Ü ˗BHA ˗ZLANWOPÖSÜ ˈKUN ˈˈGBƖƖ˗ | ˗KWA KWA ˗BHA ZUƲ̈GBLÜDHI ˗DADHIƲ̈ ˗ZLANWOPÖDHƐ ˈGÜ
˗Kwa kwa ˗bha Biblö ꞊klaŋnën ˗nu ˗takun kö ˗wo ˈˈkan këkɔyaamɛn ˗nu ˗bha
Kwa ˗bha Biblö ꞊klaŋnën ˗nu ˈwo˗ ˈˈpiʋ̈ kö ˗wo ꞊ɲɔɔn Zoova ˗bha, ˗an dua ˗mü kö ˗wo wo ˗kɔ ˈˈyɛ ˗së ˈka ˗an ˈˈtayoo ˗nu ˗bha. (Ps 15:1, 4) ˈˈTɔŋdë ˗së ˗nu ꞊mɔɔn˗ ˗bha ˈwo ˗an ˗takun ˈwɔn ˗së kë ˗sü ˗bha.—Pr 13:20; lff ˈwɔn ˗gɔ 48.
ˈKwa kwa ˗bha Biblö ꞊klaŋ ˗nu ˗takun ˗ni ˈgü kö ˗wo ˈˈkan këkɔyaamɛn ˗nu ˗bha, ˗kwa kwa ˗de ˗ya ˗an ꞊duɛ ˈgü. ˗Kan ˗an ˈˈtɔŋdë ˗nu ˈö ˈwaa Zoova ˗dhɔkë ˗an ˗bha ˗sü ꞊mɔɔn˗ ˗bha ˈö ˗kë ˈˈgbɩɩ˗. ˗A ˗wɔn ˈgü ꞊ya ˈgo Biblö ˗zɔn ˗an ˗dhɛ ˗sü ˈgü, ˗kwa kwa ˈˈtʋ̈ŋ ꞊dede kë ˗an ˈgü. ˗Kwa nɔɔn˗ bɔ ˗an ˗dhɛ, ˈkwa ˗an ˗dhɛ ɛɛnˈˈ ˈzü ˈkwa ˗wo ˗an ˗dhɛ. Kwa ˗bha Biblö ꞊klaŋ ˗nu ˗gɛn ˈö ˈdho ˗ni ˈgü ˈˈdhiʋ̈, kwaa ˗Zlan ˗dhɔkëmɛn ˈˈwɛɛ ˗nu ˈkwa trʋʋˈˈ kë ˗ni ˈgü, kwa ꞊mɔɔn˗ ˗bha ˈkwa ˗an ˗dhɛ. ꞊Ya kë ˈˈdhʋ̈, ˗wo ˗dho ˗a yö ꞊dhɛ ˈˈtɔŋdë ˗dɛɛ ˗nu ˈwo ˗an ꞊slɔɔ ˗ni ˈgü bhë ˗wo ˗së ˈö ˈwo ꞊va ˗a mɛn ˗dhɛ ˗nu ˈwo ˈˈkan ˗ni ˈgü ˗an ˗bha bhë, ˗an ˗ta. (Mk 10:29, 30) ˈKwa Zoova ˗bha ˈkɔdhigümɛn ˗nu yö kö ˗wo ˗da ˗ni ˈgü˗ ˈˈdhiʋ̈, kwa ˗bha zuʋ̈gblüdhi ˗dho ˗dadhiʋ̈.
˗BHÖ VIDEO ˗BHÖ Ü ˗BHA BIBLÖ ꞊KLAŊNËN ˗NU ˗TAKUN KÖ ˗WO ˈˈKAN KËKƆYAAMƐN ˗NU ˗BHA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
De ˗nu ˈwo ˗tɔ ˈˈtɔŋdë yaa ˗nu? (1Ko 15:33)
-
ˈˈSënŋ ˗bhaa ˈgü ˗kë kletiɛn ˗nu ˗zinŋ ˈgü ˗sü ˗dho kë ˗kɔ ˗kë ꞊dhɛ?
-
Nita ˗yö ˈˈSënŋ ˗takun ˗kɔ ˗kë ꞊dhɛ kö ˗yö ˈˈtɔŋdë ˗dɛɛ ˗nu ꞊slɔɔ?
