˗Kwɛ ꞊gban ˈka Zoova ˗bha ꞊Gbɛkiö ˗nu ˈˈɲan ˗yö ˗zo ˗bo ˈwlaan˗ ˗gɔ kö ˗wa kë wo ˈkwëë˗. ˈˈSanni ˗a yi ˗yö ꞊loo, ꞊ya ˈgo mü ˈzü ꞊ya ɲën, kwa bɔ pë suu ꞊gban ˗ta kö ˈkwa Zoova ˈtɔ bhɔ, ˈkwa˗ ˈˈnuɛ bho gbɔɔdhe ˈö ˗kë ˗gɔtadhɔpë ˈka bhë, ˗a ˗wɔn ˈgü. (Ef 1:3, 7) ˗A ˈwɔnzuan ˈö ˈdhö ˈyö ˗tɔ kwa kwa ˈgü dɔ ˈˈgbɩɩ˗ ˈkwa mɛn ˗nu ˗dhɛ ˗zo ˗bo ˈwlaan˗ ˗ta. Kwa kpö ˈgü mɛn ˈbha ˗nu ˗wo ˗de ˗baa ˈö ˈwo ˗kë ˗yödhiʋ̈ ˗kɔ ꞊löö ˈka kö ˗wo ˗zlanwopö ˈˈlɛlɛ 30 ɛɛnˈˈ 50 ˈˈpiʋ̈ Masö ɛɛnˈˈ ˈzü Avlidhö ˈˈsu ˈgü. ˈˈTʋ̈ŋ ˈkwa˗ kë ˗zlanwopösü ˈgü bhë, kwa˗ ˈˈpiʋ̈ kö ˈkwa˗ ˗dadhiʋ̈ ˗zo ˗bo ˈwlaan˗ ˈˈtʋ̈ŋ ˈka ˗ee? ˈMën ˗dho kwa ˗takun ˗a kë ˈˈdhʋ̈ ˗sü ˗bha?

꞊Ya kë ꞊shiöŋ ˈkwa ˈˈtʋ̈ŋ ˈto ˈˈdhiʋ̈ ˈkwa ˈwɔn ˗nu ˗yaki ˗ya, kwa ˗kɔ ˗yö ˗mɔɔn ˈwɔn ꞊va kë ˗sü ˗bha. (Pr 21:5) ˗Dhɛ ˈö ˗kë ꞊dhɛ ˗zo ˗bo ˈwlaan˗ ˈˈtʋ̈ŋ ˗wo ˗ni ˈgü ˗biata bhë, kwa ˗de baaˈˈ ˗sü ˈˈtʋ̈ŋ ꞊nɛɛn. ˗Kɔ ˈö ˈkwa ˗dho kwa ˗bha ˗zlanwopösü ˗dadhiʋ̈ ˗a ˈka ˗zo ˗bo ˈwlaan˗ ˈˈtʋ̈ŋ ˈka, waa ˈpë ˈkwa dho ˗a kë kö kwa ˗kɔ ˗yö ꞊mɔɔn˗ ˗bha, ˗kwa kwa ˗zota ˗a ˈgü. ˗Yö ˗kwa bhɛɛˈˈ Zoova ˗dhɛ kö ˗yö ˈdhuëë˗ ˈkpɔ kwa ˗bha ˈgüdɔgbɩɩsü ˗bha.—1Zn 5:14, 15.

˗Kɔ ˈü dho ü ˗bha ˗zlanwopösü ˗dadhiʋ̈ ˗a ˈka ˗zo ˗bo ˈwlaan˗ ˈˈtʋ̈ŋ ˈka, ˈbha ü ˗zota ˗a ˗kɔ ˈbha ˈgü ˗ee?