ˈGüdɔgbɩɩsü
Zoova ˗dhɔkëmɛn ˗nu ˗bhawɔn ˈgüdɔgbɩɩsü ˗bha ˗ee?
1Ko 13:4, 7; 1Ti 6:11; 2P 1:5, 6
Kwa˗ ˈwɔn ˗dɔ ˗kɔ ˗kë ꞊dhɛ ꞊dhɛ mɛn ˈbha ˗nu ˈwii ˈdho wo ˈˈtʋ ˈto kwa ˗bha nɔɔn˗ ˗bha ɛɛnˈˈ ˗wo ˗dho ˗gban kwa ˗gɔ?
Mt 10:22; Zn 15:18, 19; 2Ko 6:4, 5
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
2P 2:5; ˈWn 7:23; Mt 24:37-39—ˈKö ˗kë ꞊dhɛ Noe ˗kun «˗Zlan ˗bha zian ˈö pö ˈaa˗ ˗bha bha˗ ˗zɔn mɛ ˗nu ˗dhɛ ˗mɛ ˈka,» mɛn ˗nu ˈwii wo ˈˈtʋ ˈto ˗a ˗bha. ˗A ˗wɔn ˈgü ˗a ˗bha ˈkɔdhigümɛn ˗nu dosɛnŋ ˈnën ˈwo dha.
-
2Ti 3:10-14—Bɔmɛn Pɔdhö ˗yö ˗bɔ ö ˗de ˗bha ˈgüdɔgbɩɩsü ˈwɔnzuan ˗ta ˈö Timote ꞊faan mën kö ˗yö bɔ ˈˈwɔn ˈgbɩɩ˗ ˗nu ˈgü ˈpö zuʋ̈saadhɛ ˈka.
-
Kwa ˗bha ˈkɔdhigümɛn ˗nu ˗wa ˗gban kwa ˗gɔ, ˈmën ˗kë ˈö˗ ˗wɔn ˈyaa kwa ˈkun?
Mt 10:22, 36-38; Dk 21:16-19
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 4:3-11; 1Zn 3:11, 12—˗Dhɛ ˈö ˗kë ꞊dhɛ Kaɛn këwɔn ˗kun ˈya˗ bhë, ˗yö ö ꞊dhegblü ˗zë. ˈˈKɛɛ ˈkö Abɛdhö ˗zë, pö ˈaa kun˗ ˗bha.
-
ˈWn 37:5-8, 18-28—Zozɛfö ꞊dhegblü ˗nu ˗wa ˗kun ˈö ˈwo ˈˈdhoo dɔ ˈyö ˗tɔ ꞊dhɛ pë ˈö Zoova ˗ya ˗zɔn ˗a ˗dhɛ ˈˈɲɛɛn ˈgü bhë, ˗ya ˗blɛɛ ˗an ˗dhɛ.
-
ˈWo kwa ˈˈklʋʋ bhɔ ˗ni ˈgü, ˈmën ˗kë ˈö kwa dua ˈyaa ˗mü kö ˈkwa ˈˈsuʋ̈ ga ˗gɔ?
Mt 10:28; 2Ti 4:6, 7
Kpɔɔˈˈ ˈzü ˗Dh 2:10 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dn 3:1-6, 13-18—Shadrakö, Meshakö waa Abɛdönego ˈwii ˈˈwɩ˗ ˗bha kö ˗wo ꞊geebɔ ˗nu ˗dhɔkë ˈkö ˗kë ꞊dhɛ ˗gblüdë ˗ya ˗pö ˗an ˗dhɛ ꞊dhɛ ˈwii˗ kë ˈˈdhʋ̈ ˗yö ˗dho ˗an zë.
-
Kë 5:27-29, 33, 40-42—Bɔmɛn nu ˗wo wo ˈgü ˗dɔ ˈˈgbɩɩ˗ ˈwo dho ˗zlanwopösü ˈka ˈˈdhiʋ̈ ˈkö ˗kë ꞊dhɛ mɛn ˈbha ˗nu ˗wa ˗pö ꞊dhɛ ˗wo ˗dho ˗an zë ˗a ˗wɔn ˈgü.
-
꞊Ya kë ꞊dhɛ ˗wa ˗dhioo dɔ kwa ˗ta, ˈmën ˗dho kwa ˗takun kö ˈkwa ˈto ˗klu ˗sü ˈka Zoova ˗bha?
Pr 3:11, 12; Eb 12:5-7
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Nb 20:9-12; Dt 3:23-28; 31:7, 8—˗Dhɛ ˈö Zoova ˗yö ˗dhioo dɔ Moizö ˗ta, ˈkö ˗kë ꞊dhɛ Moizö ˈgü ˗yö ga ˈnënbhawo, ˈyii ˈˈkan ˗a ˗dhɔkë ˗sü ˗bha.
-
2R 20:12-18; 2Ch 32:24-26—˗Dhɛ ˈö ˗gblüdë Ezekiasö ˗yö ˈwɔn yaa ˗kë ˈö Zoova ˗wodhiʋ̈lomɛn ˗yö ˗dhioo ˗dɔ ˗a ˗ta, ˗yö ö ˗de ˗kë ˈˈtɩtɩ ˈö dho Zoova ˗dhɔkë ˗sü ˈka ˈˈdhiʋ̈.
-
Mɛn ˈˈwɛɛ ˗nu ˗wa ˈˈkan Zoova ˗bha, ˈmën ˗kë ˈö ˗dho Zoova ˗dhɔkësü ˈka ˈˈdhiʋ̈ ˗sü ˈö ꞊mɔɔn˗ ˗bha ˈö ˗kë kwa ˗gɔ ˈˈgbɩɩ˗?
Jr 1:16-19; Hab 1:2-4
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Ps 73:2-24—˗Dhɛ ˈö Psaume ˗bɛnzëmɛn bhë ˈö˗ yö ꞊dhɛ ˈwɔnyaakëmɛn ˗nu ˗wo zuʋ̈gblüdhi ˈgü, ˗yö ö ˗de dhɛɛˈˈ ˗kpɔ ꞊ya kë ꞊dhɛ ˗a ˗dhɛ ˗ya ˗bha kö ˗yö ˈdho Zoova ˗dhɔkësü ˈka ˈˈdhiʋ̈.
-
Zn 6:60-62, 66-68—ˈKö ˗kë ꞊dhɛ mɛn ꞊vadhɛ ˗wo ˗kan Yesu ˗bha, bɔmɛn Piɛdhö ˗bha ˗zoyödhe ˗ya ˗blü ˈö to Yesu ꞊keŋ˗.
-
ˈMën ˗dho kwa ˗takun kö ˈkwa bɔ ˈwɔn ˈˈgbɩɩ˗ ˗nu ˈgü zuʋ̈saadhɛ ˈka?
˗Kwa ˈto ˗klu ˗sü ˈka Zoova ˗bha
Dt 30:19, 20; Wlɔ 15:5, 6; 1Ko 10:13
˗Kwa Biblö ˗wo pö kö ˈkwa kwa ˗zota ˗a ˈgü
Ec 7:12; Wlɔ 15:4; Ko 1:10, 11; 2P 3:15-18
˗Kwa bhɛɛˈˈ Zoova ˗dhɛ zoodhö zoodhö kö ˈkwa kwa zuʋ̈piʋ̈wɔn ˗nu pö ˗a ˗dhɛ
Wlɔ 12:12; Ko 4:2; 1P 4:7
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dn 6:4-11—˗Zlan ˗wodhiʋ̈lomɛn Daniɛdhö ˗yö ˗bhɛɛ ˗kplawo ˗Zlan ˗dhɛ, ˈkö ˗kë ꞊dhɛ ˗wo ꞊mɔɔn˗ ˗bha ˗be kö ˗wa zë ˗a ˗wɔn ˈgü.
-
Mt 26:36-46; Eb 5:7—Gbeŋ ˗totaabhasü ˈö Yesu ˗ya ˗kë ˈˈsɛ ˗ta, ˗yö ˗bhɛɛ ö zuʋ̈ˈˈ ꞊gban ˈka, ˈö mɛn ˈˈwɛɛ ˗nu ˗blü ˈpö ˗a ˗kë ˈˈdhʋ̈ ˗sü ˗bha.
-
˗Kwa kpa kwa ꞊dhegblü ˗nu ˗bha zoodhö zoodhö kö ˈkwa ˗Zlan ˗dhɔkë
Wlɔ 1:11, 12; Eb 10:23-25
˗Kwa kwa ˈˈɲan ˗klu kwa ꞊saan ˈö Zoova dho ˗a nu kwa ˗dhɛ ˗a ˗bha
Wlɔ 8:25; 1Te 1:3; Eb 11:6; 12:1, 2
˗Kwa Zoova waa kwa ꞊dhegblü ˗nu ˗dhɔ ˈö kwa ˈgü ˗a ˗gɛn ˗gban
Mt 6:33; 1Ko 13:4-7; 1Te 3:12, 13; 1Zn 4:18, 19
˗Kwa kwa ˗bha ˗zoyödhe ˗gɛn ˗gban
Ef 6:16; 1Zn 5:4; Zd 20, 21
˗Kwa kwa ˗bha ˈwɔn ˈˈgbɩɩ˗ ˗nu yö ˗kɔ ˗së kë
Kë 5:40, 41; Zk 1:2-4; 1P 3:14; 4:14, 16
˗Bɔ ˈwɔn ˈˈgbɩɩ˗ ˗nu ˈgü ˗sü ˈö zuʋ̈saadhɛ ˈka ꞊trɔɔn ˈbha ˗nu ˈnën ˈwo ˗tɔ ˗mën?
Kwa Zoova ˗Zlan ˈtɔ ˗bhɔ
Pr 27:11; Zn 15:7, 8; 1P 1:6, 7
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Jb 1:6-12; 2:3-5—Sɔtraan ˗ya ˗pö Zoova ˗dhɛ ꞊dhɛ Zɔbö ˗yö kpɛnŋdhö ˈyö ˗tɔ ꞊dhɛ Zoova ˗yö ö ˗kɔ ˗kpa ˗a ˗ta. ˗A ˗dhɛ ˗kun ˗a ˗bha kö Zɔbö ˗yö ˈto kpɛnŋdhö kö ˗ya ˗zɔn ꞊dhɛ ꞊sua ˗mü.
-
Wlɔ 5:19; 1P 1:20, 21—˗A kë ˗sü kö Yesu ˗yö ˈto ˗klu ˗sü ˈka ˗Zlan ˗bha ˗yö yö˗ ˈka ˗a ga ˗yi ˗bha bhë, ˗yö dhɛɛˈˈ ˈö ˗kë: «Mɛn ˈˈslʋ̈ʋ̈slʋ̈ ꞊mɔɔn˗ ˗bha ˈö ˈwɔn ˈö Adan ˈyii ꞊mɔɔn ˗a bun ˗sü ˗bha bhë, ˗a bun ˗ee?» ˈka bhë, ˗a ˗yɔ ˗bɔ.
-
Kwa mɛn ˈˈwɛɛ ˗nu ˗takun ˈö ˈwo bɔ ˈpö ˈwɔn ˈˈgbɩɩ˗ ˗nu ˈgü zuʋ̈saadhɛ ˈka
Fdh 1:13, 14; Zk 5:10, 11
Kwa ˗bha ˈgüdɔgbɩɩsü kwa ˗takun ˗zlanwopödhɛ ˈgü
Ec 11:6; Dk 8:15; 2P 1:5-8
Kwa ˈˈdhia ˗yö ˗mën Zoova ˈgü ˈö ˈdhuëë˗ kpɔ kwa ˗bha