ˈWɔn ˗man mɛn ˗ta ˗sü
ˈWɔn ˗man mɛn ˗ta ˗sü ˗wɔn ˗yö ˈˈgbɩɩ˗ ˗kɔ ˗kë ꞊dhɛ?
Ex 19:5; Dt 10:12, 13; Ec 12:13; Zk 1:22
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 15:17-23—˗Dhɛ ˈö ˗gblüdë Saidhö ˗yö Zoova ˗bha ˈtɔŋ˗ ꞊lögü, ˗Zlan ˗wodhiʋ̈lomɛn Samiɛ ˗yö ˗dhioo ˗dɔ ˗a ˗ta, ˈö˗ ˗zɔn ꞊dhɛ ˈwɔn ˗man Zoova ˗ta ˗sü ˗yö ˗së ˈö ˗ʒiö pë ꞊gban ˈˈpɛpɛ ˗ta.
-
Eb 5:7-10—ˈKö ˗kë ꞊dhɛ Yesu ˗kun ˈˈslʋ̈ʋ̈slʋ̈, ˗yö ˈwɔn ˗man ö Dë ˗ta ˗sü ˗draan ˈwɔn ˈˈgbɩɩ˗ ˗nu ˈgü ˈˈsɛ ˗ta.
-
ˈˈSɛgɔdhiʋ̈mɛn ˗nu ꞊waa˗ pö kletiɛn ˈbha ˗dhɛ ˗yö ˗Zlan ˗bha ˈtɔŋ˗ ꞊lögü, ˗mën ˈö˗ dua ˈdhö ˗mü kö ˗ya kë?
Kë 5:29
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dn 3:13-18—Eblö ˈnën ˗nu ˗yaaga ˈö ˈwo kun ˗klu ˗sü ˈka ˗Zlan ˗bha ˈwii ˈˈwɩ˗ ˗bha kö ˗wo ˈˈgblëënnu pë ˈˈbin ˈö ˗gblüdë Nabukodonozɔ ˗ya pë ˗kë bhë ˗a ˈˈdhiʋ̈, ˈkö ˗kë ꞊dhɛ ˗wo ꞊mɔɔn˗ ˗bha kö ˗wo ˗an zë ˗a ˗wɔn ˈgü.
-
Mt 22:15-22—Yesu ˗ya ˗pö ꞊dhɛ ˗a ˗bha gwëëˈˈ ˗nu ˗wo ˈwɔn ˗man ˈˈsɛgɔdhiʋ̈mɛn ˗nu ˗ta. ˈˈKɛɛ ꞊ya kë ꞊dhɛ ˈˈsɛgɔdhiʋ̈mɛn ˗nu ˗wa pö ˗an ˗dhɛ ˗wo ˗Zlan ˗bha ˈtɔŋ˗ ˈbha ꞊lögü, ˗wo ˗kɔ.
-
Kë 4:18-31—Yesu ˗bha gwëëˈˈ ˗nu ˗wo ˗dho ˗zlanwopö ˗sü ˈka ˈˈdhiʋ̈ wo ꞊faan ˈka ˈkö ˗kë ꞊dhɛ ˈˈsɛgɔdhiʋ̈mɛn ˗nu ˗wa ˗pö ˗an ˗dhɛ ˗wo ˗a ˈduannu.
-
˗Mën ˈö dho kwa ˗takun kö ˈkwa Zoova ˗bha ˈtɔŋ˗ ˗nu ˗ya ꞊bhlëë ˈgü ˈˈtʋ̈ŋ ꞊gban ˈka?
Dt 6:1-5; Ps 112:1; 1Zn 5:2, 3
Kpɔɔˈˈ ˈzü Ps 119:11, 112; Wlɔ 6:17 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Esd 7:7-10—꞊Saabhomɛn Ɛdrasö ˗yö ö zuʋ̈ˈˈ ˗baa kë ˈˈdhʋ̈ kö ˗yö ˈwɔnzuan ˗së ˗zɔn ˈwɔn ˈö ˗gban ˗Zlan ˗bha ˈtɔŋ˗ ˗nu ꞊bhlëë ˗ya ˗sü waa˗ mɛn ˗nu ꞊klaŋ ˗kë ˗a ˈka ˗sü ˗bha, ˗an ˈgü.
-
Zn 14:31—Yesu ˗yö ˈpë ˗kë ˈö pë ˈˈpɛpɛ ˈö˗ Dë ˗ya pö ˗a ˗dhɛ ˗ya kë, ˈö˗ ˗kë ˈkpakpadhö bhë, ˗a ˗pö.
-
˗Mën ˈö ˗dho kwa ˗blü kö ˈkwa ˈwɔn man Zoova waa Yesu ˗an ˗ta?
Zn 14:21; 1Zn 2:5; 2Zn 6
Kwa ˗bha ˈwɔn ˗man ˗Zlan ˗ta ˗sü ˗ya ˗zɔn ˗kɔ ˗kë ꞊dhɛ ꞊dhɛ kwa kwa ˗zoyö ˗a ˗dhɛ?
Wlɔ 1:5; 10:16, 17; Zk 2:20-23
Kpɔɔˈˈ ˈzü Dt 9:23 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 6:9-22; Eb 11:7—Noe ˗ya ˗zɔn ꞊dhɛ ˗zoyödhe ˗ya ˗gɔ ˈˈyitagɔ ˈö Zoova ˗ya pö ˗a ˗dhɛ ˗ya ˗pëkë bhë, ˗a kë ˗sü ˈka ˈkpakpadhö. ꞊Ii «ya ꞊gban ˈˈpɛpɛ ˗kë ꞊dhɛ ˗kɔ ˈö ˗Zlan ˗ya ˗gleng da˗ ˈka˗ ˗bha bha˗ ˈdhö.»
-
Eb 11:8, 9, 17—Ablaamö ˗ya ˗zɔn ꞊dhɛ ˗yö ö ˗zoyö Zoova ˗dhɛ ˈyö ˗tɔ ꞊dhɛ ˗dhɛ ˈö Zoova ˗ya pö ˗a ˗dhɛ ˗yö ˈgo ˈUu˗, ˈgo mü ˈzü ˗yö ö gbö nu ˈˈsaa˗ ˈka bhë, ˗yö ˗we ˗a ˗bha.
-
ˈKwa ˈwɔn man Zoova ˗ta, ˈdhuëë˗ ˗mɛɛn ˈö˗ kpɔ kwa ˗bha?
Jr 7:23; Mt 7:21; 1Zn 3:22
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Lv 26:3-6—Zoova ˗ya ˗pö ˗yö ˗dho ˈdhuëë˗ ˈkpɔ mɛn ˗nu ˈö ˈwo ˈwɔn man ˗a ˗ta ˗an ˗bha, ˈö ö ˗zokë ˗an ˈˈpiʋ̈.
-
Nb 13:30, 31; 14:22-24—Kalɛbö ˗yö ˈwɔn ˗man Zoova ˗ta. ˗A ˗wɔn ˈgü Zoova ˗yö ˈdhuëë˗ ˗kpɔ ˗a ˗bha.
-
ˈKwii ˈwɔn man ˗Zlan ˗ta, ˈmën dho kwa ˈˈdhiʋ̈ ꞊slɔɔ?
Wlɔ 5:19; 2Te 1:8, 9
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 2:16, 17; 3:17-19—˗Dhɛ ˈö ˗kë ꞊dhɛ Adan waa Ɛvö ˈwii ˈwɔn man Zoova ˗Zlan ˗ta bhë, ˈwii ˈto ꞊bhɔɔ ˈˈsɛ ˈgü. ˈGo mü ˈzü ˈwii ˗tosɛta kë ˈˈtʋ̈ŋ ꞊gban ˈka.
-
Dt 18:18, 19; Kë 3:12, 18, 22, 23—Zoova ˗ya to ˈˈdhiʋ̈ ˈö˗ pö ꞊dhɛ ˗a ˗Wodhiʋ̈lomɛn ˈbha ˈö ˈkpii˗ ꞊dedewo Moizö ˗ta, ˗yö ˗dho nu. ˗Ya ˗pö ˈzü ꞊dhɛ mɛn ˈö ˈyii ˈdho ˈwɔn man ˗a ˗ta, ˗yö ˗dho ˈwɔn bho ˗a ˗mɛn ˈgü.
-
Zd 6, 7—˗Zlan ˗bha ˈˈkiö ˗nu ˈö ˈwo ˗gban ˗a ˗gɔ waa Sodɔmö waa Gomɔɔ ˗mɛn ˗nu ˗wo ˈwɔn ˗shiö ꞊dedewo Zoova ˗dhɛ ˈyö ˗tɔ ꞊dhɛ ˈwii ˈto ˗a ˗bha ˈtɔŋ˗ ˗nu ˈˈpiʋ̈.
-
ˈMën ˗kë ˈö kwa dua ˈdhö ˗mü kö ˈkwa ˈwɔn man Yesu Klito ˗ta?
ˈWn 49:10; Mt 28:18
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Zn 12:46-48; 14:24—Yesu ˗ya ˗pö mɛn ˈö ˈyii ˈdho ö ˈˈtʋ kë ˗a ˗bha, ˗Zlan ˗dho ˗a ˗mɛn zë za ˈka.
-
ˈMën ˗kë ˈö kletiɛn ˗nu ˗wo wo ˗gɔ dho ˈˈshia˗ ˗maankëmɛn ˗nu ˈö ˈwo ˗zlanwokɔdhi ˈgü, ˗an ˗dhɛ?
Eb 13:17
ˈMën ˗kë ˈö gwaanbhadhe ˗nu ˈö ˈwo kletiɛn ˗nu ˈka ˈö ˗an dua ˈdhö ˗mü kö ˗wo wo ˗gɔ ˈdho ˈˈshia˗ wo ꞊gɔn ˗nu ˗dhɛ?
1Ko 11:3; Ef 5:22, 24; Ko 3:18; Tit 2:4, 5; 1P 3:1-6
ˈMën ˗kë ˈö ˈnën ˗nu dua ˈdhö ˗mü kö ˗wo ˈwɔn man wo ˗mɛn ˗nu ˗ta?
Pr 23:22; Ef 6:1; Ko 3:20
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 37:3, 4, 8, 11-13, 18—˗Dhɛ ˈö Zozɛfö ˈö kun ˈˈtɩtɩ ˗yö ö dë ˗wo ꞊bhlëë ˗ya ˈö dho ˗wo ö ꞊dhegblü ˗nu ˗dhɛ ˈkö ˗kë ꞊dhɛ ˗a ˗san ˗kun ˗an ke ˗ni ˈgü.
-
Dk 2:51—Yesu ˗yö ˗gɔ ˗dho ˈˈshia˗ Zozɛfö waa Madhi ˗an ˗dhɛ ˈkö ˗kë ꞊dhɛ ˗yö ˗kun ˈˈslʋ̈ʋ̈slʋ̈ ˈö ˈwɔn yaa ˗dhii ˈdhö kun ˗a ˗mɛn ˗nu ˈgü.
-
ˈMën ˗kë ˈö ˗së kö ˈkwa kwa ˗gɔ ˈdho ˈˈshia˗ kwa ˗gɔmɛn ˗dhɛ ˈkö ˗kë ꞊dhɛ mɛn ˈˈwɛɛ ˗nu ˈˈɲan ˈyaa kwa ˗bha?
Ef 6:5; Ko 3:22; 1P 2:18
ˈMën ˗kë ˈö kletiɛn ˗nu ˈwo wo ˗gɔ dho ˈˈshia˗ ˈˈsɛgɔdhiʋ̈mɛn ˗nu ˗dhɛ?
Wlɔ 13:1-6; Tit 3:1; 1P 2:13, 14