KWA ˗BHA ˗KË KLETIƐN ˈKA ˗SÜ
ˈˈSanni ˗wo ˈdho kwa ˈka ꞊dhɔtrɔɔplöö ˈˈvaandhö, ˗kwa kë baaˈˈ ˗sü ˈka
ˈMën ˗kë ˈkwa dho kwa ˗de baaˈˈ? ˈˈYua ɛɛnˈˈ pë ˗nu ˈwo ꞊mɔɔn˗ ˗bha ˈwo dho kwa ˈka ꞊dhɔtrɔɔplöö ˈˈvaandhö ˗wo ꞊mɔɔn˗ ˗bha ˈwo ˗kan mɛn ꞊gban kwa ˈgü. ˗Dhɛ ˈö ˈˈdhʋ̈ ˗kwa pë ˈˈpɛpɛ ˈö kwa ˗kɔ ˗yö ꞊mɔɔn˗ ˗bha ˗a ˗kë ˈˈtʋ̈ŋ yö˗ ˈgü kö pë ˗nu ˈwo ꞊mɔɔn˗ ˗bha ˈwo kwa ˗takun kö ˗wo kwa ˈˈdhɛkë ˗së ˈka, ˈkwa˗ ꞊slɔɔ. ˈKwa˗ ˗kë ˈˈdhʋ̈, kwa˗ ˗zɔn ꞊dhɛ ˗tosɛta waa Zoova ˗bha ˈtɔŋ˗ ˈö ˗gban ꞊ɲɔɔn ˗wɔn ˗bha bhë ˗an ꞊bhlëë ˗yö kwa ˗gɔ.—Kë 15:28, 29.
ˈMën ˈkwa ꞊mɔɔn˗ ˗bha ˈkwa˗ ˗kë kö ˈkwa kwa ˗de baaˈˈ?
-
˗Kwa bhɛɛˈˈ kö ˈkwa kwa ˗bha ꞊ɲɔɔn ˈsëëdhɛ ɛɛnˈˈ Instructions médicales/DPA ˈˈdhiʋ̈ pa ˗së ˈka. a ˗Zlanwopömɛn ˗nu ˈö ˗wa bɔ ˈˈyi ꞊bhaa ˗wo ꞊mɔɔn˗ ˗bha ˈwo˗ ꞊slɔɔ kwa ꞊dhegblü ˗nu ˈwo ˈsëëdhɛ nu mɛn ˗dhɛ ˗zlanwokɔdhi ˈgü ˗an ˈˈpiʋ̈. ˗Wo ꞊mɔɔn˗ ˗bha ˈpö ˈwo Carte d’identité (ic) ˗dhɛ ˗an ˗gɔ wo ˗bha ˈnën ˈsɛɛn˗ ˗nu ˗bhaa ˈka.
-
꞊Ya kë ꞊dhɛ ꞊gweedhe ˗mü ü ˈka, ˗a pö mɛn zii ˗nu ˗dhɛ kö ˗wo Informations pour les femmes enceintes (S-401) do nu ü ˗dhɛ. ˈWɔn ˈbha ꞊ya kë ü ˈgu waa ü bɔ bho ˈˈtʋ̈ŋ ˈka, ˈsëëdhɛ bhë ꞊mɔɔn˗ ˗bha ˈö ü ˗takun kö ˈü ˗da ˈwɔn ˗së ˗ʒian ˗ta.
-
꞊Ya kë ꞊dhɛ kwa ˈˈdhɛkëkɔ ˈbha ˗yö ˗gban ꞊ɲɔɔn ˗wɔn ˗bha ɛɛnˈˈ ꞊waa˗ pö kwa ˗wɔ ꞊dhɔtrɔɔplöö, ˗kwaa yi ˈto ˈˈdhiʋ̈ kö ˈkwa mɛn zii ˗nu ꞊kpɔɔ. ˈGo mü ˈzü ˗kwaa pö ꞊dhɔtrɔɔ˗ ˗nu ˗dhɛ ꞊dhɛ Zoova ˗bha ꞊Gbɛkiö do ˗dho nu ˗wo kwa ˗dhɛ.
Mɛn zii ˗nu ꞊mɔɔn˗ ˗bha ˈwo kwa ˗takun ˗kɔ ˗kë ꞊dhɛ? ˗Wo ꞊mɔɔn˗ ˗bha ˈwo kwa ˗takun kwa ˗bha ˈkatö DPA ˈˈdhiʋ̈ pa ˗sü ˗bha. ˈˈKɛɛ mɛn zii ˗nu ˈwaa ꞊mɔɔn˗ ˗bha kö ˈwɔn ˈö ˗gban mɛn ˈö ˈˈdhʋ̈ ˗a ˗bha, ˗wo ˗da ˗a ˗ʒian ˗ta kwa ˗dhɛ ɛɛnˈˈ kö ˗wo wo ˗de ˗bha ˈwɔn yö ˗kɔ ˗nu bɔ ˈˈdhiʋ̈. (Wlɔ 14:12; Ga 6:5) ˈKwa˗ pö mɛn zii ˗nu ˗dhɛ ꞊dhɛ kwa ˈˈdhɛkëkɔ ˈbha ˗yö ˗gban ꞊ɲɔɔn ˗wɔn ˗bha, ˗wo ˗dho kwa ˈˈdhɛkësü ˈwɔnyëë˗ ˗nu (CLH) ˗dhɛ ˈˈvaandhö kwa ˗bhaa ˈka.
CLH ˗nu ꞊mɔɔn˗ ˗bha ˈö ˈwo kwa ˗takun ˗kɔ ˗kë ꞊dhɛ? ˗Wo kwa ꞊dhegblü ˗nu ˈwo CLH ˈgü ˗an ˗kian ˗sü ˈka kö ˗wo ꞊dhɔtrɔɔ˗ ˗nu waa zakanmɛn ˗nu ˗takun kö kwa ˗bha ˈwɔn yö ˗kɔ ˗nu ˈö ˗gban ꞊ɲɔɔn ˗wɔn ˗bha kwa ˗bha ˗zlanwo ˈkosɔn, ˗wa ˈgüman kwa ˗gɔ. ˗Wo ꞊mɔɔn˗ ˗bha ˈwo ˈˈdoo dɔ kwa ˗bha ꞊dhɔtrɔɔ˗ ˗nu ˈˈpiʋ̈ kö ˈpë ˈwo ˗dho ˗a kë kö ˈwa ˈdho ꞊ɲɔɔn nu kwa ˗dhɛ, ˈwo˗ dɔ. ˗A ˗dhɛ ꞊ya kë˗ ˗bha ˈwo ꞊mɔɔn˗ ˗bha ˈwo ꞊dhɔtrɔɔ˗ ˈö ˗dho ˈwɔn ˈgüman kwa ˗gɔ ˗a ꞊mɛɛn kwa ˗dhɛ.
˗BHÖ VIDEO MƐN ˈˈDHEKËSÜ ˈÖ ˗GBAN ꞊ƝƆƆN ˗BHA, ˗KWA KWA ˗KƆ ˈˈYƐ ˗A ˗SË ˗BHA! ˗GA. ꞊YA ƝËN, DHƐƐˈˈ ˈÖ YÖ ˗BHÖ ˗A ˗YƆ BƆ:
-
ˈMën ˈka˗ ꞊draan video bhë ˗a ˈgü ˈö ꞊mɔɔn˗ ˗bha ˈö ka ˗takun kö ˈka ka ˗de baaˈˈ?
a ˈSëëdhɛ ˗be Zuʋ̈gblüdhi ꞊slɔɔ ˗toëpö ˈka! ˈwɔn ˗gɔ 39 ꞊mɔɔn˗ ˗bha ˈö kwa ˗takun kö ˈpë ˈkwa dho ˗a kë kwa ˈˈdhɛkëkɔ ˈbha ˈö ˗gban ꞊ɲɔɔn ˗wɔn ˗bha ˗a ˈgü, ˈkwa˗ dɔ.
