˗nu ɛɛnˈˈ mɛn ˈˈwɛɛ ˗nu ꞊mɔɔn˗ ˗bha ˈwo ˈˈgbɩɩdhɛ ˗wɔ ˗an ˗ta kö ˗wa kë ꞊dhɛ ˗an ˈdhö. ˗Dhɛ ˈö ˈˈdhʋ̈, kwa ˗dho kwa ˗bha ˈnën ˗nu ˗takun ˗kɔ ˗kë ꞊dhɛ kö ˗wo bɔ ˈgüdandhe suu ˗nu ˈwo ˈˈdhʋ̈ ˗an ˈgü?
˗Kwa Zoova ˗bha ˈtɔŋ˗ ˗nu ˗zɔn ˗an ˗dhɛ. (Lv 18:3) Pë ˈö Biblö ˗ya pö ˈö ˗gban mɛn ˗nu ˈö ˗an dua ˈdhö ˗mü kö ˗an ˗bha sɛɛˈˈ kë do ˗an ˗bha, ˗a ˗dhɛ ˈö ˗bɛ ˗an ˗kwɛ ˗bha, ˗kwaa ˗zɔn ˗an ˗dhɛ. (Dt 6:7) ˗Kwa kwa ˗de dhɛɛˈˈ ˈkpɔ: ‹ˈWɔn ˈö ˗gban ˗dhɔ ˗zɔn ˗kɔ waa sɔ ˗da ˗kɔ ˗së ˗nu ˗bha, ˈman ˗an ˗zɔn n man ˈnën ˗nu ˗dhɛ ˗ee? ꞊Ya ˈgo mü ˈzü ˈman˗ pö ˗an ˗dhɛ ꞊dhɛ mɛn ˈbha dua ˈyaa ˗mü kö ˗yö trʋʋˈˈ kë ˗an ˗dhɛ ˈbha ˗nu ˈka ˗ee? Mɛn ˈbha ꞊yaa˗ pö ö mɛn ˈkpee˗ ˈˈbin ˗zɔn man ˈnën ˗nu ˗dhɛ ɛɛnˈˈ ꞊yaa˗ pö ˗wo pë ˈbha ˈö ˈyaa Zoova ˗dhɛ ˗së ˗a kë, ˈpë ˈwo dho ˗a kë ˈman ˗an ˗zɔn ˗an ˗dhɛ ˗ee?› Pë ˗nu ˈwo dho ˗an kë, ˈkwa˗ ˗gleŋ ˗da ˗an ˗bha, ˗yö ˗dho ˗an ˗takun ˈö ˗an ˗kɔ ˈyaa ˗da ˈwɔn yaa ˈgü. (Pr 27:12; Ec 7:12) ˈKwa ˗gleŋ ˗da kwaa ˈnën ˗nu ˗bha, kwa˗ ˗zɔn ꞊dhɛ ˈˈkɛnŋpë ˗së ˈö Zoova ˗ya nu kwa ˗dhɛ bhë, ˗a ˗dhɔ ˗yö kwa ˗kë.—Ps 127:3.
˗BHÖ VIDEO ˈKƆ ˈÖ KA˗ DƆ ˈÖ ˗DHO ꞊GWËË˗, ˗KAA DƆ: ˗KA KA ˗ZOTO KA ˗BHA ˈNËN ˗NU ˈˈPIƲ̈ ‹ˈWƆN YAA› ˗GƆ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈMën ˗kë ˈö ˈnënmɛn ˈbhaa ˗nu ˈwaa ˈˈwɩ˗ ˗bha kö ˈwɔn ˈö ˗gban dhe waa ö ˗gɔn ˗an ˗bha sɛɛˈˈ ˗kë do ˗sü ˗bha bhë ˗wa ˗wɔn blɛɛˈˈ wo ˗bha ˈnën ˗nu ˗dhɛ?
-
ˈMën ˗kë ˈö ˈnënmɛn ˗nu dua ˈdhö ˗mü kö ˗wo wo ˗bha ˈnën ˗nu ‹draanˈˈ ˈˈta ˗sü Zoova ˗bha zian ˗ta ˗sü ˗bha, kö ˗wa ˗nu ꞊klaŋ kë ˗a ˗wʋ ˈka?›—Ef 6:4
-
ˈWɔndɔdhe ˗yö mɛn ˗takun.
˗Mën ˈö Zoova ˗bha ˗kɔlokota ˈö˗ ˗pëkë ˗sü ˈka kö ˗yö ˈnënmɛn ˗nu ˗takun kö ˈwɔn ˈö ˗gban dhe waa ö ˗gɔn ˗an ˗bha sɛɛˈˈ ˗kë do ˗sü ˗bha, ˗wa ˗wɔn blɛɛˈˈ wo ˗bha ˈnën ˗nu ˗dhɛ?—w19.05-F 12, ˈkɔnën
-
ˈMën ˗kë ˈö ˈnënmɛn ˗nu dua ˈdhö ˗mü kö ˗wo ˈˈdoo dɔ yi ꞊gban ˈka wo ˗bha ˈnën ˗nu ˈˈpiʋ̈, ˈö ˗an dua ˈyaa ˗mü kö ˗wo dɔ kö ˗an ˗gɛn ˗yö ˗da ˈwɔn yaa ˈgü ꞊köŋ?
